News Kannada
Thursday, July 07 2022

ಕರಾವಳಿ

110 ಕೆ.ವಿ ಲೈನ್ ಎಳೆಯುವ ಕುರಿತು ಪರಿಶೀಲನೆ: ಎ.ಬಿ.ಇಬ್ರಾಹಿಂ - 1 min read

Photo Credit :

   110 ಕೆ.ವಿ ಲೈನ್ ಎಳೆಯುವ ಕುರಿತು ಪರಿಶೀಲನೆ: ಎ.ಬಿ.ಇಬ್ರಾಹಿಂ

ಸುಳ್ಯ: ಹಾಲಿ 33 ಕೆ.ವಿ ಸಬ್ ಸ್ಟೇಷನ್ ವಿದ್ಯುತ್ ಲೈನ್ ಮಾರ್ಗದಲ್ಲಿಯೇ 110 ಕೆ.ವಿ ಲೈನ್ ಎಳೆದು ಸಬ್ ಸ್ಟೇಷನ್ ಯೋಜನೆ ಅನುಷ್ಠಾನಿಸುವ ಕುರಿತು ಪರಿಶೀಲಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಎ.ಬಿ ಇಬ್ರಾಹಿಂ ಹೇಳಿದರು.


ಅವರು ತಾಲೂಕಿನ 11 ಕಡೆ 110 ಸಬ್ ಸ್ಟೇಷನ್ ವಿದ್ಯುತ್ ಲೈನ್ ಹಾದು ಹೋಗುವ ಬಗ್ಗೆ ಜನರಿಂದ ಆಕ್ಷೇಪ ವ್ಯಕ್ತವಾದ ಸ್ಥಳ ಪರಿಶೀಲನೆ ನಡೆಸಿ ಪತ್ರಕರ್ತರ ಜತೆ ಮಾತನಾಡಿದರು.  110 ಕೆ.ವಿ ಸಬ್ ಸ್ಟೇಷನ್ ನಿರ್ಮಾಣಕ್ಕೆ ಸಂಬಂಧಪಟ್ಟಂತೆ ಸರ್ವೇ ಕಾರ್ಯ ಹಂತದಲ್ಲಿದೆ. ಜನರ ಆಕ್ಷೇಪಣೆಗಳು ಇರುವ ಕಾರಣ ಸೂಚಿತ ಮಾಡಾವು -ಜಾಲ್ಸೂರು ಮಾರ್ಗವೇ ಅಂತಿಮ ಎಂದು ಪರಿಗಣಿತವಾಗಿಲ್ಲ. ಈಗಿರುವ 33 ಕೆ.ವಿ ಸಬ್ ಸ್ಟೇಷನ್ ಮಾರ್ಗದಲ್ಲಿಯೇ 110 ಸಬ್ ಸ್ಟೇಷನ್ ಮಾರ್ಗ ಅನುಷ್ಠಾನಿಸುವ ಕುರಿತು ಪರಿಶೀಲನೆ ನಡೆಸಲು ಕೆಪಿಟಿಸಿಎಲ್ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಅವರು ಹೇಳಿದರು.

ಜನವರಿಯಲ್ಲಿ ಉಭಯ ಶಾಸಕರ ಸಮ್ಮುಖದಲ್ಲಿ ಸಭೆ ನಡೆಸದ ಬಗ್ಗೆ ಜಿಲ್ಲಾಧಿಕಾರಿ ಬಳಿ ಪ್ರಶ್ನಿಸಿದಾಗ, ಆಡಳಿತ್ಮಾಕವಾಗಿ ಇಲ್ಲಿ ಸಮಸ್ಯೆ ಇಲ್ಲ. ಬದಲಿಗೆ ಲೈನ್ ಹಾದು ಹೋಗುವ ಖಾಸಗಿ ಜಮೀನಿನಲ್ಲಿ ಆಕ್ಷೇಪ ಬಂದಿದೆ. ತಾಲೂಕಿನ 11 ಆಕ್ಷೇಪಣೆಗಳು ನ್ಯಾಯಾಲಯದಲ್ಲಿ ವಿಚಾರಣೆ ಹಂತದಲ್ಲಿ ಇದೆ. ಕೆಲವು ತೀಮರ್ಾನ ಆಗಿದೆ. ಉಳಿದ ಆಕ್ಷೇಪಣೆಗಳ ತನಿಖೆ ನಡೆಸಿ ಮುಂದಿನ ಶುಕ್ರವಾರದೊಳಗೆ ಆದೇಶ ನೀಡಲಾಗುವುದು ಎಂದು ಅವರು ಹೆಳಿದರು.

ಜನರಿಗೆ ಯೋಜನೆ ಬೇಕು. ಆದರೆ ತಮ್ಮ ಜಮೀನಿನಲ್ಲಿಒಳಗೆ ಬೇಡ. ಹುದ್ದೆ ಬೇಕು. ಆದರೆ ಕೈಗಾರಿಕೆ ಬೇಡ. ವಿದ್ಯುತ್ ಬೇಕು. ಲೈನ್ ಹಾದು ಹೋಗುವುದು ಬೇಡ. ಇಂತಹ ನಿಲುವುಗಳೇ ಅಧಿಕ. ಹಾಗಾಗಿ ಯೋಜನೆಗಳ ಅನುಷ್ಠಾನಕ್ಕೆ ತೊಡಕು ಉಂಟಾಗುತ್ತದೆ. ಸಾಧಕ – ಬಾಧಕಗಳ ಕುರಿತು ವಿಮರ್ಶಿಸಿ, ಯೋಜನೆ ಅನುಷ್ಠಾನ ಮಾಡಬೇಕಿದೆ. ಹಾಗಾಗಿ ಸಾಧ್ಯವಾದಷ್ಟು ಬೇಗ ಸಬ್ ಸ್ಟೇಷನ್ ನಿರ್ಮಾಣಕ್ಕೆ ಆದ್ಯತೆ ನೀಡುವುದಾಗಿ ಜಿಲ್ಲಾಧಿಕಾರಿ ಎ.ಬಿ ಇಬ್ರಾಹಿಂ ಹೇಳಿದರು.

ಜಿಲ್ಲಾಧಿಕಾರಿ ನ್ಯಾಯಾಲಯಕ್ಕೆ ಆಕ್ಷೇಪಣೆ ಸಲ್ಲಿಸಿದ ಅರ್ಜಿದಾರರ ಜಮೀನು ಸ್ಥಳಕ್ಕೆ ಜಿಲ್ಲಾಧಿಕಾರಿ ಅವರು ಭೇಟಿ ನೀಡಿ ಪರಿಶೀಲಿಸಿದರು. ಈ ಸಂದರ್ಭದಲ್ಲಿ ಕೃಷಿ ಕಾರ್ಯಕ್ಕೆ ನಷ್ಟವಾಗುವ ಕುರಿತು ಸ್ಥಳೀಯರು ಅಳಲು ತೋಡಿಕೊಂಡರು. ಪರ್ಯಾಯ ಮಾರ್ಗ ಕಂಡುಕೊಳ್ಳಲು ಒತ್ತಾಯಿಸಿದರು.

See also  ಟಿಪ್ಪುಗೆ ಸಾಮಾಜಿಕ ಜಾಲತಾಣದಲ್ಲಿ ಅವಮಾನ: ವ್ಯಕ್ತಿಯ ಬಂಧನಕ್ಕೆ ಒತ್ತಾಯ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು