ಕುಂದಗೋಳ: ಕುಂದಗೋಳ ಸಾರ್ವತ್ರಿಕ ವಿಧಾನಸಭಾ ಚುನಾವಣೆ ದಿನೇ ದಿನೇ ಸಮೀಪಿಸುತ್ತಿದ್ದಂತೆ ಮಾಜಿ ಶಾಸಕ ಪಕ್ಷೇತರ ಅಭ್ಯರ್ಥಿ ಎಸ್.ಐ ಚಿಕ್ಕನಗೌಡರ ಅವರಿಗೆ ವ್ಯಾಪಕ ಜನಬೆಂಬಲ ವ್ಯಕ್ತವಾಗುತ್ತಿದೆ.
ಪಕ್ಷೇತರ ಅಭ್ಯರ್ಥಿಯಾಗಿ ಚುನಾವಣೆಗೆ ಸ್ಪರ್ಧಿಸಿ ತನ್ನ ಚಿಹ್ನೆಯಾದ ಕುಕ್ಕರ್‌ಅನ್ನು ತಲೆ ಮೇಲೆ ಹೊತ್ತು ಹಳ್ಳಿಹಳ್ಳಿ ಮೆರೆಸಿ ಮತಯಾಚನೆ ಮಾಡುತ್ತಿರುವ ಚಿಕ್ಕನಗೌಡರಿಗೆ ಜನ ತಮ್ಮ ತಮ್ಮ ಗ್ರಾಮಗಳಿಗೆ ಅದ್ದೂರಿ ಸ್ವಾಗತ ಕೋರುತ್ತಲಿದ್ದಾರೆ.
ಈಗಾಗಲೇ ಚಿಕ್ಕನಗೌಡರ ಭೇಟಿ ನೀಡಿದ ಹಳ್ಳಿಗಳಲ್ಲಿ ಅಭಿಮಾನಿಗಳು ಜೆಸಿಬಿ ಯಂತ್ರದ ಮೂಲಕ ಹೂಮಳೆ ಸುರಿಸಿ ಸ್ವಾಗತ ಗೈಯುವುದು, ಚಕ್ಕಡಿ ಮೆರವಣಿಗೆ ಮಾಡುವುದರ ಜೊತೆಗೆ ಹಾರ ಹಾಕಿ ಸನ್ಮಾನಿಸಿ ಮತ ನೀಡುವ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ.
ಅದರಂತೆ ಬಿಳೇಬಾಳ, ದೇವನೂರು, ಹೊಸ ಹಂಚಿನಾಳ, ಹಳೇ ಹಂಚಿನಾಳ, ಕುಬಿಹಾಳ, ಮತ್ತಿಗಟ್ಟಿ, ರಾಮಾಪೂರ, ಹನುಮನಹಳ್ಳಿ, ತೀರ್ಥ ಗ್ರಾಮಗಳಲ್ಲಿ ನಡೆದ ಚಿಕ್ಕನಗೌಡರ ಮತಯಾಚನೆ ಭೇಟಿ ಬೃಹತ್ ರೋಡ್ ಶೋ ಆಗಿ ಮಾರ್ಪಟ್ಟು ಕಾರ್ಯಕರ್ತರಲ್ಲಿ ಹುಮ್ಮಸ್ಸು ತಂದಿತು.
