News Kannada
Wednesday, October 05 2022

ಕರ್ನಾಟಕ

ಕಾಸರಗೋಡು ಜಿಲ್ಲೆ ವಿದ್ಯುತ್  ಉತ್ಪಾದನೆಯಲ್ಲಿ ಸ್ವಾವಲಂಬನೆಯತ್ತ… - 1 min read

Photo Credit :

ಕಾಸರಗೋಡು ಜಿಲ್ಲೆ ವಿದ್ಯುತ್  ಉತ್ಪಾದನೆಯಲ್ಲಿ ಸ್ವಾವಲಂಬನೆಯತ್ತ…

ಕಾಸರಗೋಡು: ಜಿಲ್ಲೆಯು ವಿದ್ಯುತ್  ಉತ್ಪಾದನೆಯಲ್ಲಿ ಸ್ವಾವಲಂಬನೆಯತ್ತ ಮುನ್ನುಗ್ಗುತ್ತಿದ್ದು, ಪೈವಳಿಕೆಯ ಸೋಲಾರ್‌ ಪಾರ್ಕ್ ಉದ್ಘಾಟನೆಗೆ ಸಜ್ಜಾಗಿದೆ.

ಕೇರಳ ರಾಜ್ಯ ಸರಕಾರದ ಮಹತ್ತರ ಯೋಜನೆ ಇದಾಗಿದ್ದು, ಪೈವಳಿಕೆ ಕೊಮ್ಮಂಗಳದ ಸೌರ ವಿದ್ಯುತ್‌ ಘಟಕವು ಕಾಸರಗೋಡು ಜಿಲ್ಲೆಯ ಎರಡನ ಅತಿ ದೊಡ್ಡ ಸೋಲಾರ್‌ ಪಾರ್ಕ್ ಎಂಬ ಖ್ಯಾತಿ ಪಡೆದಿದೆ.

ರಾಜ್ಯ ವಿದ್ಯುಚ್ಚಕ್ತಿ ಮಂಡಳಿ ಅಧೀನದಲ್ಲಿ ನಿರ್ಮಾಣವಾದ ಸೋಲಾರ್‌ ಪಾರ್ಕ್ ಅನ್ನು ಜ. 23ರಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಉದ್ಘಾಟಿಸುವರು.

ಪೈವಳಿಕೆ ಘಟಕ ಕಾರ್ಯಾರಂಭಗೊಂಡ ನಂತರ ಕಾಸರಗೋಡು ಜಿಲ್ಲೆಯು ಕೇರಳ ರಾಜ್ಯದಲ್ಲೇ ಅತಿ ಹೆಚ್ಚು ಸೌರ ವಿದ್ಯುತ್‌ ಉತ್ಪಾದಿಸುವ ಪ್ರಥಮ ಜಿಲ್ಲೆಯಾಗಿ ಮಾರ್ಪಾಡಾಗಲಿದೆ. ಸುಮಾರು 256 ಎಕರೆ ಪ್ರದೇಶದಲ್ಲಿ ವ್ಯಾಪಿಸಿರುವ ಸೌರ ವಿದ್ಯುತ್‌ ಫಲಕಗಳು ಜಿಲ್ಲೆಯ ನಿತ್ಯ ಬಳಕೆಗೆ ವರ ದಾನವಾಗಲಿದೆ.

ವಿದ್ಯುತ್‌ ವ್ಯತ್ಯಯ ತಪ್ಪಿಸಲು ಹಾಗೂ ನಿಯಮಿತ ವಿದ್ಯುತ್‌ ಪೂರೈಸಲು ಪೈವಳಿಕೆ ಸೋಲಾರ್‌ ಪಾರ್ಕ್ ಫಲಪ್ರದವಾಗಲಿದೆ.

ಕೇಂದ್ರ ಮತ್ತು ರಾಜ್ಯ ಸರಕಾರದ ಸಹಭಾಗಿತ್ವದಲ್ಲಿ ಪೂರ್ಣತೆ ಹಂತ ತಲುಪಿದೆ. ಜವಾಹರಲಾಲ್‌ ನ್ಯಾಶನಲ್‌ ಸೋಲಾರ್‌ ಮಿಶನ್‌ ಯೋಜನೆ ಮೂಲಕ ಜಿಲ್ಲೆಯಲ್ಲಿ   ನಿರ್ಮಿಸಿದ ಎರಡನೇ ಅತಿ ದೊಡ್ಡ ಯೋಜನೆ ಇದಾಗಿದ್ದು, ಪ್ರಥಮ ಹಂತದ ಯೋಜನೆಯು ಕಾಞಂಗಾಡಿನ ಅಂಬಲತ್ತರದಲ್ಲಿಕಳೆದ ವರ್ಷ ಪೂರ್ಣಗೊಂಡು ವಿದ್ಯುತ್‌ ಪೂರೈಕೆಯಾಗುತ್ತಿದೆ. 3ನೇ ಹಂತದ ಯೋಜನೆ ನೆಲ್ಲತ್ತಡಂನಲ್ಲಿ ಆರಂಭವಾಗಲಿದೆ

ಪೈವಳಿಕೆಯಲ್ಲಿಉತ್ಪಾದನೆಯಾಗುವ ವಿದ್ಯುತ್‌ ಕುಬಣೂರು 110 ಕೆ.ವಿ. ಸಬ್‌ ಸ್ಟೇಶನ್‌ಗೆ ಪ್ರವಹಿಸಲಿದ್ದು, . ಯೋಜನೆ ನೆಲೆಗೊಂಡಿರುವ ಕರ್ಮಂತೋಡಯಿಂದ ಕುಬಣೂರಿಗೆ ವಿದ್ಯುತ್‌ ಪೂರೈಸುವ ನಿಟ್ಟಿನಲ್ಲಿ8.5 ಕಿ.ಮೀ. ದೂರದವರೆಗೆ ಕವರ್ಡ್‌ ಕಂಟೈನರ್‌ ಇರುವ 33 ಕೆ.ವಿ. ಡಬಲ್‌ ಸಕ್ರ್ಯೂಟ್‌ ಲೈನ್‌ ಅಳವಡಿಸಲಾಗಿದೆ. ಈ ಮೂಲಕ ಸಬ್‌ ಸ್ಟೇಶನ್‌ ತಲುಪುವ ವಿದ್ಯುತ್‌ನ್ನು ಸಬ್‌ಸ್ಟೇಶನಲ್ಲಿರುವ 25 ಎಂ.ವಿ.ಎ. ಟ್ರಾನ್ಸ್‌ಫಾರ್ಮರ್‌ ಮೂಲಕ ಸ್ವೀಕರಿಸಿ ಪೂರೈಸಲಾಗುವುದು. ಪೈವಳಿಕೆ ಸಬ್‌ ಸ್ಟೇಶನ್‌ ಡಿ. 31ರಂದು ಪ್ರಾಯೋಗಿಕವಾಗಿ ಆರಂಭಿಸಲಾಗಿದೆ. ಪೈವಳಿಕೆ ಯೋಜನೆ ಜಾರಿಗೊಳ್ಳುವ ಮೂಲಕ ಜಿಲ್ಲೆಯ ವಿದ್ಯುತ್‌ ವಲಯದಲ್ಲಿಬೃಹತ್‌ ಮುನ್ನಡೆ ಸಾಧಿಸಿದಂತಾಗುವುದು. ಕಾಸರಗೋಡು, ಮಂಜೇಶ್ವರದಲ್ಲಿ ವಿದ್ಯುತ್‌ ಪೂರೈಕೆ ಸಂಬಂಧಪಟ್ಟ ಸಮಸ್ಯೆಗೆ ಶಾಶ್ವತ ಪರಿಹಾರ ಸಿಗಲಿದೆ ಎಂದು ರಿನ್ಯೂವೆಬಲ್‌ ಪವರ್‌ ಕಾರ್ಪೊರೇಶನ್‌ ಆಫ್‌ ಕೇರಳ ಲಿಮಿಟೆಡ್‌ ಸಿಇಒ ಅಗಸ್ಟಿನ್‌ ಥಾಮಸ್‌  ತಿಳಿಸಿದ್ದಾರೆ.

See also  ಬೈಕ್ ಗೆ ಕಾರು ಡಿಕ್ಕಿ: ಸವಾರ ಮೃತ್ಯು
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

176
Stephen K

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು