News Kannada
Wednesday, February 01 2023

ಕರಾವಳಿ

ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ ವಾಹನ ಚಾಲಕರಿಗೆ ಬಿಸಿ ಮುಟ್ಟಿಸಿದ ಎಸೈ

Photo Credit :

ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ ವಾಹನ ಚಾಲಕರಿಗೆ ಬಿಸಿ ಮುಟ್ಟಿಸಿದ ಎಸೈ

ಬಂಟ್ವಾಳ: ವಿಟ್ಲ ಪೇಟೆಯಲ್ಲಿ ಸಂಚಾರ ನಿಯಮಗಳನ್ನು ಗಾಳಿ ತೂರಿ ಸಂಚಾರ ಮಾಡುತ್ತಿದ್ದ ವಾಹನಗಳ ಚಾಲಕರಿಗೆ ವಿಟ್ಲ ಎಸೈ ನಾಗರಾಜ್ ನೇತೃತ್ವದ ತಂಡ ಭರ್ಜರಿ ಕಾರ್ಯಾಚರಣೆ ನಡೆಸಿ ಬಿಸಿ ಮುಟ್ಟಿಸಿದ್ದಾರೆ.

ವಿಟ್ಲ ಪೇಟೆಯಲ್ಲಿ ಕಳೆದ ಹಲವಾರು ಸಮಯಗಳಿಂದ ಸಂಚಾರ ನಿಯಮಗಳನ್ನು ಗಾಳಿ ತೂರಿ ವಾಹನ ಸಂಚಾರ ಮಾಡಲಾಗುತ್ತಿತ್ತು. ಕೆಲಸದ ಒತ್ತಡದಿಂದ ಪೊಲೀಸರು ಕಾರ್ಯಾಚಣೆಗೆ ಇಳಿದಿರಲಿಲ್ಲ. ಪುತ್ತೂರು ಸಂಚಾರ ಪೊಲೀಸ್ ಠಾಣೆಯಿಂದ ವಿಟ್ಲ ಪೊಲೀಸ್ ಠಾಣೆಗೆ ವರ್ಗಾವಣೆಗೊಂಡು ಬಂದ ನಾಗರಾಜ್ ಅವರು ಮೊದಲ ದಿನದಿಂದಲೇ ಸಂಚಾರ ನಿಯಮಗಳನ್ನು ಪಾಲನೆ ಮಾಡದವರಿಗೆ ತಕ್ಕ ಪಾಠ ಕಲಿಸಲು ಪ್ರಾರಂಭಿಸಿದ್ದಾರೆ. ಪೊಲೀಸ್ ಸಿಬ್ಬಂದಿ ಹಾಗೂ ಹೋಂ ಗಾರ್ಡ್ ಗಳನ್ನೊಳಗೊಂಡ ತಂಡ ವಿಟ್ಲ ನಾಲ್ಕು ಮಾರ್ಗ ಜಂಕ್ಷನ್ ನಲ್ಲಿ ನಿಂತು ನಿರಂತರವಾಗಿ ಕಾರ್ಯಾಚರಣೆಗೆ ಇಳಿದಿದ್ದಾರೆ.

ಈ ಕಾರ್ಯಾಚರಣೆ ವೇಳೆ ಹೆಲ್ಮಟ್ ಧರಿಸದ, ಕರ್ಕಶ ಶಬ್ದ ಮಾಡುವ ವಾಹನ, ಮೊಬೈಲ್ ಬಳಸುವ, ಪರವಾನಿಗೆ ಹೊಂದದ, ಸಮವಸ್ತ್ರ ಧರಿಸದ ಆಟೋಗಳು ಸೇರಿದಂತೆ ಮೊದಲಾದ ಪ್ರಕರಣಗಳು ಬೆಳಕಿಗೆ ಬಂದಿದೆ. ಮೊದಲ ಹಾಗೂ ಎರಡನೇ ದಿನ 35 ಪ್ರಕರಣ, ಮೂರನೇ ದಿನ 15 ಪ್ರಕರಣ, ಉಳಿದ ದಿನ 25 ಪ್ರಕರಣಗಳು ಬೆಳಕಿಗೆ ಬಂದಿದ್ದು, ಒಟ್ಟು 30 ಸಾವಿರಕ್ಕಿಂತಲೂ ಅಧಿಕ ದಂಡ ಸಂಗ್ರಹವಾಗಿದೆ.

ಹೆಲ್ಮಟ್ ಕಂಡ್ಡಾಯವಾದ ದಿನದಿಂದ ವಿಟ್ಲದಲ್ಲಿ ಯಾರೂ ಕೂಡಾ ಹೆಲ್ಮೆಟ್ ಧರಿಸುತ್ತಿರಲಿಲ್ಲ. ಇನ್ನೂ ಕೆಲವು ಬೈಕ್ ಸವಾರರು ಮೂರು ಮಂದಿಯನ್ನು ಕುಳಿತುಕೊಂಡು ತೆರಳುತ್ತಿದ್ದರು. ಆದರೆ ಯಾರೂ ಕೂಡಾ ಪೊಲೀಸರ ಕೈಗೆ ಸಿಗುತ್ತಿರಲಿಲ್ಲ. ನಾಲ್ಕು ಮಾರ್ಗದಲ್ಲಿ ವಾಹನ ದಟ್ಟನೆಗೆ ನಿಂತುಕೊಳ್ಳುತ್ತಿದ್ದ ಹೋಂ ಗಾರ್ಡ್ ಗಳು ವಾಹನಗಳನ್ನು ನಿಲ್ಲಿಸಿದಾಗ ಅವರನ್ನೂ ಕ್ಯಾರೇ ಮಾಡದೇ ತೆರಳುತ್ತಿದ್ದರು. ಅದಲ್ಲದೇ ಕೆಲವು ಆಟೋ ಚಾಲಕರು ಸಂಪೂರ್ಣವಾಗಿ ಸಂಚಾರ ನಿಯಮವನ್ನು ಮರೆತಂತೆ ಕಾಣುತ್ತಿದ್ದು, ಅವರಿಗೂ ಬಿಸಿ ಮುಟ್ಟಿಸಲಾಗಿದೆ.  ಇದೇ ರೀತಿಯ ಘಟನೆಗಳು ವಿಟ್ಲದಲ್ಲಿ ಪದೇ ಪದೇ ಸಂಭವಿಸುತ್ತಿತ್ತು. ಮುಂದಿನ ದಿನಗಳಲ್ಲಿ ಇದೇ ರೀತಿಯ ಕಾರ್ಯಾಚಣೆ ಮುಂದುವರೆಸಲಾಗುವುದು ಎಂದು ಎಸೈ ನಾಗರಾಜ್  ತಿಳಿಸಿದ್ದಾರೆ.

See also  ಜೋಡುಪಾಲ ದುರಂತ ನಡೆದು ತಿಂಗಳಾದರೂ 209 ಮಂದಿ ಇನ್ನೂ ಪರಿಹಾರ ಕೇಂದ್ರಗಳಲ್ಲಿ!
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು