ನವದೆಹಲಿ: ಹೊಸ ಸಂಸತ್ ಭವನ ಕುರಿತು ಬಾಲಿವುಡ್ ಸೂಪರ್ಸ್ಟಾರ್ ಶಾರುಖ್ ಖಾನ್ ಟ್ವೀಟ್ ಮಾಡಿದ್ದಾರೆ. “ ಸಂಸತ್ ಹೊಸ ಕಟ್ಟಡ ನಮ್ಮ ಸಂವಿಧಾನವನ್ನು ಎತ್ತಿಹಿಡಿಯುವ ಭವ್ಯವಾದ ಹೊಸ ಮನೆ, ಈ ಮಹಾನ್ ರಾಷ್ಟ್ರದ ಪ್ರತಿಯೊಬ್ಬ ನಾಗರಿಕರನ್ನು ಈ ಕಟ್ಟಡ ಪ್ರತಿನಿಧಿಸುತ್ತದೆ ಎಂದು ಟ್ವೀಟ್ ಮಾಡಿದ್ದು, ಟ್ವೀಟ್ ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಉಲ್ಲೇಖಿಸಲಾಗಿದೆ. ಅಲ್ಲದೆ ನವ ಭಾರತಕ್ಕಾಗಿ ಹೊಸ ಸಂಸತ್ತಿನ ಕಟ್ಟಡ ಜೈ ಹಿಂದ್. ವೈಭವದ ಹಳೆಯ ಕನಸಿನೊಂದಿಗೆ ಹೊಸಕಟ್ಟಡ ನಿರ್ಮಾಣವಾಗಿದೆ ಎಂದು ಹೇಳಿದ್ದಾರೆ.
ನನ್ನ ಸಂಸತ್ತು ನನ್ನ ಹೆಮ್ಮೆ ಎಂಬ ಹ್ಯಾಷ್ ಟ್ಯಾಗ್ ಕೂಡ ಇದೆ. ಇದರೊಂದಿಗೆ 1:48 ನಿಮಿಷಗಳ ವೀಡಿಯೊವನ್ನು ಕೂಡ ಶಾರುಖ್ ಬಿಡುಗಡೆ ಮಾಡಿದ್ದಾರೆ ಅದರಲ್ಲಿ ‘ಸ್ವದೇಸ್’ ಗೀತೆ ‘ಯೇ ಜೋ ದೇಸ್ ಹೈ ತೇರಾ’ ಪ್ಲೇ ಆಗುತ್ತಿದೆ, ಅಲ್ಲಿ ಶಾರುಖ್ ಹೊಸ ಸಂಸತ್ತಿನ ಕಟ್ಟಡದ ಮಹತ್ವವನ್ನು ವಿವರಿಸುತ್ತಾರೆ. ಅಲ್ಲದೆ ಕಟ್ಟಡವನ್ನು ಪ್ರಧಾನಿ ಮೋದಿ ಉದ್ಘಾಟಿಸುತ್ತಾರೆ ಎಂದು ಹೇಳಿದ್ದಾರೆ.
ಕೊನೆಯಲ್ಲಿ ಅವರು ಇಂಗ್ಲಿಷ್ನಲ್ಲಿ ಹೇಳಲು ಹೀಗೆ ಹೇಳಿದ್ದಾರೆ “ಪಾರ್ಲಿಮೆಂಟ್ ಎಂಬುದು ರಾಷ್ಟ್ರದ ದೇಹಕ್ಕೆ ಆತ್ಮ. ನಮ್ಮ ಪ್ರಜಾಪ್ರಭುತ್ವದ ಆತ್ಮವು ಅದರ ಹೊಸ ಮನೆಯಲ್ಲಿ ದೃಢವಾಗಿ ಉಳಿಯುತ್ತದೆ ಮತ್ತು ಸ್ವಾತಂತ್ರ್ಯವನ್ನು ಪೋಷಿಸಲು ಮುಂದುವರೆಯಲಿ ಎಂಬುದು ನನ್ನ ಪ್ರಾಮಾಣಿಕ ಪ್ರಾರ್ಥನೆಯಾಗಿದೆ ಎಂದು ಹೇಳಿದ್ದಾರೆ.