News Kannada
Sunday, January 29 2023

ಕರ್ನಾಟಕ

ಟ್ರ್ಯಾಕ್ಟರ್ ಪಲ್ಟಿ: ಒಂಭತ್ತು ಮಂದಿಗೆ ಗಾಯ

Photo Credit :

ಟ್ರ್ಯಾಕ್ಟರ್ ಪಲ್ಟಿ: ಒಂಭತ್ತು ಮಂದಿಗೆ ಗಾಯ

ಹಿರೀಕ್ಯಾತನಹಳ್ಳಿ: ಚಾಲಕನ ನಿಯಂತ್ರಣ ತಪ್ಪಿ ಟ್ರ್ಯಾಕ್ಟರ್ ಮಗುಚಿದ ಪರಿಣಾಮ ಒಂಬತ್ತು ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಹುಣಸೂರು ತಾಲೂಕಿನ ರಾಮನಾಥಪುರ-ತೆರಕಣಾಂಬಿ ರಾಜ್ಯ ಹೆದ್ದಾರಿ 88ರ ಬಳಿಯ ಶೀರೇನಹಳ್ಳಿ ಗ್ರಾಮದ ಸಮೀಪ ನಡೆದಿದೆ.

ಕೆ.ಆರ್.ನಗರ ತಾಲೂಕಿನ ಮಾರಗೌಡನಹಳ್ಳಿ ಗ್ರಾಮದ ಆನಂದ, ಲೋಕೇಶ, ಸೂರಿ, ಮಂಜು, ಸುರೇಶ, ಪುನೀತ್, ರವಳೇಶ್, ಕುಮಾರ್ ಹಾಗೂ ಟ್ರ್ಯಾಕ್ಟರ್ ಚಾಲಕ ತ್ಯಾಗರಾಜ್ ಗಂಭೀರವಾಗಿ ಗಾಯಗೊಂಡವರಾಗಿದ್ದಾರೆ. ಇವರ ಪೈಕಿ ಕೆಲವರಿಗೆ ಕೈ ಕಾಲು ಮುರಿದಿದ್ದರೆ,  ಇನ್ನು ಕೆಲವರ ತಲೆ  ಹಾಗೂ ಎದೆ ಭಾಗಗಳಿಗೆ ತೀವ್ರ ಪೆಟ್ಟಾಗಿದೆ.

ಕೆ.ಆರ್.ನಗರ ತಾಲೂಕಿನ ಮಾರಗೌಡನಹಳ್ಳಿ ಗ್ರಾಮದ ರೈತರು ಹಾಗೂ ಕೂಲಿಕಾರ್ಮಿಕರು ಹುಣಸೂರು ತಾಲೂಕಿನ ಗದ್ದೆಬಯಲಿನಲ್ಲಿ ರಾಸುಗಳಿಗೆ ಭತ್ತದ ಹುಲ್ಲನ್ನು ಖರೀದಿಸಿ ತರಲು ತೆರಳುತ್ತಿದ್ದಾಗ ಕೆಎ 45 ಹೆಚ್ 5943 ಸಂಖ್ಯೆಯ ಟ್ರ್ಯಾಕ್ಟರ್ ರಸ್ತೆ ಇಳಿಜಾರಿನಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆ ಬದಿಯ ಗುಂಡಿಗೆ ಮಗುಚಿ ಬಿದ್ದ ಪರಿಣಾಮ ಟ್ರ್ಯಾಕ್ಟರ್ನಲ್ಲಿದ್ದವರು  ಟ್ರ್ಯಾಲಿಯ ಕೆಳಗೆ ಸಿಲುಕಿ ಕೊಂಡರು.

ಅವರನ್ನು ಮತ್ತೊಂದು ಟ್ರ್ಯಾಕ್ಟರ್ನ ಇಂಜಿನ್ ನಿದ್ದ ಟ್ರ್ಯಾಲಿಯಿಂದ ಎತ್ತಿ ರಕ್ಷಣೆ ಮಾಡಲಾಯಿತು. ಈ ಸಂದರ್ಭ ರಸ್ತೆಯಲ್ಲಿ ಓಡಾಡುತ್ತಿದ್ದ ಸಾರ್ವಜನಿಕರು ಕೈಜೋಡಿಸಿದರು. ಬಳಿಕ ಗಾಯಾಳುಗಳನ್ನು ಹುಣಸೂರಿನ ಸಾರ್ವಜನಿಕ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿದೆ.

See also  ಇಡೀ ಕೊಡಗನ್ನು 'ಸೂಕ್ಷ್ಮ ಪರಿಸರ ವಲಯ'ವನ್ನಾಗಿ ಘೋಷಿಸಿ : ಕೂರ್ಗ್ ವೈಲ್ಡ್ ಲೈಫ್ ಸೊಸೈಟಿ ಒತ್ತಾಯ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

Editor's Pick

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು