ತಿರುವನಂತಪುರಂ: ಬಿಜೆಪಿಯ ರಾಜ್ಯ ಸಮಿತಿ ಸದಸ್ಯರಾಗಿದ್ದ ಮಲಯಾಳಂ ಚಿತ್ರರಂಗದ ಖ್ಯಾತ ನಿರ್ದೇಶಕ ರಾಜಸೇನನ್ ಅವರು ಪಕ್ಷವನ್ನು ತೊರೆದು ಕೇರಳ ಸಿಪಿಐ(ಎಂ) ಸೇರಲು ಸಿದ್ಧರಾಗಿದ್ದಾರೆ.
ರಾಜಸೇನನ್ ಅವರು ಸಿಪಿಐ(ಎಂ) ರಾಜ್ಯ ಕಾರ್ಯದರ್ಶಿ ಎಂ.ವಿ.ಗೋವಿಂದನ್ ಅವರನ್ನು ಭೇಟಿಯಾಗಿ ಚರ್ಚೆ ನಡೆಸಿದ್ದಾರೆ.
ಅರವತ್ನಾಲ್ಕು ವರ್ಷದ ರಾಜಸೇನನ್, 1984 ರಿಂದ ಸುಮಾರು ನಾಲ್ಕು ದಶಕಗಳ ವೃತ್ತಿಜೀವನದಲ್ಲಿ 37 ಮಲಯಾಳಂ ಚಲನಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.
2016 ರಲ್ಲಿ, ರಾಜಸೇನನ್ ಬಿಜೆಪಿಗೆ ಸೇರ್ಪಡೆಗೊಂಡರು ಮತ್ತು ರಾಜ್ಯ ರಾಜಧಾನಿ ಜಿಲ್ಲೆಯ ಅರುವಿಕ್ಕರ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ಸುಮಾರು 20,000 ಮತಗಳನ್ನು ಪಡೆಯುವ ಮೂಲಕ ಮೂರನೇ ಸ್ಥಾನ ಪಡೆದರು.
ರಾಜ್ಯ ಸಮಿತಿಗೆ ಸೇರ್ಪಡೆಯಾಗಿದ್ದರೂ, ಹೆಚ್ಚಿನ ಜವಾಬ್ದಾರಿಗಳನ್ನು ನೀಡದಿದ್ದಕ್ಕಾಗಿ ರಾಜಸೇನನ್ ಅತೃಪ್ತಿ ಹೊಂದಿದ್ದರು. ಕೊನೆಗೆ ಸಿಪಿಐ(ಎಂ)ನಿಂದ ಸಕಾರಾತ್ಮಕ ಸೂಚನೆ ಸಿಕ್ಕಾಗ ಆಡಳಿತ ಪಕ್ಷಕ್ಕೆ ಸೇರಲು ನಿರ್ಧರಿಸಿದರು.
