ಮುಂಬೈ: ಮೆಗಾಸ್ಟಾರ್ ಅಮಿತಾಭ್ ಬಚ್ಚನ್ ಅವರ ಮೊಮ್ಮಗಳು ನವ್ಯಾ ನವೇಲಿ ನಂದಾ ಅವರು ಗುಜರಾತ್‌ನ ಹಳ್ಳಿಯೊಂದರಲ್ಲಿ ಟ್ರ್ಯಾಕ್ಟರ್ ಓಡಿಸುವ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.
ಆರೋಗ್ಯ ಟೆಕ್ ಕಂಪನಿಯಾದ ಆರಾ ಹೆಲ್ತ್‌ನ ಸಹ-ಸಂಸ್ಥಾಪಕಿಯಾಗಿರುವ ನವ್ಯಾ ಅವರು ಗುಜರಾತ್‌ನ ಹಳ್ಳಿಯೊಂದಕ್ಕೆ ಪ್ರವಾಸಕ್ಕಾಗಿ ಹೋಗಿದ್ದರು. ಈ ವೇಳೆ ಅಲ್ಲಿ ಅವರು ಸ್ಥಳೀಯ ಮಹಿಳೆಯರನ್ನು ಭೇಟಿಯಾಗಿದ್ದು, ಐಷಾರಾಮಿ ಕಾರಿನ ಬದಲಿಗೆ ಟ್ರಾಕ್ಟರ್ ಓಡಿಸುತ್ತಿರುವ ವೀಡಿಯೋ ಹಂಚಿಕೊಂಡಿದ್ದಾರೆ. ಈ ಬಗ್ಗೆ ಇನ್‌ಸ್ಟಾಗ್ರಾಂನಲ್ಲಿ ಅವರು ಬರೆದುಕೊಂಡಿದ್ದು, ಸ್ವತಃ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ. ಗುಜರಾತ್‌ ಗಣೇಶಪುರಕ್ಕೆ ಭೇಟಿ ನೀಡಿ ಆರಾ ಹೆಲ್ತ್ ಆಯೋಜಿಸಿದ್ದ ಸಭೆಯಲ್ಲಿ ನವ್ಯಾ ಮಾತನಾಡಿದ್ದರು.
ನವ್ಯಾ ಯಾರು: ನವ್ಯಾ ಬಿಗ್ ಬಿ ಮಗಳು ಶ್ವೇತಾ ಬಚ್ಚನ್ ಮತ್ತು ಅವರ ಉದ್ಯಮಿ-ಪತಿ ನಿಖಿಲ್ ನಂದಾ ಅವರ ಮಗಳು, ನಟರಾದ ಕರೀನಾ ಕಪೂರ್ ಮತ್ತು ರಣಬೀರ್ ಕಪೂರ್ ಅವರ ಸೋದರಸಂಬಂಧಿ. ಆಕೆಗೆ ಅಗಸ್ತ್ಯ ಎಂಬ ಸಹೋದರನಿದ್ದಾನೆ.
