News Kannada
Tuesday, February 07 2023

ಕರಾವಳಿ

ಹಿರಿಯ ರಾಜಕಾರಣಿ ಚೆರ್ಕಳಂ ಅಬ್ದುಲ್ಲ ವಿಧಿವಶ

Photo Credit :

ಹಿರಿಯ ರಾಜಕಾರಣಿ ಚೆರ್ಕಳಂ ಅಬ್ದುಲ್ಲ ವಿಧಿವಶ

ಕಾಸರಗೋಡು: ಹಿರಿಯ ರಾಜಕಾರಣಿ , ಮಾಜಿ ಸಚಿವ ಹಾಗೂ ಮಂಜೇಶ್ವರ ಶಾಸಕ ಚೆರ್ಕಳಂ ಅಬ್ದುಲ್ಲ ಇನ್ನಿಲ್ಲ . ಅವರಿಗೆ ೭೬ ವರ್ಷ ವಯಸ್ಸಾಗಿತ್ತು. ಕಳೆದ ಕೆಲ ದಿನಗಳಿಂದ ಮಂಗಳೂರು ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಚೆರ್ಕಳಂ ಅಬ್ದುಲ್ಲ ರವರನ್ನು ವೈದ್ಯರ ಸಲಹೆಯಂತೆ ನಿನ್ನೆ ತಡರಾತ್ರಿ ಮನೆಗೆ ಕರೆತರಲಾಗಿತ್ತು.

ಇಂದು ಬೆಳಿಗ್ಗೆ ೮.೨೦ ರ ಸುಮಾರಿಗೆ ಸ್ವಗ್ರಹದಲ್ಲಿ ಕೊನೆಯುಸಿರೆಳೆದರು.ಮುಸ್ಲಿಂ ಲೀಗ್ ರಾಜ್ಯ ಕೋಶಾಧಿಕಾರಿ ಯಾಗಿದ್ದರು.

ಕಾಂಗ್ರೆಸ್ ನೇತೃತ್ವದ ಯು ಡಿ ಎಫ್ ಘಟಕ ಪಕ್ಷವಾದ ಮುಸ್ಲಿಂ ಲೀಗ್ ನ ಪ್ರಮುಖ ನಾಯಕ. ೧೯ ವರ್ಷ ಮಂಜೇಶ್ವರದಿಂದ ಶಾಸಕರಾಗಿದ್ದರು. ೧೯೮೭ ರಿಂದ ೨೦೦೧ ರ ತನಕ ನಾಲ್ಕು ಬಾರಿ ಮಂಜೇಶ್ವರದಿಂದ ಶಾಸಕರಾಗಿ ಆಯ್ಕೆ.

೨೦೦೧ ರಲ್ಲಿ ಎ .ಕೆ ಆಂಟನಿ ಸಚಿವ ಸಂಪುಟದಲ್ಲಿ ಸ್ಥಳೀಯಾಡಳಿತ ಸಚಿವರಾಗಿ ಸೇವೆ. ಕಾಸರಗೋಡಿಯ ಚೆರ್ಕಳ ನಿವಾಸಿಯಾಗಿದ್ದ ಚೆರ್ಕಳಂ ಅಬ್ದುಲ್ಲ ರವರು ೧೯೮೭ ರಲ್ಲಿ ಬಿ ಜೆ ಪಿ ಯ ಎಚ್ . ಶಂಕರ ಆಳ್ವರನ್ನು ಸೋಲಿಸಿ ವಿಧಾನಸಭೆಗೆ ಆಯ್ಕೆಯಾದರು. ಇದರಿಂದ ಮಂಜೇಶ್ವರ ವಿಧಾನಸಭಾ ಕ್ಷೇತ್ರ ಕಾಂಗ್ರೆಸ್ ನೇತೃತ್ವದ ಯು ಡಿ ಎಫ್ ಪಾಲಾಯಿತು. ೧೯೯೨ ರಲ್ಲಿ ಬಿಜೆಪಿಯ ಜನಪ್ರಿಯ ನಾಯಕರಾಗಿದ್ದ ಕೆ . ಜಿ ಮಾರಾರ್ ವಿರುದ್ಧ ೧೦೭೨ ಮತಗಳ ಅಂತರದಿಂದ ಗೆಲುವು ಸಾಧಿಸುವ ಮೂಲಕ ಯು ಡಿ ಎಫ್ ನ್ನು ಮತ್ತೆ ಗೆಲುವಿನತ್ತ ತಂದರು.

೧೯೯೬ ರಲ್ಲಿ ಬಿಜೆಪಿಯ ಸಿ .ಕೆ ಪದ್ಮನಾಭನ್ ರನ್ನು ಸೋಲಿಸಿ ಮೂರನೇ ಬಾರಿ ಆಯ್ಕೆಯಾದರು. ೨೦೦೧ ರಲ್ಲಿ ಬಿ ಜೆ ಪಿ ಯ ಸಿ ಕೆ . ಪದ್ಮನಾಭನ್ ರನ್ನು ಮತ್ತೆ ಸೋಲಿಸಿ ನಾಲ್ಕನೇ ಬಾರಿ ವಿಧಾನಸಭೆಗೆ ಪ್ರವೇಶಿದರು.

೨೦೦೬ ರಲ್ಲಿ ಸಿ ಪಿ ಎಂ ನ ಸಿ . ಎಚ್ ಕುಞ೦ಬು ವಿರುದ್ಧ ಸೋಲು ಕಾಣುವಂತಾಯಿತು. ಪಕ್ಷದಲ್ಲಿನ ಆಂತರಿಕ ಕಲಹ ಚೆರ್ಕಳಂ ಅಬ್ದುಲ್ಲ ರ ಸೋಲಿಗೆ ಮುಳುವಾಯಿತೆನ್ನಬಹುದು, ಆದರೆ ೨೦೧೧ ರಲ್ಲಿ ಚುನಾವಣೆಗೆ ಸ್ಪರ್ಧಿಸದೆ ಪಿ . ಬಿ ಅಬ್ದುಲ್ ರಜಾಕ್ ರನ್ನು ಕಣಕ್ಕಿಳಿಸಲಾಯಿತು.

ಆದರೆ ಪಕ್ಷದ ಏಳಿಗೆಗಾಗಿ ದುಡಿದ ಅವರು ೨೦೧೧ ರಲ್ಲಿ ಮಂಜೇಶ್ವರ ಕ್ಷೇತ್ರ ಮತ್ತೆ ಯು ಡಿ ಎಫ್ ಪಾಲಾಗುವಂತೆ ನೋಡಿಕೊಂಡರು. ಹಲವು ವರ್ಷಗಳ ಕಾಲ ಮುಸ್ಲಿಂ ಲೀಗ್ ಹಾಗೂ ಯು ಡಿ ಎಫ್ ಜಿಲ್ಲಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದಾರೆ. ವಿಧಾನ ಸಭಾ ಅಧಿವೇಶನದಲ್ಲಿ ಕನ್ನಡದ ಕಹಳೆಯನ್ನು ಮೊಳಗಿಸುವ ಮೂಲಕ ಕನ್ನಡಿಗರ ಮನ ಗೆದ್ದರು.
ವಿಧಾನಸಭೆಯಲ್ಲಿ ಕನ್ನಡಲ್ಲಿ ಪ್ರಮಾಣ ವಚನ ಮಾಡಿದ ಮೊದಲ ಶಾಸಕ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು

See also  ಮುರಿದು ಬಿದ್ದಿದ್ದ ವಿದ್ಯುತ್ ತಂತಿ ತುಳಿದ ತಂದೆ-ಮಗಳು ಸಾವು
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

176
Stephen K

Read More Articles

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು