ನವದೆಹಲಿ: 4,500 ವರ್ಷಗಳ ಹಿಂದೆ ಪುರಾತನ ಮಧ್ಯಪ್ರಾಚ್ಯದ ಜನರು ಲಿಪ್ ಕಿಸ್ಸಿಂಗ್ ಅನ್ನು ಮಾಡುತ್ತಿದ್ದರು ಎಂದು ಸಂಶೋಧಕರು ಬಹಿರಂಗ ಮಾಡಿದ್ದಾರೆ . ಈ ಹಿಂದೆ ಲಿಪಿ ಕಿಸ್‌ (ತುಟಿಚುಂಬನ) ದ ಕುರಿತು 1ಸಾವಿರ ವರ್ಷಗಳ ದಾಖಲೆ ಇತ್ತು. ಆದರೆ ಇದೀಗ ಮಾನವ ತುಟಿ ಚುಂಬನದ ಆರಂಭಿಕ ಪುರಾವೆಗಳು 3,500 ವರ್ಷಗಳ ದಕ್ಷಿಣ ಏಷ್ಯಾದ ಒಂದು ನಿರ್ದಿಷ್ಟ ಭೌಗೋಳಿಕ ಸ್ಥಳದಲ್ಲಿ ದೊರೆತಿವೆ ಎಂದು ಸಂಶೋಧಕರು ಹೇಳಿದ್ದಾರೆ.
ಈಗ, ಕೋಪನ್ ಹ್ಯಾಗನ್ ವಿಶ್ವವಿದ್ಯಾನಿಲಯ ಮತ್ತು ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ಸಂಶೋಧಕರು, ಸೈನ್ಸ್ ಜರ್ನಲ್‌ನಲ್ಲಿ ಪ್ರಕಟವಾದ ಹೊಸ ಲೇಖನದಲ್ಲಿ, ಆರಂಭಿಕ ಮೆಸೊಪೊಟೊಮಿಯಾದ ಸಮಾಜಗಳ ಲಿಖಿತ ಮೂಲಗಳಿಂದ ಈ ಅಂಶಗಳನ್ನು ದೃಢೀಕರಿಸಿದ್ದು, 4,500 ವರ್ಷಗಳ ಹಿಂದೆಯೇ ಮಾನವರಲ್ಲಿ ತುಟಿ ಚುಂಬನ ಅಭ್ಯಾಸವಿತ್ತು ಎಂಬುದಕ್ಕೆ ದಾಖಲೆಗಳು ದೊರೆತಿವೆ ಎಂದಿದ್ದಾರೆ.
ಪ್ರಾಚೀನ ಮೆಸೊಪಟ್ಯಾಮಿಯಾ ಭಾಗವಾಗಿರುವ ಇಂದಿನ ಇರಾಕ್ ಮತ್ತು ಸಿರಿಯಾದಲ್ಲಿ ಯೂಫ್ರೇಟ್ಸ್ ಮತ್ತು ಟೈಗ್ರಿಸ್ ನದಿಗಳ ನಡುವೆ ಅಸ್ತಿತ್ವದಲ್ಲಿದ್ದ ಆರಂಭಿಕ ಮಾನವ ಸಂಸ್ಕೃತಿಗಳಲ್ಲಿ ಈ ಕುರಿತು ಮಣ್ಣಿನ ರಚನೆಗಳು ಇವೆ ಎಂಬುದು ತಿಳಿದುಬಂದಿದೆ. ಜನರು ಮಣ್ಣಿನ ರಚನೆಗಳ ಮೇಲೆ ಈ ತುಟಿಚುಂಬನವನ್ನು ದಾಖಲೂ ಮಾಡಿರುವ ವಿಚಾರ ಬೆಳಕಿಗೆ ಬಂದಿದೆ. ಇಂತಹ ಸಾವಿರಾರು ಜೇಡಿಮಣ್ಣಿನ ರಚನೆಗಳು ಇಂದಿಗೂ ಉಳಿದುಕೊಂಡಿವೆ ಎಂದು ಸಂಶೋಧಕ ಡಾ ಟ್ರೋಲ್ಸ್ ಪ್ಯಾಂಕ್ ಹೇಳಿದ್ದಾರೆ.
