ಪುನೀತ್ ನಿಧನರಾಗಿ ದಿನಗಳೇ ಉರುಳಿದ್ದರೂ ಪುನೀತ್ ಅವರ ಸಮಾಧಿ ಬಳಿ ಬರುವ ಅಭಿಮಾನಿಗಳ ಸಂಖ್ಯೆ ಕಡಿಮೆಯಾಗಿಲ್ಲ.
ಈ ಬಾರಿ ಅಭಿಮಾನಿಗಳಿಬ್ಬರು ಪುನೀತ್ ಸಮಾಧಿ ಬಳಿ ಬಂದಿದ್ದು, ಅಲ್ಲಿಯೇ ಮದುವೆಯಾಗುತ್ತೇವೆ ಎಂದಿದ್ದಾರೆ.
ನಾವು ಪುನೀತ್ ಅಭಿಮಾನಿಗಳು, ಪುನೀತ್ ಅವರ ಸಮ್ಮುಖದಲ್ಲೇ ಸಪ್ತಪದಿ ತುಳಿಯಬೇಕು ಎಂದು ಅಂದುಕೊಂಡಿದ್ದರು. ಆದರೆ ಈಗ ಅದು ಆಗದ ಕಾರಣ ಪುನೀತ್ ಅವರ ಸಮಾಧಿ ಮುಂದೆಯೇ ಮದುವೆ ಆಗುತ್ತೇವೆ ಎಂದು ಕುಳಿತಿದ್ದಾರೆ.
ಜೊತೆಗೆ ರಾಘಣ್ಣ, ಶಿವಣ್ಣ ಕೂಡ ಬಂದು ಆರ್ಶೀವಾದ ನೀಡಬೇಕು ಎಂದು ಪ್ರೇಮಿಗಳು ಕೋರುತ್ತಿದ್ದಾರೆ. ಇವರಿಬ್ಬರೂ ಎರಡು ವರ್ಷದಿಂದ ಪ್ರೀತಿಸುತ್ತಿದ್ದು, ಮನೆಯವರಿಂದ ಮದುವೆಗೆ ಯಾವ ವಿರೋಧವೂ ಇಲ್ಲ.
ಪುನೀತ್ ಸಮಾಧಿ ಮುಂದೆ ಮದುವೆಯಾಗಲು ಈಗಾಗಲೇ ರಾಜ್ಕುಟುಂಬದ ಅನುಮತಿ ಪಡೆದಿದ್ದಾರೆ ಎನ್ನಲಾಗಿದೆ.