News Kannada
Monday, October 03 2022

ಆರೋಗ್ಯ

ಮಕ್ಕಳ ಉತ್ತಮ ಆರೋಗ್ಯಕ್ಕೆ ಸಮತೋಲಿತ ಆಹಾರ ಮುಖ್ಯ - 1 min read

Photo Credit :

ಮಕ್ಕಳ ಉತ್ತಮ ಆರೋಗ್ಯಕ್ಕೆ ಸಮತೋಲಿತ ಆಹಾರ ಮುಖ್ಯ

ಸಮತೋಲಿತ ಆಹಾರವನ್ನು ಸೇವೆಸಿದರೆ ಆರೋಗ್ಯವು ಉತ್ತಮವಾಗಿರುತ್ತದೆ. ಮಕ್ಕಳಿಗೆ ಸಮತೋಲಿತ ಆಹಾರದ ಮೇಲೆ ಗಮನ ಹರಿಸಿದರೆ ತುಂಬಾ ಒಳ್ಳೆಯದು. ನಾವು ಆರೋಗ್ಯವಂತರಾಗಿರಬೇಕಾದರೆ ಸಮತೋಲಿತ ಆಹಾರವು ಅಷ್ಟೇ ಮುಖ್ಯ. ಮಕ್ಕಳ ಉತ್ತಮ ಆರೋಗ್ಯಕ್ಕಾಗಿ ಯಾವುದೆಲ್ಲಾ ಮಕ್ಕಳಿಗೆ ಆಹಾರವನ್ನು ನೀಡಬಹುದೆಂದು ತಿಳಿದುಕೊಳ್ಳೋಣ.

ಮೊಟ್ಟೆಗಳು: ಮೊಟ್ಟೆಗಳು ಪ್ರೊಟೀನಿನ ಪ್ರಮುಖ ಸಂಪನ್ಮೂಲವಾಗಿದೆ. ಹೀಗಾಗಿ ಇದನ್ನು ಸೂಪರ್ ಫುಡ್ ಎಂದು ಪರಿಗಣಿಸಲಾಗಿದೆ. ಹಳದಿ ಭಾಗವು ಪ್ರಮುಖ ವಿಟಾಮಿನ್‍ಗಳು ಮತ್ತು ಖನಿಜಗಳು ಹಾಗೂ ನಿಮ್ಮ ಮಗುವಿನ ಆಹಾರದಲ್ಲಿ ಇರಬೇಕಾದ ಅಂಶಗಳ ಸಂಗ್ರಹವಾಗಿದೆ. ಖುಷಿಯ ಸಂಗತಿಯೆಂದರೆ, ಮೊಟ್ಟೆಗಳನ್ನು ವಿವಿಧ ರೀತಿಯಲ್ಲಿ ಸೇವಿಸಬಹುದು. ಬೇಯಿಸಿ, ನುರಿದು ಅಥವಾ ಇತರ ರೀತಿಯಲ್ಲಿ ಸೇವಿಸಬಹುದಾಗಿದ್ದು, ಬಹುತೇಕ ಮಕ್ಕಳು ಮೊಟ್ಟೆ ಸೇವಿಸಲು ಇಷ್ಟಪಡುತ್ತಾರೆ.

ಮೆಣಸು: ಮೆಣಸು ರಾಸಾಯನಿಕ ಕ್ಯಾಪ್ಸಾಸಿನ್ ಅನ್ನು ಹೊಂದಿರುತ್ತದೆ. ಇದು ಶೀತ ಮತ್ತು ಫ್ಲೂನಿಂದ ಹೋರಾಡುವ ರೋಗ ನಿರೋಧಕ ವ್ಯವಸ್ಥೆ ವಿಟಾಮಿನ್ ಸಿ ಒಳಗೊಂಡಿರುತ್ತದೆ. ನೀವು ತಯಾರಿಸುವ ಅಡುಗೆಗೆ ಇದು ಸುಂದರ ಬಣ್ಣವನ್ನೂ ನೀಡುತ್ತದೆ. ಸ್ಯಾಂಡ್‍ವಿಚ್, ಪಾಸ್ತಾ, ಸಲಾಡ್ ಅಥವಾ ಸಾಂಬಾರಿಗೆ ಮೆಣಸು ಕೇವಲ ಸ್ವಾದವನ್ನು ಸೇರಿಸುವುದಲ್ಲದೇ, ನಿಮ್ಮ ಮಕ್ಕಳಿಗೆ ಆಕರ್ಷಕವೂ ಆಗಿರುತ್ತದೆ.

ಧಾನ್ಯಗಳು, ಮೊಳಕೆ ಕಾಳುಗಳು: ಆ್ಯಂಟಿಆಕ್ಸಿಡಂಟ್‍ಗಳಾದ ಫ್ಲಾವೊನಾಯ್ಡ್ಸ್, ಕ್ಯಾರೊಟೆನಾಯ್ಡ್ಸ್, ಫೆನಾಲಿಕ್ ಆಸಿಡ್ ಮತ್ತು ಪಾಲಿಫೆನಾಲ್ಸ್‍ನಂಥವುಗಳನ್ನು ಧಾನ್ಯಗಳು ಹೊಂದಿರುತ್ತದೆ. ಇಡಿ ಧಾನ್ಯಗಳೂ ಉತ್ತಮವಾಗಿದ್ದು, ಮೊಳಕೆ ಕಾಳುಗಳು ಇನ್ನಷ್ಟು ಪೋಷಕಾಂಶಗಳನ್ನು ಲಭ್ಯವಾಗಿಸುತ್ತವೆ. ಇದರಿಂದ ದೇಹ ಸುಲಭವಾಗಿ ಪೋಷಕಾಂಶಗಳನ್ನು ಪಡೆಯಬಹುದಾಗಿದೆ. ಉಪ್ಪು ಮತ್ತು ನಿಂಬೆ ಹಾಕಿ ಹಸಿಯಾಗಿ ಅಥವಾ ಬೇಯಿಸಿ ಸೇವಿಸಿ. ಧಾನ್ಯಗಳು ಮತ್ತು ಮೊಳಕೆಕಾಳುಗಳು ಯಾವುದೇ ಸಮಯದಲ್ಲಾದರೂ ಮಕ್ಕಳಿಗೆ ಉತ್ತಮ ಆಹಾರವಾಗಬಹುದು.

ನಟ್ಸ್ ಮತ್ತು ಬೀಜಗಳು: ಬಾದಾಮಿ ಮತ್ತು ವಾಲ್‍ನಟ್, ಪಿಸ್ತಾ, ಒಣದ್ರಾಕ್ಷಿಗಳು, ಖರ್ಜೂರ ಮತ್ತು ಒಣ ಫಿಗ್‍ಗಳಂತಹ ನಟ್‍ಗಳು ಹಾಗೂ ಕುಂಬಳಕಾಯಿ ಬೀಜ, ಅಗಸೆ ಬೀಜಗಳು, ಸೂರ್ಯಕಾಂತಿ ಬೀಜಗಳು ವಿಟಾಮಿನ್ ಸಿ ಹೊಂದಿರುತ್ತವೆ. ಇವು ಅತ್ಯಂತ ಪ್ರಮುಖ ಆ್ಯಂಟಿಆಕ್ಸಿಡಂಟ್ ಮತ್ತು ರೋಗನಿರೋಧಕ ಶಕ್ತಿ ಪ್ರೋತ್ಸಾಹಕವಾಗಿದೆ. ದಿನದಲ್ಲಿ ಸಾಕಷ್ಟು ಪ್ರಮಾಣದ ನಟ್ಸ್ ಮತ್ತು ಒಣದ್ರಾಕ್ಷಿ ನಿಮ್ಮ ಮಗುವಿಗೆ ಉತ್ತಮವಾಗಿರುತ್ತವೆ ಮತ್ತು ಅಕಾಲದಲ್ಲಿ ಹಸಿವು ನೀಗಿಸಲು ಸೂಕ್ತವಾಗಿದೆ.

ಮೊಸರು: ಮೊಸರಿನಲ್ಲಿ ಪ್ರೋಬಯಾಟಿಕ್ಸ್ ಹೆಚ್ಚಿನ ಪ್ರಮಾಣದಲ್ಲಿದ್ದು, ಇತ್ತೀಚಿನ ದಿನಗಳಲ್ಲಿ ಉತ್ತಮ ಆರೋಗ್ಯಕರ ಆಹಾರವಾಗಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಹಲವು ಮೈಕ್ರೋಆರ್ಗಾನಿಸಮ್‍ಗಳ ವಿರುದ್ಧ ಹೋರಾಡಿ ಇದು ದೇಹದ ರೋಗನಿರೋಧಕ ವ್ಯವಸ್ಥೆಯನ್ನು ಶಕ್ತಿಯುತಗೊಳಿಸುತ್ತದೆ. ಸಾಮಾನ್ಯ ಮೊಸರು ಅಷ್ಟೇನೂ ಇಷ್ಟವಾಗದಿದ್ದರೆ, ಮಜ್ಜಿಗೆ ಮಾಡಿ ಸೇವಿಸಿ ನಿಮ್ಮ ಮಗುವಿಗೆ ಇಷ್ಟವಾಗಿರುವ ಹಣ್ಣನ್ನು (ಮಾವು, ಸ್ಟ್ರಾಬೆರ್ರಿ ಇತ್ಯಾದಿ) ಮಿಕ್ಸರ್‍ನಲ್ಲಿ ಹಾಕಿ ಮತ್ತು 15 ರಿಂದ 20 ನಿಮಿಷಗಳವರೆಗೆ ರೆಫ್ರಿಜರೇಟರ್‍ನಲ್ಲಿ ಇಟ್ಟು ಸೇವಿಸಬಹುದು.

See also  ಬೇಸಿಗೆಯಲ್ಲಿ ದೇಹ ತಂಪಾಗಿರಲಿ..
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು