ಹುಬ್ಬಳ್ಳಿ: ನೈರುತ್ಯ ರೈಲ್ವೆ ವಿಭಾಗದ (South Western Railway) ಹುಬ್ಬಳ್ಳಿ ವಿಭಾಗದಲ್ಲಿ ಖಾಲಿ ಇರುವಂತ 904 ಹುದ್ದೆಗಳ ಭರ್ತಿಗೆ ಅರ್ಜಿಯನ್ನು ಆಹ್ವಾನಿಸಲಾಗಿದೆ. 10ನೇ ತರಗತಿ ಪಾಸ್ ಆದವರು, ಹುಬ್ಬಳ್ಳಿ ವಿಭಾಗದ ಅಪ್ರೆಂಟಿಸ್ ಹುದ್ದೆಗಳಿಗೆ (Apprentice Jobs) ಅರ್ಜಿಯನ್ನು ಸಲ್ಲಿಸಬಹುದಾಗಿದೆ.
ವಿಭಾಗವಾರು ಹುದ್ದೆಗಳ ವಿವರ – ಹುಬ್ಬಳ್ಳಿ ವಿಭಾಗದಲ್ಲಿ 237 ಹುದ್ದೆಗಳು, ಹುಬ್ಬಳ್ಳಿಯ ಕಾರಿಯೇಜ್ ರಿಪೇರಿ ವರ್ಕ್ ಶಾಪ್ ನಲ್ಲಿ 217 ಹುದ್ದೆಗಳು, ಬೆಂಗಳೂರು ವಿಭಾಗದಲ್ಲಿ 230, ಮೈಸೂರಿನ ಸೆಂಟ್ರಲ್ ವರ್ಕ್ ಶಾಪ್ ನಲ್ಲಿ 43 ಹುದ್ದೆಗಳು ಹಾಗೂ ಮೈಸೂರು ವಿಭಾಗದಲ್ಲಿ 177 ಸೇರಿದಂತೆ ಒಟ್ಟು 904 ಅಪ್ರೆಂಟಿಸ್ ಹುದ್ದೆಗಳಿಗೆ ಅರ್ಜಿಯನ್ನು ಆಹ್ವಾನಿಸಲಾಗಿದೆ.
ವಿದ್ಯಾರ್ಹತೆ : ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವಂತ ಅಭ್ಯರ್ಥಿಗಳು 10ನೇ ತರಗತಿ ಅಥವಾ ತತ್ಸಮಾನ ತರಗತಿಯಲ್ಲಿ ತೇರ್ಗಡೆ ಹೊಂದಿರಬೇಕು. ವಯೋಮಿತಿ : ಕನಿಷ್ಠ 18, ಗರಿಷ್ಠ 25 ವರ್ಷದೊಳಗಿರಬೇಕು.
ಪ್ರಮುಖ ದಿನಾಂಕಗಳು : ಅರ್ಜಿ ಸಲ್ಲಿಕೆ ದಿನಾಂಕ 04-10-2021ರಿಂದ ಆರಂಭಗೊಂಡಿದ್ದು, ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ 03-11-2021 ಆಗಿರುತ್ತದೆ.