ಮನೆಯಲ್ಲೇ ತಯಾರಿಸಿ ರೆಸ್ಟೋರೆಂಟ್ ಶೈಲಿಯ ಚಿಕನ್ ಮಂಚೂರಿಯನ್

ಮನೆಯಲ್ಲೇ ತಯಾರಿಸಿ ರೆಸ್ಟೋರೆಂಟ್ ಶೈಲಿಯ ಚಿಕನ್ ಮಂಚೂರಿಯನ್

HSA   ¦    Jan 23, 2021 01:15:57 PM (IST)
ಮನೆಯಲ್ಲೇ ತಯಾರಿಸಿ ರೆಸ್ಟೋರೆಂಟ್ ಶೈಲಿಯ ಚಿಕನ್ ಮಂಚೂರಿಯನ್

ಚೈನೀಸ್ ಆಹಾರವೆಂದರೆ ಅದು ಪ್ರತಿಯೊಬ್ಬರಿಗೂ ಇಷ್ಟವಾಗುವುದು. ಕೆಲವರಿಗೆ ಚಿಕನ್ ಮಂಚೂರಿಯನ್ ಎಂದರೆ ಬಲು ಪ್ರಿಯ. ಇದನ್ನು ಹೋಟೆಲ್ ನಲ್ಲಿ ಸವಿಯುವುದಕ್ಕಿಂತಲೂ ಮನೆಯಲ್ಲೇ ತಯಾರಿಸಿಕೊಂಡು ತಿಂದರೆ ತುಂಬಾ ಒಳ್ಳೆಯದು. ಅದು ಹೇಗೆ ಎಂದು ತಿಳಿಯಿರಿ.

ಬೇಕಾಗುವ ಸಾಮಗ್ರಿಗಳು

400 ಗ್ರಾಂ ಚಿಕನ್ ಬೋನ್ ಲೆಸ್

1 ಮೊಟ್ಟೆ

1 ಚಮಚ ಜೋಳದ ಹಿಟ್ಟು(ಕಾರ್ನ್ ಫ್ಲೋರ್)

ಉಪ್ಪು

2 ಚಮಚ ಸಾಯ ಸಾಸ್

1 ಚಮಚ ರೆಡ್ ಚಿಲ್ಲಿ ಸಾಸ್

1 ಚಮಚ ಟೊಮೆಟೊ ಕೆಚಪ್

2 ಚಮಚ ಎಳ್ಳೆಣ್ಣೆ

ಸೂರ್ಯಕಾಂತಿ ಎಣ್ಣೆ(ಕರಿಯಲು)

2 ಚಮಚ ಶುಂಠಿ ಹಚ್ಚಿರುವುದು

8 ಎಸಲು ಬೆಳ್ಳುಳ್ಳಿ

1 ಈರುಳ್ಳಿ ಕತ್ತರಿಸಿರುವುದು

2 ಹಸಿ ಮೆಣಸು

1 ಚಮಚ ವಿನೇಗರ್

2 ಸ್ಪ್ರಿಂಗ್ ಓನಿಯನ್ ಕತ್ತರಿಸಿಕೊಂಡಿರುವುದು

ತಯಾರಿಸುವ ವಿಧಾನ

ಮಂಚೂರಿಯನ್ ತಯಾರಿಸಿಕೊಳ್ಳಲು ಮೊದಲಿಗೆ ಮೊಟ್ಟೆ, ಹಿಟ್ಟು, ಉಪ್ಪು ಮತ್ತು ಒಂದು ಚಮಚ ಸೋಯಾ ಸಾಸ್ ನ್ನು ಸರಿಯಾಗಿ ಮಿಶ್ರಣ ಮಾಡಿ. ಇದಕ್ಕೆ ಚಿಕನ್ ತುಂಡುಗಳನ್ನು ಹಾಕಿಕೊಂಡು ಮತ್ತೆ ಸರಿಯಾಗಿ ಮಿಶ್ರಣ ಮಾಡಿ. ಇದರ ಬಳಿಕ ಬದಿಗಿಟ್ಟು 30 ನಿಮಿಷ ಮ್ಯಾರಿನೇಟ್ ಮಾಡಿ.

ದೊಡ್ಡ ಬೆಂಕಿಯಲ್ಲಿ ಎಣ್ಣೆ ಬಿಸಿ ಮಾಡಿ ಮತ್ತು ಮ್ಯಾರಿನೇಟ್ ಮಾಡಿರುವಂತಹ ಚಿಕನ್ ತುಂಡುಗಳನ್ನು ಹಾಗೆ ಬಂಗಾರ ಬಣ್ಣ ಬರುವ ತನಕ ಕರಿಯಿರಿ. 3-4 ನಿಮಿಷ ಕಾಲ ನೀವು ಇದಕ್ಕಾಗಿ ಬಳಸಬಹುದು.

ಮಧ್ಯಮ ಬೆಂಕಿಯಲ್ಲಿ ಒಂದು ಸಣ್ಣ ಬಾಣಲೆಗೆ ಎಳ್ಳೆಣ್ಣೆ, ಬೆಳ್ಳುಳ್ಳಿ ಹಾಕಿ ಹುರಿಯಿರಿ.

ಇದಕ್ಕೆ ಶುಂಠಿ ಮತ್ತು ಹಸಿ ಮೆಣಸು ಹಾಕಿ ಮತ್ತೆ 30 ಸೆಕೆಂಡು ಕಾಲ ಹುರಿಯಿರಿ. ಕತ್ತರಿಸಿರುವ ಈರುಳ್ಳಿ ಕೂಡ ಹಾಕಿ ಮತ್ತು ಅದನ್ನು ಹುರಿಯಿರಿ.

ಉಳಿದ ಸೋಯಾ ಸಾಸ್, ಚಿಲ್ಲಿ ಸಾಸ್, ಟೊಮೆಟೊ ಕೆಚಪ್, ವಿನೇಗರ್ ನ್ನು ಹಾಕಿ ಕೆಲವು ನಿಮಿಷ ಹಾಲ ಹುರಿಯಿರಿ. ಇದಕ್ಕೆ ಟೇಸ್ಟಿಂಗ್ ಹುಡಿ ಕೂಡ ಹಾಕಬಹುದು.

ಅಂತಿಮವಾಗಿ ಚಿಕನ್ ತುಂಡುಗಳನ್ನು ಇದಕ್ಕೆ ಹಾಕಿಕೊಂಡು 4-5 ನಿಮಿಷ ಕಾಲ ಹಾಗೆ ಮಿಶ್ರಣ ಮಾಡಿಕೊಳ್ಳಿ.

ಬೆಂಕಿಯಿಂದ ತೆಗೆದ ಬಳಿಕ ಅದನ್ನು ಕತ್ತರಿಸಿಕೊಂಡು ಸ್ಪ್ರಿಂಗ್ ಓನಿಯನ್ ಹಾಕಿ ಮತ್ತು ಈಗ ಇದು ತಿನ್ನಲು ತಯಾರಾಗಿದೆ.