ಅವಕಾಡೋ ಅಥವಾ ಬಟರ್ ಫ್ರೂಟ್ ಎಂದು ಕರೆಯಲ್ಪಡುವ ಈ ಹಣ್ಣು ಮೂಲತಹ ಮಧ್ಯ ಅಮೇರಿಕಾ ಹಾಗೂ ಮೆಕ್ಸಿಕೋ ದಲ್ಲಿ ಹುಟ್ಟಿದ ಹಣ್ಣು ಇದಾಗಿದೆ. ಹಣ್ಣಿನ ಒಳ ಭಾಗವು ಬೆಣ್ಣೆಯಂತಿದ್ದು ಇದಕ್ಕಾಗಿ ಇದನ್ನು ಬೆಣ್ಣೆ ಹಣ್ಣು ಎಂದು ಕರೆಯಲಾಗಿದೆ.
ಇತರ ಹಣ್ಣುಗಳಿಗೆ ಹೋಲಿಸಿದರೆ ಈ ಹಣ್ಣುಗಳು ಉತ್ತಮ ಪೋಶಕಾಂಶದ ಮೂಲವಾಗಿದೆ. ಈ ಹಣ್ಣುಗಳನ್ನು ಮುಖ್ಯವಾಗಿ ತಾಜಾ ಹಣ್ಣುಗಳಾಗಿ ಬಳಸಲಾಗುತ್ತದೆ.ಅವುಗಳನ್ನು ಸಲಾಡ್, ಸ್ಯಾಂಡವಿಚ್ ಫಿಲ್ಲಿಂಗ್ ಗಳಲ್ಲಿ ಹಾಗೂ ಸ್ಮೂತಿಗಳಾಗಿ ಬಳಸಲಾಗುತ್ತದೆ.
ಉತ್ಪಾದನಾ ರಾಜ್ಯಗಳು: ಭಾರತದಲ್ಲಿ ಅವಕಾಡೊ ಕೃಷಿ ಉತ್ತಮವಾಗಿ ಬೆಳೆಯುತ್ತಿದೆ.ಇದು ಕೆಲವು ಪ್ರದೇಶಗಳಿಗೆ ಸೀಮಿತವಾಗಿದ್ದು ತಮಿಳುನಾಡು, ಕೇರಳ, ಮಹಾರಾಷ್ಟ್ರ ಮತ್ತು ಕರ್ನಾಟಕದಲ್ಲಿ ವಾಣಿಜ್ಯ ಕೃಷಿಯಾಗಿ ನಡೆಯುತ್ತಿದೆ.
ಹವಾಮಾನ: ಅವಕಾಡೋ ಹಣ್ಣನ್ನು ಉಷ್ಣವಲಯ ಮತ್ತು ಅರೆಉಷ್ಣವಲಯ ಪ್ರದೇಶಗಳಲ್ಲಿ ಬೆಳೆಯಲಾಗುತ್ತದೆ. ಈ ಸಸ್ಯಗಳು ಬಿಸಿ ಒಣಗಾಳಿ ಮತ್ತು ಹಿಮವನ್ನು ಸಹಿಸುವುದಿಲ್ಲ.
ಮಣ್ಣಿನ ಅವಶ್ಯಕತೆ: ಈ ಹಣ್ಣುಗಳು ಕಳಪೆ ಬರಿದಾದ ಮಣ್ಣುಗಳನ್ನು ಹೊರತು ಪಡಿಸಿ ವಿವಿಧ ರೀತಿಯ ಮಣ್ಣಿನಲ್ಲಿ ಬೆಳೆಯುತ್ತದೆ. ಲವಣಯುಕ್ತ ಮಣ್ಣನ್ನು ತಪ್ಪಿಸುವುದು ಬಹಳ ಮುಖ್ಯ ಯಾಕೆಂದರೆ ಈ ಸಸ್ಯಗಳು ಲವಣಯುಕ್ತ ಪರಿಸ್ಥಿತಿಗಳನ್ನು ಸಹಿಸುವುದಿಲ್ಲ. ಅವಕಾಡೋ ಕೃಷಿಗೆ ಭೂಮಿಯನ್ನು ಒಂದೆರಡು ಬಾರಿ ಉಳುಮೆ ಮಾಡಿ ಕಳೆ ಮುಕ್ತವಾಗಿಸುವುದು ಉತ್ತಮ.
ನೀರಾವರಿ: ಅವಕಾಡೋ ಹಣ್ಣಿನ ಕೃಷಿಯಲ್ಲಿ ಕಸಿ ಮಾಡಿದ ತಕ್ಷಣ ನೀರಾವರಿ ಮಾಡಬೇಕು. ಭಾರಿ ಮಳೆ ಅಥವಾ ಪ್ರವಾಹದ ಸಂದರ್ಭದಲ್ಲಿ ನೀರು ಹೆಚ್ಚಾಗಿರುವುದರಿಂದ ನೀರನ್ನು ಹೊರಹಾಕಬೇಕಾಗುತ್ತದೆ.
ಕೊಯ್ಲು: ನಾಟಿ ಮಾಡಿ 5 ರಿಂದ 6 ವರ್ಷಗಳಲ್ಲಿ ಹಣ್ಣು ಕೊಯ್ಲಿಗೆ ಸಿದ್ದವಾಗುತ್ತದೆ. ಈ ಹಣ್ಣುಗಳು ಗಾಢ ಕಂದು ಬಣ್ಣಕ್ಕೆ ಬದಲಾಯಿಸಿದಾಗ ಅವುಗಳು ಕೊಯ್ಲಿಗೆ ಸಿದ್ದವಾಗಿದೆ ಎಂದರ್ಥ. ಸಾಮಾನ್ಯವಾಗಿ ಈ ಅವಕಾಡೋಗಳು ಹಣ್ಣಾಗಲು 5ರಿಂದ10 ದಿನಗಳು ಬೇಕಾಗುತ್ತದೆ.
ಆರೋಗ್ಯ ಲಾಭಗಳು:
• ಅವಕಾಡೋ ಹೃದಯಕ್ಕೆ ಆರೋಗ್ಯಕರ
• ಕ್ಯಾನ್ಸರ್ ವಿರುದ್ದ ಹೋರಾಡಲು ಸಹಾಯ ಮಾಡುತ್ತದೆ
• ಖಿನ್ನತೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ
• ತೂಕ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ
• ದೀರ್ಘಕಾಲದ ಕಾಯಿಲೆಗಳಿಂದ ರಕ್ಷಿಸುತ್ತದೆ
• ಅವಕಾಡೋ ಗರ್ಭಿಣಿಯರ ಆರೋಗ್ಯಕ್ಕೆ ಉತ್ತಮ
