ಬೆಂಗಳೂರು : ಕಳೆದ ಫೆಬ್ರವರಿ ತಿಂಗಳಲ್ಲಿ ಬಿಡುಗಡೆಯಾಗಬೇಕಿದ್ದ ಕನ್ನಡ ಸಿನಿಮಾ ‘ ಗಜಾನನ ಆ್ಯಂಡ್ ಗ್ಯಾಂಗ್ ‘ ಮುಂಬರುವ ಜೂನ್ 3 ರಂದು ತೆರೆಗೆ ಬರಲು ರೆಡಿಯಾಗಿದೆ . ಒಂದು ಕಾಲೇಜು ಕಥೆ ಆಧಾರಿತ ಚಿತ್ರ ಇದಾಗಿದ್ದು , ನಟ ಶ್ರೀ ಮಹದೇವ್ ಮತ್ತು ನಟಿ ಅದಿತಿ ಪ್ರಭುದೇವ ಅವರು ನಾಯಕ – ನಾಯಕಿಯಾಗಿ ಮಿಂಚಲಿದ್ದಾರೆ . ಇನ್ನು , ‘ ನಮ್ ಗಣಿ ಬಿ . ಕಾಂ ಪಾಸ್ ‘ ಖ್ಯಾತಿಯ ಅಭಿಷೇಕ್ ಶೆಟ್ಟಿ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ . ಅಂದಹಾಗೆ , ದೇಶಾದ್ಯಂತ ಕೋವಿಡ್ ಪ್ರಕರಣಗಳ ಹೆಚ್ಚಳದಿಂದಾಗಿ , ಜನವರಿಯಿಂದ ಸಿನಿಮಾ ಹಾಲ್ಗಳು 50 ಪ್ರತಿಶತ ಆಕ್ಯುಪೆನ್ಸಿ ದರದೊಂದಿಗೆ ಕಾರ್ಯನಿರ್ವಹಿಸಲು ಅನುಮತಿಸಿದ್ದರಿಂದ , ಬಿಡುಗಡೆಯ ದಿನಾಂಕವನ್ನು ತಳ್ಳಲು ನಿರ್ಧರಿಸಿದ ನಿರ್ಮಾಪಕರು ಮತ್ತು ಚಿತ್ರತಂಡ , ಈಗ ಹೊಸ ಬಿಡುಗಡೆ ದಿನಾಂಕವನ್ನು ಘೋಷಿಸಿದ್ದಾರೆ .
ಹಾಗಾಗಿ , ಜೂನ್ 3 ರಂದು 300 ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ರಿಲೀಸ್ ಆಗಲಿದೆ . ಈ ಚಿತ್ರದಲ್ಲಿ ಶ್ರೀ ಮಹಾದೇವ್ ಅವರು ಮೊದಲ ಬಾರಿಗೆ ನಟಿ ಅದಿತಿ ಪ್ರಭುದೇವ ಅವರೊಂದಿಗೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ . ಇನ್ನು , ಕಳೆದ ಡಿಸೆಂಬರ್ನಲ್ಲಿ ಆನ್ಲೈನ್ ಪ್ಲಾಟ್ಫಾರ್ಮ್ಗಳಲ್ಲಿ ಬಿಡುಗಡೆಯಾದ ಈ ಚಿತ್ರದ ಟ್ರೈಲರ್ ಸಿನಿಪ್ರಿಯರ ಕುತೂಹಲವನ್ನು ಗಳಿಸಿತ್ತು . ನಟಿ ಮೇಘನಾ ರಾಜ್ ಅವರು ಸಿನಿಮಾದ ಟ್ರೈಲರ್ ಅನ್ನು ಬಿಡುಗಡೆ ಮಾಡಿದ್ದರು . ಈ ಸಿನಿಮಾಗೆ ಪ್ರದ್ದ್ಯೋತ್ತನ್ ಅವರು ಸಂಗೀತ ನಿರ್ದೇಶನ ಮಾಡಿದ್ದು , ಲೀಲಾ ಅವರ ಛಾಯಾಗ್ರಹಣವಿದೆ . ಹಾಗೆಯೇ , ವಿಜೆಟ್ ಚಂದ್ರು ಅವರು ಸಂಕಲನ ಮತ್ತು ಥ್ರಿಲ್ಲರ್ ಮಂಜು ಅವರು ಫೈಟ್ ಮಾಸ್ಟರ್ ಆಗಿದ್ದಾರೆ .