News Kannada
Monday, October 03 2022

ಸಾಂಡಲ್ ವುಡ್

ಅಮೃತ್ ಅಪಾರ್ಟ್ ‍ಮೆಂಟ್ಸ್ ನಲ್ಲಿ ಕನಸಿನ ಪಾತ್ರದಲ್ಲಿ ನಟಿ ಮಾನಸ ಜೋಶಿ - 1 min read

Photo Credit :

ಈಗಾಗಲೇ ರಿಲೀಸ್ ಆಗಿರುವ ಟೀಸರ್, ಟ್ರೇಲರ್ ಹಾಗೂ ಲಿರಿಕಲ್ ವೀಡಿಯೋ ಹಾಡಿನ ಮೂಲಕ ಕುತೂಹಲ ಹುಟ್ಟಿಸಿರುವ ಹೊಸ ಚಿತ್ರ ಅಮೃತ ಅಪಾರ್ಟ್ ಮೆಂಟ್ಸ್. ಜಿ9 ಕಮ್ಯುನಿಕೇಶನ್ ಮೀಡಿಯಾ ಅಂಡ್ ಎಂಟಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾದ ಈ ಚಿತ್ರಕ್ಕೆ ಗುರುರಾಜ ಕುಲಕರ್ಣಿ ಮೊದಲ ಬಾರಿಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಲಾಸ್ಟ್ ಬಸ್, ಆಕ್ಸಿಡೆಂಟ್ ಸಿನಿಮಾದಲ್ಲಿ ಸಹ ನಿರ್ಮಾಪಕರಾದ ಗುರುರಾಜ ಕುಲಕರ್ಣಿ ನಿರ್ದೇಶಿಸಿ ನಿರ್ಮಿಸಿರುವ ಸಿನಿಮಾ ನವೆಂಬರ್ 26ಕ್ಕೆ ಬಿಡುಗಡೆಯಾಗಲು ಸಕಲ ಸಜ್ಜಾಗಿ ನಿಂತಿದೆ.

ಚಿತ್ರದಲ್ಲಿ ಕೆಜಿಎಫ್, ಯುವರತ್ನ ಸಿನಿಮಾದಲ್ಲಿ ಖಳನಟನಾಗಿ ಗಮನ ಸೆಳೆದಿದ್ದ ನಟ ತಾರಕ್ ಪೊನ್ನಪ್ಪ, ಹಾಗೂ ಊರ್ವಶಿ ಗೋವರ್ಧನ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ರಾಜ್ಯ ಪ್ರಶಸ್ತಿ ವಿಜೇತ ಬಾಲಾಜಿ ಮನೋಹರ್ ಕೂಡ ಚಿತ್ರದ ತಾರಾಗಣದಲ್ಲಿದ್ದಾರೆ.

ರಂಗಭೂಮಿ ಕಲಾವಿದೆ. ನೃತ್ಯಗಾರ್ತಿ, ಸಿನಿಮಾ ಕಲಾವಿದೆ ಬಹುಮುಖ ಪ್ರತಿಭೆ ಮಾನಸ ಜೋಶಿ ಈ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಎಸಿಪಿ ರತ್ನಪ್ರಭಾ ಪಾತ್ರದಲ್ಲಿ ಬಣ್ಣ ಹಚ್ಚಿರುವ ಅವರು ಸಿನಿಮಾ ಬಗ್ಗೆ ಸಖತ್ ಥ್ರಿಲ್ ಆಗಿದ್ದಾರೆ. ಪೊಲೀಸ್ ಗೆಟಪ್ ನಲ್ಲಿ ಗತ್ತು ಗೈರತ್ತು ತೋರಿಸಿರುವ ಇವರು ತಮ್ಮಿಷ್ಟದ ಪಾತ್ರಕ್ಕೆ ಜೀವ ತುಂಬಿದ ಖುಷಿಯಲ್ಲಿದ್ದಾರೆ.

ಹೌದು, ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಳ್ಳಬೇಕು ಎಂಬುದು ಇವರ ಬಹುಕಾಲದ ಆಸೆಯಂತೆ. ಅಮೃತ ಅಪಾರ್ಟ್ ಮೆಂಟ್ಸ್ ನಲ್ಲಿ ಈ ಪಾತ್ರ ನನಗೊದಗಿ ಬಂದಿದ್ದು ತುಂಬಾ ಖುಷಿಯಿದೆ. ಮರ್ಡರ್ ಮಿಸ್ಟ್ರಿ ಬಗೆಹರಿಸೋ ಪಾತ್ರದಲ್ಲಿ ರೆಬೆಲ್ ಆಗಿ ಕಾಣಿಸಿಕೊಂಡಿದ್ದು, ನಿರ್ದೇಶಕರು ತಮ್ಮ ಪಾತ್ರವನ್ನು ಪವರ್ ಫುಲ್ ಆಗಿ ಹೆಣೆದಿದ್ದಾರೆ. ಈ ಹಿಂದೆ ಲಾಸ್ಟ್ ಬಸ್ ನಲ್ಲಿ ಗುರುರಾಜ್ ಕುಲಕರ್ಣಿ ಜೊತೆ ಕೆಲಸ ಮಾಡಿದ್ದರಿಂದ ಯಾವುದೇ ಅಳುಕಿಲ್ಲದೆ ಈ ಸಿನಿಮಾದಲ್ಲಿ ನಟಿಸಲು ಸಹಕಾರಿಯಾಯ್ತು ಎನ್ನುತ್ತಾರೆ ಮಾನಸ ಜೋಶಿ.

ಉಳಿದಂತೆ ಚಿತ್ರದಲ್ಲಿ ಸೀತಾ ಕೋಟೆ, ಸಂಪತ್ ಮೈತ್ರೇಯ ರಂಗಭೂಮಿ ಕಲಾವಿದರಾದ ಸಿತಾರಾ, ಮಾಲತೇಶ, ರಾಜ ನೀನಾಸಂ, ಜಗದೀಶ ಜಾಲಾ, ರಂಗಸ್ವಾಮಿ, ಶಂಕರ ಶೆಟ್ಟಿ, ವೈಷ್ಣವಿ ಮೊದಲಾದ ಕಲಾವಿದರು ಚಿತ್ರಕ್ಕೆ ಬಣ್ಣ ಹಚ್ಚಿದ್ದಾರೆ.

ಇದೊಂದು ಪಕ್ಕಾ ಫ್ಯಾಮಿಲಿ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾವಾಗಿದ್ದು, ಮನರಂಜನೆಯ ರಸದೌತಣ ನೀಡಲು ಇದೇ ತಿಂಗಳ ೨೬ ಕ್ಕೆ ಪರದೆ ಮೇಲೆ ಬರಲಿದೆ. ಚಿತ್ರಕ್ಕೆ ಬಿ.ಎಸ್ ಕೆಂಪರಾಜ್ ಸಂಕಲನ, ಅರ್ಜುನ್ ಅಜಿತ್ ಛಾಯಾಗ್ರಹಣ, ಎಸ್. ಡಿ ಅರವಿಂದ್ ಸಂಗೀತ ಸಂಯೋಜನೆಯಿದೆ.

 

See also  ಇಂದು ಪುನೀತ್​ ರಾಜ್​ಕುಮಾರ್ ಹಾಗೂ ಅಶ್ವಿನಿ ವಿವಾಹ ವಾರ್ಷಿಕೋತ್ಸವ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

6528
Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು