ಬೆಂಗಳೂರು: ತಮಿಳಿನ ಚಿತ್ರ ನಿರ್ಮಾಣ ಸಂಸ್ಥೆ ನಟ ಕಿಚ್ಚ ಸುದೀಪ ಕೈ ಜೋಡಿಸಿದ್ದಾರೆ. ತಮಿಳಿನ ವಿ ಕ್ರಿಯೇಷನ್ಸ್ ಸಂಸ್ಥೆಈ ಬ್ಯಾನರ್ ಜೊತೆ ಸುದೀಪ್ ಸಿನಿಮಾ ಮಾಡಲಿದ್ದಾರೆ. ಟೀಸರ್ ಶೂಟಿಂಗ್ ಗೆ ಸುದೀಪ್ ಸೆಟ್ಗೆ ಬಂದಿರುವ ಚಿತ್ರವನ್ನು ವಿ ಕ್ರಿಯೇಷನ್ಸ್ ಸಂಸ್ಥೆ ಬಿಡುಗಡೆ ಮಾಡಿದೆ.
ಈ ಬಗ್ಗೆ ಕಿಚ್ಚ ಟ್ವೀಟ್ ಮಾಡಿದ್ದು, ತನು ಸರ್ ಹಾಗೂ ವಿ ಕ್ರಿಯೇಷನ್ಸ್ ಚಿತ್ರೀಕರಣ ಸಮಯದಲ್ಲಿ ಸೆಟ್ ನಲ್ಲಿ ಕಳೆದ ಅದ್ಬುತ ಸಮಯಕ್ಕಾಗಿ ತಂಡಕ್ಕೆ ಧನ್ಯವಾದಗಳು ಎಂದು ಹೇಳಿದ್ದಾರೆ. ಅಲ್ಲದೆ ಟೀಸರ್ ಝಲಕ್ ನೋಡಲು ಕಾಯುತ್ತಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.
ಬಿಗ್ ಬಜೆಟ್ ಸಿನಿಮಾಗಳನ್ನು ನಿರ್ಮಿಸುವ ವಿ ಕ್ರಿಯೇಷನ್ಸ್ ಜತೆ ಸುದೀಪ್ ಕೈ ಜೋಡಿಸಿರುವುದರಿಂದ ಸಹಜವಾಗಿಯೇ ಕುತೂಹಲ ಹೆಚ್ಚಾಗಿದೆ.