News Kannada
Tuesday, January 31 2023

ಕರಾವಳಿ

ಯುವಕನಿಗೆ ಹಲ್ಲೆ ಪ್ರಕರಣ: ಇಬ್ಬರು ವಶಕ್ಕೆ

Photo Credit :

ಯುವಕನಿಗೆ ಹಲ್ಲೆ ಪ್ರಕರಣ: ಇಬ್ಬರು ವಶಕ್ಕೆ

ಉಳ್ಳಾಲ: ಉಚ್ಚಿಲ ಪೆರಿಬೈಲ್ ಬಳಿ ಯುವಕನಿಗೆ ಮಾರಣಾಂತಿಕ ಹಲ್ಲೆ ನಡೆಸಿದ ಪ್ರಕರಣಕ್ಕೆ ಸಂಬಂಧಿಸಿ ಉಳ್ಳಾಲ ಪೊಲೀಸರು ಇಬ್ಬರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಉಚ್ಚಿಲ ನಿವಾಸಿಗಳಾದ ಗುರು (25) ಮತ್ತು ಜಾನ್ (30) ಎಂಬವರನ್ನು ಉಳ್ಳಾಲ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಇಕ್ಬಾಲ್ ಮತ್ತು ಮನ್ಸೂರ್ ಇಬ್ಬರು ಉಚ್ಚಿಲ ಸಮುದ್ರ ತೀರದಲ್ಲಿ ವಾಲಿಬಾಲ್ ಆಡಲು ಬಂದಿದ್ದ ಸಂದರ್ಭ ಎರಡು ಬೈಕುಗಳಲ್ಲಿ ಬಂದ ಆರು ಮಂದಿಯ ತಂಡ ರಾಡ್ ಹಾಗೂ ಮರದ ದಿಮ್ಮಿಯಿಂದ ಇಕ್ಬಾಲ್ ಎಂಬಾತನಿಗೆ ದಾಳಿ ನಡೆಸಿ ಮಾರಣಾಂತಿಕ ಹಲ್ಲೆ ನಡೆಸಿತ್ತು.

ಜೋಡಿಗೆ ನಿಂದಿಸಿದ್ದರು: ಜ.11ರಂದು ಗುರು ಮತ್ತು ಪ್ರಿಯತಮೆ ಉಚ್ಚಿಲ ಸಮುದ್ರ ತೀರಕ್ಕೆ ವಿಹಾರಕ್ಕೆಂದು ಬಂದಿದ್ದರು. ಈ ಸಂದರ್ಭ ಅಲ್ಲೇ ವಾಲಿಬಾಲ್ ಆಟವಾಡುತ್ತಿದ್ದ ಇಕ್ಬಾಲ್ ಇಬ್ಬರನ್ನು ಕಂಡು ಅವಾಚ್ಯವಾಗಿ ನಿಂದಿಸಿದ್ದನು. ಇದರಿಂದ ಕೆದರಿದ ಗುರು ಇಕ್ಬಾಲ್ ನನ್ನು ಪ್ರಶ್ನಿಸಲು ಮುಂದಾದಾಗ ಇಕ್ಬಾಲ್ ಮತ್ತು ತಂಡ ಬೆದರಿಕೆಯೊಡ್ಡಿ ವಾಪಸ್ಸು ಕಳುಹಿಸಿತ್ತು. ಇದರ ದ್ವೇಷ ಇಟ್ಟುಕೊಂಡ ಗುರು ತನ್ನ ಸ್ನೇಹಿತ ಜಾನ್ ಸಹಿತ ನಾಲ್ವರ ಜತೆಗೆ ಸೇರಿಕೊಂಡು ಉಚ್ಚಿಲ ಪೆರಿಬೈಲು ಬಳಿ ಆಟವಾಡಲು ಬಂದಿದ್ದ ಇಕ್ಬಾಲ್ ಗೆ ಮಾರಣಾಂತಿಕ ದಾಳಿ ನಡೆಸಿದೆ. ಹಲ್ಲೆಗೊಳಗಾದ ಇಕ್ಬಾಲ್ ದೇರಳಕಟ್ಟೆ ಆಸ್ಪತ್ರೆಯಲ್ಲಿ ಚೇತರಿಸುತ್ತಿದ್ದು, ಘಟನೆಯಿಂದ ಉಚ್ಚಿಲದಲ್ಲಿ ಉಂಟಾದ ಬಿಗುವಿನ ವಾತಾವರಣ ಇಬ್ಬರ ಬಂಧನದಿಂದ ತಿಳಿಯಾಗಿದೆ.

See also  ಗೋವು ಸಾಗಾಟ ಮಾಡುತ್ತಿದ್ದವರನ್ನು ತಡೆಯಲು ಹೋದ ಪೇದೆಗೆ ಡಿಕ್ಕಿ: 10 ಗೋವು ಸಾವು
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

Editor's Pick

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು