ಬೆಂಗಳೂರು: ನಟಿ ರಾಧಿಕಾ ತನಗೆ ಯಾರೆಂದೇ ಗೊತ್ತಿಲ್ಲ ಎಂದು ಮಾಜಿ ಮುಖ್ಯಮಂತ್ರಿ ಎಚ್. ಡಿ. ಕುಮಾರಸ್ವಾಮಿ ಹೇಳಿದ್ದು, ಪ್ರಸಕ್ತ ನಡೆಯುತ್ತಿರುವ ವಿವಾದದಿಂದ ತನ್ನನ್ನು ದೂರವಿಡಲು ಪ್ರಯತ್ನಿಸಿದ್ದಾರೆ.
ಎಚ್. ಡಿ. ಕುಮಾರಸ್ವಾಮಿ ಅವರನ್ನು ತಾನು ಮದುವೆಯಾಗಿದ್ದೇನೆ ಮತ್ತು ಒಂದು ಹೆಣ್ಣು ಮಗು ಕೂಡ ಇದೆ ಎಂದು ರಾಧಿಕಾ ಹೇಳಿಕೊಂಡು ಬಂದಿದ್ದಾರೆ. ತನ್ನ ಹೆಸರಿನ ಹಿಂದೆ ರಾಧಿಕಾ ಕುಮಾರಸ್ವಾಮಿ ಎಂದು ಜೋಡಿಸಿರುವರು.
ರಾಧಿಕಾ ವಿಚಾರದ ಬಗ್ಗೆ ಕೇಳಿದಾಗ, ನನಗೆ ಇಂತಹ ಅನಗತ್ಯ, ಸಂಬಂಧಪಡದೇ ಇರುವಂತಹ ಪ್ರಶ್ನೆಗಳನ್ನು ಕೇಳಬೇಡಿ ಎಂದು ಕುಮಾರಸ್ವಾಮಿ ಅವರು ಮಾಧ್ಯಮಗಳಿಗೆ ಹೇಳಿದರು.
ಬಡ ಜನರ ಪರವಾಗಿ ಕೆಲಸ ಮಾಡದೆ ಇರುವ ಪಟ್ಟಿಗೆ ಮಂಡ್ಯ ಜಿಲ್ಲಾಡಳಿತವನ್ನು ಸೇರಿಸಿರುವ ಬಗ್ಗೆ ರಾಜ್ಯ ಸರ್ಕಾರವನ್ನು ಅವರು ತರಾಟೆಗೆ ತೆಗೆದುಕೊಂಡರು.
