News Kannada
Friday, October 07 2022

ಕರ್ನಾಟಕ

ತೃಕ್ಕನ್ನಾಡು ಶ್ರೀ ತ್ರಯಂಬಕೇಶ್ವರ ಕ್ಷೇತ್ರದಲ್ಲಿ ಭಕ್ತ ಸಾಗರ - 1 min read

Photo Credit :

ತೃಕ್ಕನ್ನಾಡು ಶ್ರೀ ತ್ರಯಂಬಕೇಶ್ವರ ಕ್ಷೇತ್ರದಲ್ಲಿ ಭಕ್ತ ಸಾಗರ

ಕಾಸರಗೋಡು: ದಕ್ಷಿಣದ ಕಾಶಿ ಎಂದೇ ಖ್ಯಾತಿಯಾಗಿರುವ, ಉತ್ತರ ಮಲಬಾರ್‌ನ ಪಿತೃತರ್ಪಣಕ್ಕೆ ಪ್ರಸಿದ್ಧವಾದ ಕಾಸರಗೋಡು ತೃಕ್ಕನ್ನಾಡು ಶ್ರೀ ತ್ರಯಂಬಕೇಶ್ವರ ಕ್ಷೇತ್ರದಲ್ಲಿ ಬುಧವಾರ ಕರ್ಕಾಟಕ ಅಮಾವಾಸ್ಯೆಯಂದು ಸಾವಿರಾರು ಭಕ್ತರು ಪೂರ್ವಜರ ಸದ್ಗತಿಗಾಗಿ ಪಿತೃತರ್ಪಣ ಸಲ್ಲಿಸಿದರು.

ಕಾಸರಗೋಡು ಜಿಲ್ಲೆಯ ಸಹಿತ ಹೊರ ರಾಜ್ಯಗಳಿಂದ ಸಾವಿರಾರು ಮಂದಿ ಭಕ್ತರು ದೇವರ ದರ್ಶನ ಪಡೆದರು. ಬೆಳಗ್ಗಿನಿಂದಲೇ ಸಾವಿರಾರು ಮಂದಿ ತೃಕ್ಕನ್ನಾಡು ಶ್ರೀ ತ್ರಯಂಬಕೇಶ್ವರ ದೇವಸ್ಥಾನಕ್ಕೆ ಆಗಮಿಸಿ ಪಿತೃತರ್ಪಣೆ ಮಾಡಿದರು. ಕ್ಷೇತ್ರದಲ್ಲಿ ಬೆಳಗ್ಗಿನಿಂದಲೇ ಸರದಿ ಸಾಲು ಕಂಡು ಬಂದಿತ್ತು.

ಭಕ್ತರು ಮೊದಲು ಕ್ಷೇತ್ರದ ಕೊಳದಲ್ಲಿ ಸ್ನಾನ ಮಾಡಿ ಬಳಿಕ ಕ್ಷೇತ್ರದ ಭಂಡಾರಕ್ಕೆ ಕಾಣಿಕೆ ಸಲ್ಲಿಸಿ ಅರ್ಚಕರಿಗೆ ತಾಂಬೂಲ ದಕ್ಷಿಣೆ ನೀಡಿ ಪ್ರಾರ್ಥನೆ ಬಳಿಕ ದೇವಸ್ಥಾನದಿಂದ ನೀಡುವ ಅಕ್ಕಿ, ಪುಷ್ಪ ಮೊದಲಾದ ಪ್ರಸಾದವನ್ನು ಪಡೆದು ಕುಟುಂಬ ಸದಸ್ಯರೊಂದಿಗೆ ಸಮುದ್ರ ಕಿನಾರೆಗೆ ತೆರಳಿ, ಪುರೋಹಿತರಿಂದ ವಿಧ್ಯುಕ್ತ ವಿಧಿ ವಿಧಾನಗಳು ನಡೆದ ಬಳಿಕ ಸಮುದ್ರದಲ್ಲಿ ಪಿಂಡ ಬಿಟ್ಟು ಸಮುದ್ರದ ನೀರಿನಲ್ಲಿ ಮೂರು ಬಾರಿ ಸ್ನಾನ ಮಾಡಿ ಮರಳಿ ದೇವಸ್ಥಾನಕ್ಕೆ ಬಂದು ದೇವರ ದರ್ಶನ ಪಡೆದರು.

ಪಿತೃತರ್ಪಣಕ್ಕೆ ಬಂದವರಿಗೆ ದೇವಸ್ವಂ ಮಂಡಳಿಯಿಂದ ಉಚಿತವಾಗಿ ಉಪಾಹಾರ ವ್ಯವಸ್ಥೆ ಮಾಡಲಾಗಿತ್ತು. ಪ್ರಸಾದ ವಿತರಣೆಗೆ ಕೌಂಟರ್‌ಗಳನ್ನು ತೆರೆಯಲಾಗಿತ್ತು. ಮಧ್ಯಾಹ್ನ ಪೂಜೆಯ ಬಳಿಕ ಅನ್ನದಾನ ನಡೆಯಿತು. ಕ್ಷೇತ್ರದ ಮುಖ್ಯ ಅರ್ಚಕ ನವೀನ್‌ಚಂದ್ರ ಕಾಯರ್ತಯ, ಅರ್ಚಕ ರಾಜೇಂದ್ರ ಅರಳಿತ್ತಾಯರ ನೇತೃತ್ವದಲ್ಲಿ 20ರಷ್ಟು ಪುರೋಹಿತರು ಪಿಂಡ ಸಮರ್ಪಣೆಗೆ ನೇತೃತ್ವ ನೀಡಿದರು. ಭಕ್ತರ ಅನುಕೂಲಕ್ಕಾಗಿ ಮೂರು ಕೌಂಟರ್‌ಗಳನ್ನು ತೆರೆಯಲಾಗಿತ್ತು. ಭಾರೀ ಮಳೆಯ ನಡುವೆಯೂ ಭಕ್ತರು ಪಿತೃತರ್ಪಣ ಮಾಡಿ ಸಂತೃಪ್ತರಾದರು.

ಸಮುದ್ರ ಸ್ನಾನ ಹಾಗೂ ಪಿಂಡ ಸರ್ಮಪಣೆ ಮಾಡುವ ಸ್ಥಳದಲ್ಲಿ ಸುರಕ್ಷಾ ವ್ಯವಸ್ಥೆಗಳಿಗೆ ಕ್ಷೇತ್ರ ಸಮಿತಿಯ ಕಾರ‍್ಯಕರ್ತರಲ್ಲದೇ ಮಹಿಳಾ ಪೊಲೀಸ್‌ ಸಹಿತ ಪೊಲೀಸ್‌ ಸೇನೆ ನಿಯೋಜಿಸಲಾಗಿತ್ತು.

ಸ್ನಾನ ಮಾಡುವ ಕೊಳದ ಸುತ್ತ ಸುರಕ್ಷತೆಗಾಗಿ ಹಾಗೂ ಸರತಿ ಸಾಲು ನಿಯಂತ್ರಣಕ್ಕಾಗಿ ಕ್ಷೇತ್ರ ಆಚರಣಾ ಸಮಿತಿ ಪೊಲೀಸ್‌, ಕೋಸ್ಟ್‌ ಗಾರ್ಡ್‌ ನೇತೃತ್ವದಲ್ಲಿ ಸುರಕ್ಷ ತೆ ಏರ್ಪಡಿಸಲಾಗಿತ್ತು. ಭಕ್ತರನ್ನು ನಿಯಂತ್ರಿಸುವುದಕ್ಕಾಗಿ ಪ್ರತ್ಯೇಕ ಸೇವಾ ಕೌಂಟರ್‌, ಪ್ರಸಾದ ಕೌಂಟರ್‌ ತೆರೆಯಲಾಗಿತ್ತು.

ಅಮಾವಾಸ್ಯೆಯ ಅಂಗವಾಗಿ ತೃಕ್ಕನ್ನಾಡು ಹಾಗೂ ಕಾಸರಗೋಡು ಮಧ್ಯೆ ಕೆಎಸ್ಸಾರ್ಟಿಸಿ ಹೆಚ್ಚುವರಿ ಬಸ್‌ ಸಂಚಾರ ನಡೆಸಿತ್ತು. ಭಕ್ತರಿಗೆ ಉಚಿತವಾಗಿ ಲಘು ಉಪಾಹಾರ ಹಾಗೂ ಚಹಾ ವ್ಯವಸ್ಥೆ ಮಾಡಲಾಗಿತ್ತು.

See also  ಮೇ 1ರಿಂದ ಕಾರವಾರ - ಗೋವಾ ಸಮುದ್ರದಲ್ಲಿ ಭಾರೀ ಸಾಗರ ಯುದ್ಧ ಕೌಶಲ್ಯ ಪ್ರದರ್ಶನ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

176
Stephen K

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು