News Kannada
Monday, October 03 2022

ಮನರಂಜನೆ

ವಿದ್ಯಾರ್ಥಿಗಳ ಸಮ್ಮುಖದಲ್ಲಿ `ಕಾಲೇಜ್ ಕುಮಾರ್’ ಚಿತ್ರದ ಹಾಡು ಬಿಡುಗಡೆ - 1 min read

Photo Credit :

ವಿದ್ಯಾರ್ಥಿಗಳ ಸಮ್ಮುಖದಲ್ಲಿ `ಕಾಲೇಜ್ ಕುಮಾರ್' ಚಿತ್ರದ ಹಾಡು ಬಿಡುಗಡೆ

ಎಂ.ಆರ್.ಪಿಕ್ಚರ್ಸ್ ಲಾಂಛನದಲ್ಲಿ ಎಲ್.ಪದ್ಮನಾಭ್ ಅವರು ನಿರ್ಮಿಸುತ್ತಿರುವ, ಹರಿ ಸಂತೋಷ್(ಅಲೆಮಾರಿ ಸಂತು) ನಿರ್ದೇಶನದ `ಕಾಲೇಜ್ ಕುಮಾರ್ ಚಿತ್ರದ `ಲಾಸ್ಟ್ ಬೆಂಚ್ ಬಾಯ್ಸ್ ಎಂಬ ಮೊದಲ ಹಾಡನ್ನು ಯಲಹಂಕದ ಶೇಷಾದ್ರಿಪುರ ಕಾಲೇಜಿನಲ್ಲಿ ಕಿಕ್ಕಿರಿದು ತುಂಬಿದ್ದ ವಿದ್ಯಾರ್ಥಿಗಳ ಸಮ್ಮುಖದಲ್ಲಿ ಬಿಡುಗಡೆ ಮಾಡಲಾಗಿದೆ.

ಇತ್ತೀಚೆಗಿನ ದಿನಗಳಲ್ಲಿ ಸಿನಿಮಾಗಳ ಹಾಡುಗಳು ಸಂಗೀತ ಪ್ರಿಯರ ಮನಸೆಳೆಯುತ್ತಿವೆ. ಬಹಳಷ್ಟು ಸಿನಿಮಾಗಳು ಬಿಡುಗಡೆಗೆ ಮುನ್ನವೇ ಹಾಡುಗಳ ಮೂಲಕ ಜನರನ್ನು ತಲುಪುತ್ತಿವೆ. ಇದೀಗ `ಕಾಲೇಜ್ ಕುಮಾರ್ ಚಿತ್ರದ ಹಾಡು ಕೂಡ ಚಿತ್ರ ಪ್ರೇಮಿಗಳು ಇಷ್ಟವಾಗುತ್ತದೆ ಎಂಬ ನಿರೀಕ್ಷೆಯಲ್ಲಿ ಚಿತ್ರತಂಡವಿದೆ.

ಅರ್ಜುನ್ ಜನ್ಯ ಸಂಗೀತ ನೀಡಿರುವ, ನಿರ್ದೇಶಕ ಹರಿ ಸಂತೋಷ್ ರಚಿಸಿರುವ `ಲಾಸ್ಟ್ ಬೆಂಚ್ ಬಾಯ್ಸ್ ಎಂಬ ಈ ಹಾಡನ್ನು ಅಲೋಕ್, ವ್ಯಾಸರಾಜ್ ಹಾಗೂ ವಾಸುಕಿ ವೈಭವ್ ಹಾಡಿದ್ದಾರೆ. ಹಾಡು ಬಿಡುಗಡೆಯ ಕಾರ್ಯಕ್ರಮದಲ್ಲಿ ನಟ ರವಿಶಂಕರ್, ನಾಯಕ ವಿಕ್ಕಿ ವರುಣ್(ಕೆಂಡಸಂಪಿಗೆ), ನಟಿ ಸಂಯುಕ್ತ ಹೆಗಡೆ, ನಿರ್ಮಾಪಕ ಎಲ್.ಪದ್ಮನಾಭ್, ನಿರ್ದೇಶಕ ಹರಿ ಸಂತೋಷ್, ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ, ಗಾಯಕರಾದ ಅಲೋಕ್, ವ್ಯಾಸರಾಜ್, ವಾಸುಕಿ ವೈಭವ್ ಸೇರಿದಂತೆ ಚಿತ್ರತಂಡದ ಸದಸ್ಯರು ಹಾಜರಿದ್ದರು.

ಚಿತ್ರಕ್ಕೆ ಎ.ಅನಘನ್ ಛಾಯಾಗ್ರಹಣ ಹಾಗೂ ಕೆ.ಎಂ.ಪ್ರಕಾಶ್ ಸಂಕಲನವಿದ್ದು, ತಾರಾಗಣದಲ್ಲಿ ವಿಕ್ಕಿ ವರುಣ್, ಸಂಯುಕ್ತ ಹೆಗಡೆ, ರವಿಶಂಕರ್, ಶ್ರುತಿ, ಪ್ರಕಾಶ್ ಬೆಳವಾಡಿ, ಸಾಧುಕೋಕಿಲ, ಅಚ್ಯುತ ಕುಮಾರ್ ಮೊದಲಾದವರು ಇದ್ದಾರೆ.

See also  ಹೋಂಸ್ಟೇ ಸುತ್ತ ಭಯಾನಕ ದೃಶ್ಯಗಳು..
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು