ಚಳಿಗಾಲ ಅಂತ್ಯವಾಗುತ್ತಾ ಬರುತ್ತಿರುವಂತೆ ಬಿಸಿಲಿನ ಬೇಗೆ ಹೆಚ್ಚಾಗುತ್ತಿದೆ. ಅದೇ ದೇಹದಲ್ಲಿ ನೀರಿನಾಂಶವು ಉಳಿದಿಕೊಳ್ಳಲು ನಾವು ಹೆಚ್ಚು ಹೆಚ್ಚು ದ್ರವಾಹಾರ ಸೇವನೆ ಮಾಡಬೇಕು. ಅದರಲ್ಲೂ ನೀರು, ಹಣ್ಣುಗಳ ಜ್ಯೂಸ್ ಇತ್ಯಾದಿ ಸೇವನೆ ಮಾಡಿದರೆ ದೇಹವನ್ನು ನಿರ್ಜಲೀಕರಣದಿಂದ ತಪ್ಪಿಸಬಹುದು.
ಅದರಲ್ಲೂ ಆರೋಗ್ಯಕ್ಕೆ ಹಲವಾರು ಲಾಭಗಳನ್ನು ನೀಡುವ ಸೀಯಾಳವನ್ನು ಹಾಗೆ ಸೇವಿಸುವ ಬದಲು ಅದಕ್ಕೆ ಸ್ವಲ್ಪ ಬೇರೆ ಸಾಮಗ್ರಿ ಹಾಕಿಕೊಂಡು ಸೇವಿಸಿದರೆ ರುಚಿ ಹೆಚ್ಚುವುದು ಮಾತ್ರವಲ್ಲದೆ ಆರೋಗ್ಯಕ್ಕೂ ಇದು ಹಿತಕಾರಿ.
ಸೀಯಾಳ ನೀರಿನೊಂದಿಗೆ ಲಿಂಬೆ ಮತ್ತು ಪುದೀನಾ ಎಲೆ
ಒಂದು ಸೀಯಾಳದ ನೀರು
ಪುದೀನಾ ಎಲೆಗಳು
1 ಚಮಚ ಜೇನುತುಪ್ಪ
1 ಲಿಂಬೆ
ಲಿಂಬೆ ಮತ್ತು ಪುದೀನಾ ಜತೆ ಸೀಯಾಳ ತಯಾರಿಸುವ ವಿಧಾನ
*ಸೀಯಾಳದಿಂದ ನೀರನ್ನು ತೆಗೆದು ಒಂದು ಜಗ್ ಗೆ ಹಾಕಿ.
*ಚಮಚ ಬಳಸಿಕೊಂಡು ಸೀಯಾಳದ ಗಂಜಿ ತೆಗೆಯಿರಿ
* ಇದನ್ನು ಸಣ್ಣಸಣ್ಣ ತುಂಡುಗಳನ್ನಾಗಿ ಮಾಡಿ ಸೀಯಾಳದ ನೀರಿಗೆ ಹಾಕಿ.
* ಪುದೀನಾ ಎಲೆ, ಜೇನುತುಪ್ಪ ಮತ್ತು ಲಿಂಬೆರಸ, ಲಿಂಬೆ ತುಂಡುಗಳನ್ನು ಹಾಕಿ.
* ಇದನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡು ಕುಡಿಯಿರಿ.