ಕರಾವಳಿಯಲ್ಲಿ ಮತ್ತು ಮಲೆನಾಡಿನಲ್ಲಿ ಹಲಸಿನ ಹಣ್ಣಿನ ಕಡುಬು ( ಹಲಸಿನ ಹಣ್ಣಿನ ಗಟ್ಟಿ) ಪ್ರಸಿದ್ಧಿ ಪಡೆದಿದೆ. ಹಲಸಿನ ಹಣ್ಣಿನ ಸೀಸನ್ ಆರಂಭ ಆಗುತ್ತದೆ ಕರಾವಳಿಯಲ್ಲಿ ಮತ್ತು ಮಲೆನಾಡಿನಲ್ಲಿ ಹಲಸಿನ ಹಣ್ಣಿನ ಗಟ್ಟಿ ಮಾಡುವುದು ಎಲ್ಲರ ಮನೆಯಲ್ಲೂ ಇದ್ದೆ ಇರುತ್ತದೆ. ಈ ಹಲಸಿನ ಹಣ್ಣಿನ ಗಟ್ಟಿ ಮಾಡಲು, ಹಲಸಿನ ಹಣ್ಣಿನ ಸೊಳೆ (ಅಂದಾಜು) ಅಕ್ಕಿ ಅರ್ಧ ಕಪ್, ಬೆಲ್ಲ – (ಸಿಹಿ ಬೇಕಾಗುವಷ್ಟು) ಉಪ್ಪು ರುಚಿಗೆ ತಕ್ಕಷ್ಟು, ಏಲಕ್ಕಿಪುಡಿ ಮತ್ತು ತೆಂಗಿನೆಣ್ಣೆ ಇಷ್ಟು ಸಾಮಾಗ್ರಿಗಳು ಬೇಕಾಗುತ್ತದೆ.
ಹಲಸಿನ ಹಣ್ಣಿನ ಗಟ್ಟಿ ಮಾಡಲು, ಹಲಸಿನ ಸೊಸೆ, ಬೆಲ್ಲ, ಸಕ್ಕರೆ, ಉಪ್ಪು, ನೀರಿನಲ್ಲಿ ತೊಳೆದ ಅಕ್ಕಿ ಸೇರಿಸಿ ಗ್ರೈನ್ (ಸ್ಪಲ್ಪ ದಪ್ಪ ಹಿಟ್ಟು) ರೆಡಿ ಮಾಡಿಕೊಳ್ಳಿ. ನಂತರ ಇದಕ್ಕೆ ಎಣ್ಣೆ, ಏಲಕ್ಕಿಪುಡಿ ಸೇರಿಸಿ ಮಿಶ್ರಣ ಮಾಡಿಕೊಳ್ಳಿ. ಇಡ್ಲಿಯಂತೆ ಮಾಡಿಯೂ ಬೇಯಿಸಬಹುದು ಅಥವಾ ಬಾಳೆಯೆಲೆಯಲ್ಲಿ ಕಟ್ಟಿಯೂ ಬೇಯಿಸಬಹುದು. ಇದನ್ನು ತುಪ್ಪದ ಜೊತೆಗೂ ತಿನ್ನಬಹುದು ಅಥವಾ ಚಟ್ನಿ ಜೊತೆಗೂ ಸವಿಯಬಹುದು.
