ಬೆಂಗಳೂರು: ಚಿಕ್ಕಬಳ್ಳಾಪುರದಲ್ಲಿ ಗುರುವಾರ ಹಿಂದೂ ಯುವಕನೊಬ್ಬನನ್ನು ಮುಸ್ಲಿಂ ಯುವಕರ ಗುಂಪು ಥಳಿಸಿದ್ದು, ಮುಸ್ಲಿಂ ಯುವತಿಯೊಂದಿಗೆ ಕ್ಯಾಂಟೀನ್ವೊಂದರಲ್ಲಿ ತಿಂಡಿ ತಿನ್ನುತ್ತಿದ್ದುದನ್ನು ಗಮನಿಸಿ ಹಲ್ಲೆ ನಡೆಸಿದೆ.
ಚಿಕ್ಕಬಳ್ಳಾಪುರದ ಗೋಪಿಕಾ ಚಾಟ್ಸ್ಗೆ ಯುವಕ ಮತ್ತು ಯುವತಿ ಭೇಟಿ ನೀಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ವೇಳೆ ಯುವತಿ ಬುರ್ಕಾ ಮತ್ತು ಹಿಜಾಬ್ ಧರಿಸಿದ್ದಳು. ಆರೋಪಿಗಳು ಅವರನ್ನು ಗಮನಿಸಿದ್ದು, ಆಕೆಯೊಂದಿಗಿರುವ ವ್ಯಕ್ತಿ ಹಿಂದು ಎಂದು ತಿಳಿದು ಹಲ್ಲೆ ನಡೆಸಿದ್ದಾರೆ.
ಮುಸ್ಲಿಂ ಯುವತಿ ಹಲ್ಲೆ ತಡೆಯಲು ಯತ್ನಿಸಿದ್ದಾಳೆ ಆದರೆ ಸಾಧ್ಯವಾಗಿಲ್ಲ. ಅಲ್ಲದೆ ಯುವತಿ ಹಿಂದೂ ಯುವಕನೊಂದಿಗೆ ಬಂದಿರುವುದು ತಪ್ಪು ಎಂದು ಕ್ಷಮೆಯಾಚಿಸುವಂತೆ ಯುವತಿಯನ್ನು ಎಂದು ಒತ್ತಾಯಿಸಿದ್ದಾರೆ. ಘಟನೆಯ ವಿಡಿಯೋವನ್ನು ಪೊಲೀಸರು ಪಡೆದುಕೊಂಡಿದ್ದು, ಆರೋಪಿಗಳ ಪತ್ತೆಗೆ ಕಾರ್ಯಾಚರಣೆ ನಡೆಸಿದ್ದಾರೆ.