ಬೆಂಗಳೂರು: ಕನ್ನಡದ ನಟಿ ಪ್ರೇಮಾ ಅವರು ರಾಷ್ಟ್ರೀಯ ಕ್ಯಾನ್ಸರ್ ಸರ್ವೈವರ್ಸ್ ದಿನದಂದು ಬೆಂಗಳೂರಿನಲ್ಲಿ ಕ್ಯಾನ್ಸರ್ ಕಾಯಿಲೆ ಗೆದ್ದವರೊಂದಿಗೆ ರ್ಯಾಂಪ್ ವಾಕ್ ನಡೆಸಿ ಸಕಾರಾತ್ಮಕತೆಯ ಸಂದೇಶ ಹರಡಿದರು. ಪ್ರೇಮಾ ಅವರು ಪ್ರತಿ ವಯೋಮಾನದ 15 ಕ್ಯಾನ್ಸರ್ ಪೀಡಿತರೊಂದಿಗೆ ರ್ಯಾಂಪ್ ವಾಕ್ ಮಾಡಿ ಕ್ಯಾನ್ಸರ್ ವಾಸಿಯಾಗುತ್ತದೆ ಎಂಬ ಭರವಸೆಯ ಸಂದೇಶ ಸಾರಿದರು.
ಈ ಕಾರ್ಯಕ್ರಮವನ್ನು ಮಣಿಪಾಲ್ ಹಾಸ್ಪಿಟಲ್ಸ್ ಆಯೋಜಿಸಿತ್ತು. ಕ್ಯಾನ್ಸರ್ ವಿರುದ್ಧದ ಹೋರಾಟದಲ್ಲಿ ಗೆದ್ದವರು. ಕ್ಯಾನ್ಸರ್ ಗೆದ್ದ ಸೆಲೆಬ್ರಿಟಿಗಳು, ಆರೈಕೆ ಮಾಡುವವರು, ವೈದ್ಯರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.
15 ಕ್ಯಾನ್ಸರ್ ಯೋಧರೊಂದಿಗೆ ಸಮಯ ಕಳೆಯಲು ನನಗೆ ಈ ಅವಕಾಶ ನೀಡಿದ ಮಣಿಪಾಲ್ ಆಸ್ಪತ್ರೆಗಳಿಗೆ ನಾನು ಧನ್ಯವಾದ ಅರ್ಪಿಸುತ್ತೇನೆ ಎಂದು ಪ್ರೇಮಾ ಹೇಳಿದರು. ಕ್ಯಾನ್ಸರ್ ವಿರುದ್ಧ ಹೋರಾಡಲು ಮಾನಸಿಕ ಮತ್ತು ದೈಹಿಕ ಎರಡರಲ್ಲೂ ಅಪಾರ ಶಕ್ತಿ ಬೇಕು ಎಂದರು.
ಕ್ಯಾನ್ಸರ್ ನಿಂದ ಬದುಕುಳಿದವರ ಜೊತೆಗೆ ಅವರ ಆರೈಕೆದಾರರ ವಿಶೇಷ ರಾಂಪ್ ವಾಕ್ನೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು. ಕ್ಯಾನ್ಸರ್ನಿಂದ ಬದುಕುಳಿದ ಅತ್ಯಂತ ಕಿರಿಯ ವಯಸ್ಸಿನ ಮೂರು ವರ್ಷದ ಬಾಲಕನೊಂದಿಗೆ ರಾಂಪ್ ವಾಕ್ ಪ್ರಾರಂಭವಾಯಿತು. 102 ವರ್ಷ ವಯಸ್ಸಿನ ನಂಜುಂಡಸ್ವಾಮಿಯೊಂದಿಗೆ ಮುಕ್ತಾಯವಾಯಿತು.
ಕ್ಯಾನ್ಸರ್ ಬದುಕುಳಿದ ಲಕ್ಷ್ಮೀಕಾಂತ್ (52), ಅಮುದಾ (42), ಸುಗುಣ (50), ರಾಜ್ಕುಮಾರ್ (67), ದಯಾನಂದ (44), ಇರ್ಫಾನ್ (19), ಸಂಧ್ಯಾ (45), ಎಸ್.ಮಹೇಶ್ (60) ಪಾಲ್ಗೊಂಡರು. ಪ್ರಸ್ತುತ ಕ್ಯಾನ್ಸರ್ನೊಂದಿಗೆ ಹೋರಾಡುತ್ತಿರುವ ಸುಸಾನ್ (67), ಭಾಸ್ಕರ (44), ಎಚ್.ಎನ್.ಕೃಷ್ಣಮೂರ್ತಿ (75), ನಂಜುಂಡಸ್ವಾಮಿ (102), ಯೋಗಿತಾ (29), ವಿಶಾಲ್ (27) ಮತ್ತು ರಿಷಬ್ ಪಾಲ್ಗೊಂಡರು.