ಕಾಸರಗೋಡು: ಸ್ನಾನ ಮಾಡುತ್ತಿದ್ದ ವಿದ್ಯಾರ್ಥಿನಿಯ ದೃಶ್ಯವನ್ನು ಶೌಚಾಲಯದ ಕಿಟಕಿ ಮೂಲಕ ಮೊಬೈಲ್ ನಲ್ಲಿ ಸೆರೆ ಹಿಡಿದ ಯುವಕನನ್ನು ಕಾಸರಗೋಡು ನಗರ ಠಾಣಾ ಪೊಲೀಸರು ಬಂಧಿಸಿದ್ದಾರೆ.
ಬಂಧಿತನನ್ನು ಮೇಲ್ಪರಂಬದ ವಸತಿ ಗೃಹದಲ್ಲಿ ವಾಸಿಸುವ ಜಾಫ಼ರ್ (18) ಎಂದು ಗುರುತಿಸಲಾಗಿದೆ. ಇದೇ ವಸತಿಗೃಹದ ಶೌಚಾಲಯದಲ್ಲಿ ಸ್ನಾನ ಮಾಡುತ್ತಿದ್ದಾಗ ಈತ ಮೊಬೈಲ್ ನಲ್ಲಿ ದೃಶ್ಯ ಸೆರೆ ಹಿಡಿದಿದ್ದು, ಇದನ್ನು ಗಮನಿಸಿದ ವಿದ್ಯಾರ್ಥಿನಿ ಬೊಬ್ಬೆ ಹಾಕಿದ್ದು , ಅಲ್ಲಿದ್ದವರು ಧಾವಿಸಿ ಬರುವಷ್ಟರಲ್ಲಿ ಈತ ಪರಾರಿಯಾಗಿದ್ದನು. ಪೊಲೀಸರಿಗೆ ನೀಡಿದ ದೂರಿನಂತೆ ಜಾಫರ್ ನನ್ನು ವಶಕ್ಕೆ ತೆಗೆದು, ಈತನ ಮೊಬೈಲ್ ನ್ನು ಪರಿಶೀಲಿಸಿದಾಗ ದೃಶ್ಯ ಪತ್ತೆಯಾಗಿದೆ .
