News Kannada
Thursday, September 29 2022

ಚಿಕ್ಕಬಳ್ಳಾಪುರ

ಬ್ಯಾಂಕಿನ ಸ್ವೀಕೃತಿ ಚಲನ್​ ತಿದ್ದಿ 1.57 ಕೋಟಿ ರೂ. ವಂಚನೆ: ಆರೋಪಿ ನಾಪತ್ತೆ - 1 min read

Photo Credit :

ಚಿಕ್ಕಬಳ್ಳಾಪುರ/ಚಿಂತಾಮಣಿ : ಅಲ್ಪ ಪ್ರಮಾಣದಲ್ಲಿ ಪಾವತಿಯಾದ ಬ್ಯಾಂಕಿನ ಸ್ವೀಕೃತಿ ಚಲನ್​ಗಳನ್ನು ತಿದ್ದಿರುವ ಗುಮಾಸ್ತನೊಬ್ಬ 1.57 ಕೋಟಿ ರೂ. ವಂಚಿಸಿರುವ ಪ್ರಕರಣ ಚಿಂತಾಮಣಿ ನಗರದಲ್ಲಿ ತಡವಾಗಿ ಬೆಳಕಿಗೆ ಬಂದಿದೆ.

ಚಿಂತಾಮಣಿ ತಾಲೂಕಿನ ಕರಿಯಪಲ್ಲಿಯ ಖಾದಿ ಗ್ರಾಮೋದ್ಯಮ ಸಂಘದ ಕಾತಿರ್ಕ್​(38) ಆರೋಪಿ. ವಂಚನೆ ಬಗ್ಗೆ ಸಂಘದ ಮುಖ್ಯಸ್ಥ ಎನ್​.ಶ್ರೀರಾಮರೆಡ್ಡಿ ಅವರು ನಗರ ಠಾಣೆಗೆ ದೂರು ನೀಡಿದ್ದಾರೆ. 7 ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿರುವ ಖಾದಿ ಗ್ರಾಮೋದ್ಯಮ ಸಂಘದ ನೇತೃತ್ವದಲ್ಲಿ ರೇಷ್ಮೆ ಉತ್ಪತ್ತಿ ಮತ್ತು ಬಟ್ಟೆ ತಯಾರು ಘಟಕದ ಗುಮಾಸ್ತ ಕಾರ್ತಿಕ್​,​ ನಿಗದಿತ ದಿನದಂದು ಬ್ಯಾಂಕಿನಲ್ಲಿ ಹಣ ಪಾವತಿ ಮತ್ತು ಸ್ವೀಕೃತಿ ಜವಾಬ್ದಾರಿ ವಹಿಸಿಕೊಂಡಿದ್ದ. ಇದರ ನಡುವೆ ಇತ್ತೀಚೆಗೆ ಘಟಕದಲ್ಲಿನ ನೌಕರರಿಗೆ ವೇತನ ನೀಡಲು ಸಂಘದ ಮುಖ್ಯಸ್ಥರು, ಖಾತೆ ಹೊಂದಿರುವ ಕೆನರಾ ಬ್ಯಾಂಕಿಗೆ ಚೆಕ್​ ಕಳುಹಿಸಿದ್ದಾರೆ. ಆದರೆ, ಬ್ಯಾಂಕಿನ ವ್ಯವಸ್ಥಾಪಕರು ಖಾತೆಯಲ್ಲಿ ಹಣ ಇಲ್ಲದಿರುವ ಬಗ್ಗೆ ಮಾಹಿತಿ ನೀಡಿದ ಹಿನ್ನೆಲೆಯಲ್ಲಿ ಪರಿಶೀಲಿಸಿದಾಗ 1,57,16,000 ರೂ. ವಂಚನೆ ಆಗಿರುವುದು ಬೆಳಕಿಗೆ ಬಂದಿದೆ. ಇದರ ಬಗ್ಗೆ ತಿಳಿಯುತ್ತಿದ್ದಂತೆ ಆರೋಪಿ ನಾಪತ್ತೆಯಾಗಿದ್ದಾನೆ. ಅಂದಹಾಗೇ ಹಣ ಲಪಟಾಯಿಸಲು ಈತ ರಸೀದಿಯನ್ನ ಹೇಗೆ ತಿದ್ದುಪಡಿ ಮಾಡುತ್ತಿದ್ದ ಗೊತ್ತಾ? ಇದನ್ನು ನೋಡಿ ಸಂಘದ ಪದಾಧಿಕಾರಿಗಳು ಮತ್ತು ಪೊಲೀಸರೇ ಶಾಕ್​ ಆಗಿದ್ದಾರೆ.

ಕೋಟ್ಯಂತರ ರೂ. ಹಣ ಲಪಟಾಯಿಸಿದ ವಂಚಕನ ಖತರ್ನಾಕ್​ ಕೌಶಲಕ್ಕೆ ಸಂಘದ ಪದಾಧಿಕಾರಿಗಳು ಮತ್ತು ಪೊಲೀಸರೇ ಶಾಕ್​ ಆಗಿದ್ದಾರೆ. ಖಾತೆಗೆ ಕೇವಲ 1 ಸಾವಿರದಿಂದ 10 ಸಾವಿರ ರೂ. ಕಟ್ಟುವುದು, ಬಳಿಕ ಯಾರಿಗೂ ಅನುಮಾನ ಬಾರದಂತೆ ಸಾವಿರ ಲೆಕ್ಕದಲ್ಲಿನ ಅಂಕಿ-ಅಂಶಗಳಲ್ಲಿ ಸೊನ್ನೆಗಳನ್ನು, ಲಕ್ಷ ರೂ. ಪಾವತಿಯ ಪದಗಳನ್ನು ತಾನೇ ಬರೆದಿರುವ ಬ್ಯಾಂಕಿನ ಸ್ವೀಕೃತಿಯ ಚಲನ್​ಗಳನ್ನು ತೋರಿಸುವ ಮೂಲಕ ವಂಚಿಸುತ್ತಿದ್ದ. ಬ್ಯಾಂಕಿನ ಸೀಲು ಮತ್ತು ಮುದ್ರೆ ಸರಿಯಾಗಿ ಇರುತ್ತಿದ್ದ ಹಿನ್ನೆಲೆಯಲ್ಲಿ ಯಾರೂ ಅನುಮಾನ ಪಡುತ್ತಿರಲಿಲ್ಲ. ಇದರಿಂದ ನಿರಂತರವಾಗಿ ನಕಲಿ ಚಲನ್​ಗಳಲ್ಲಿ ಸಂಘದ ಹಣ ಲಪಟಾಯಿಸಿ, ವೈಯಕ್ತಿಕ ಖಾತೆಗೆ ಜಮಾ ಮಾಡಿಕೊಂಡಿದ್ದಾನೆ. ಸಂಘದ ಖಾತೆಯಲ್ಲಿ ಹಣವಿಲ್ಲ. ಆದರೂ ಬ್ಯಾಂಕ್​ಗೆ ಚೆಕ್​ ಕಳುಹಿಸಿದ್ದೀರಲ್ಲಾ ಎಂದು ಬ್ಯಾಂಕಿನ ವ್ಯವಸ್ಥಾಪಕರು ಮೊಬೈಲ್​ ಕರೆ ಮಾಡಿ ತಿಳಿಸಿದಾಗಲೇ ವಂಚನೆ ಆಗಿರುವುದು ಗೊತ್ತಾಗಿದೆ.

See also  ಬ್ಯಾಂಕ್ ಪದ ಬಳಸುವಂತಿಲ್ಲ ಎಂದು ಸಹಕಾರಿ ಸಂಘಗಳಿಗೆ ಆರ್‌ಬಿಐ ಎಚ್ಚರಿಕೆ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

12790
NewsKannada

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು