News Kannada
Thursday, December 08 2022

ಕಾಸರಗೋಡು

ಕಾಸರಗೋಡಿನಲ್ಲಿ ಕಂಗಾಲಾದ ತೆಂಗು ಕೃಷಿಕರು

Photo Credit :

ಕಾಸರಗೋಡು: ತೆಂಗಿನಕಾಯಿಯನ್ನು‌ ಮುಖ್ಯ‌ ಬೆಳೆಯಾಗಿ‌ ಬೆಳೆಸುತ್ತಿರುವ‌ ಕೃಷಿಕರಿಗೆ  ಭಾರಿ ನಷ್ಟವಾಗಿದೆ.ತೆಂಗಿನಕಾಯಿ ಬೆಲೆ ಭಾರಿ ಕುಸಿತ ಕಂಡಿದ್ದು ಕೃಷಿಕರು ಕಂಗಾಲಾಗಿದ್ದಾರೆ. ಹಸಿ ತೆಂಗಿನಕಾಯಿಗೆ ಕಿಲೋಗೆ 30 ರೂ., ಒಣ ತೆಂಗಿನ ಕಾಯಿಗೆ 30 ರೂ. ನಿಂದ ಮೂವತ್ತೆರಡು ರೂ. ವರೆಗೆ ಬೆಲೆ ಇದೆ. ತಿಂಗಳುಗಳ ಹಿಂದೆ ಹಸಿ ತೆಂಗಿನಕಾಯಿಗೆ 34 ರೂ. ವರೆಗೆ ಬೆಲೆ ಇತ್ತು. ಕೊಬ್ಬರಿ ಬೆಲೆ 100 ರೂ.ಗೆ ಕುಸಿದಿದೆ

ಬೆಲೆ ಕುಸಿದಿರುವುದರಿಂದ ತೆಂಗು ಕೊಯ್ಯುವುದನ್ನು ಕೃಷಿಕರು ನಿಲ್ಲಿಸಿದ್ದಾರೆ. ಬೆಲೆ ಹೆಚ್ಚಿದ ಸಮಯದಲ್ಲಿ ಖರೀದಿಸಿದ ತೆಂಗಿನಕಾಯಿಗಳನ್ನು ಮಾರಾಟ ಮಾಡಲು ಸಾಧ್ಯವಾಗದೆ ವ್ಯಾಪಾರಿಗಳು ಸಮಸ್ಯೆಗೊಳಗಾಗಿದ್ದಾರೆ. ಹಿಂದೆ ಸಮಾನ ರೀತಿಯಲ್ಲಿ ಬೆಲೆ ಕುಸಿದಿದ್ದಾಗ ಕೃಷಿ ಇಲಾಖೆ ಕೃಷಿ ಭವನಗಳ ಮೂಲಕ ಹಸಿ ತೆಂಗಿನಕಾಯಿ ಸಂಗ್ರಹ ಆರಂಭಿಸಿದ್ದರು. ಇದರಿಂದ ಮಾರುಕಟ್ಟೆಯಲ್ಲಿ ಭಾರೀ ಬದಲಾವಣೆ ಉಂಟಾಗಿತ್ತು. ಸಾರ್ವಜನಿಕ ಮಾರುಕಟ್ಟೆಯಲ್ಲಿ ಬೆಲೆ ಹೆಚ್ಚಿದ್ದು, ಕೃಷಿಕರು ಅದನ್ನು ಆಶ್ರಯಿಸಲು ಆರಂಭಿಸಿರುವುದರಿಂದ ಕೃಷಿ ಭವನಗಳ ಹಸಿ ತೆಂಗಿನಕಾಯಿ ಸಂಗ್ರಹ ನಿಂತಿತ್ತು.

ಹಸಿ ತೆಂಗಿನ ಕಾಯಿಗೆ ಕಿಲೋಗೆ 45 ರೂ.ವರೆಗೆ ಲಭಿಸುತ್ತಿತ್ತು. ಈಗ 30ರೂ.ನಿಂದ 32ರೂ.ಗೆ ಕುಸಿದಿದೆ. ಸಮಾನ ರೀತಿಯಲ್ಲಿ ಕೊಬ್ಬರಿಗೆ ಬೆಲೆ ಕುಸಿದಿದೆ. ಕೋವಿಡ್‌ ಸಂದಿಗ್ಧತೆಯ ಮಧ್ಯೆ ತೆಂಗಿನ ಬೆಲೆ ಕುಸಿದಿರುವುದರಿಂದ ಕೃಷಿಕರು ಭಾರಿ ಸಂದಿಗ್ಧತೆಗೆ ಒಳಗಾಗಿದ್ದಾರೆ. ಒಂದು ತೆಂಗಿನ ಮರದಿಂದ ತೆಂಗಿನಕಾಯಿ ಕೊಯ್ಯಲು ಮರ ಏರಲು 50ರಿಂದ 60ರೂ. ವರೆಗೆ ಸಂಬಳ ನೀಡಬೇಕಾಗುತ್ತದೆ. ಗೊಬ್ಬರದ ಬೆಲೆ ಹಾಗೂ ಇತರ ಕೂಲಿ ಎಲ್ಲ ಸೇರಿಸಿದರೆ ಕೃಷಿಕರ ಜೇಬು ಖಾಲಿಯಾಗುತ್ತದೆ. ಹಸಿ ತೆಂಗಿನಕಾಯಿ ಬೆಲೆ ಮತ್ತೆ ಕುಸಿದಿರುವುದರಿಂದ ಕೃಷಿ ಭವನಗಳ ಹಸಿ ತೆಂಗಿನಕಾಯಿ ಸಂಗ್ರಹಣೆ ಮತ್ತೆ ಆರಂಭಿಸಬೇಕು ಎಂದು ಕೃಷಿಕರು ಆಗ್ರಹಿಸುತ್ತಿದ್ದಾರೆ. ಎರಡು ತಿಂಗಳ ಹಿಂದೆ ಇದೇ ರೀತಿ ಬೆಲೆ ಕುಸಿದಿದ್ದರೂ ಬಳಿಕ ಮತ್ತೆ ಏರಿಕೆಯಾಗಿತ್ತು. ಆದರೆ ಈಗ ಮತ್ತೆ ಇಳಿಕೆಯಾಗಿದೆ.

ಕರ್ನಾಟಕ, ತಮಿಳುನಾಡಿನಿಂದ ಹಸಿ ತೆಂಗಿನಕಾಯಿ ಅಪಾರ ಪ್ರಮಾಣದಲ್ಲಿ ಪೂರೈಕೆ ಆಗುವುದರಿಂದ ತೆಂಗಿನಕಾಯಿಗೆ ಬೆಲೆ ಕುಸಿಯಲು ಕಾರಣ ಎಂಬ ಆಕ್ಷೇಪ ಉಂಟಾಗಿತ್ತು. ಮೈಸೂರು, ಹಾಸನ ವಲಯಗಳಲ್ಲಿ ಭಾರೀ ಪ್ರಮಾಣದಲ್ಲಿ ಎಳನೀರು ಉತ್ಪಾದಿಸುವ ತೋಟಗಳಿವೆ. ಆದರೆ ಕೋವಿಡ್‌ ಕಾರಣ ಎಳನೀರು ಮಾರಾಟ ಕುಸಿದಿರುವುದರಿಂದ ಇವುಗಳೆಲ್ಲ ತೆಂಗಿನಕಾಯಿಗಳಾಗಿವೆ. ಇವು ಈಗ ಕಡಿಮೆ ಬೆಲೆಗೆ ಕೇರಳದ ತೆಂಗಿನ ಎಣ್ಣೆ ಮಿಲ್‌ಗಳಿಗೆ ತಲುಪುತ್ತವೆ. ಇದೇ ಸಂದರ್ಭ ಕೇರಳದ ತೆಂಗಿಗಿಂತ ಇದಕ್ಕೆ ಗುಣಮಟ್ಟ ಕಡಿಮೆ ಇರುವುದಾಗಿ ಆಕ್ಷೇಪವಿದೆ. ಆದರೂ ಬೆಲೆ ಕಡಿಮೆ ಆಗಿರುವುದರಿಂದ ಹಲವು ತೆಂಗಿನೆಣ್ಣೆ ಮಿಲ್‌ ಮಾಲೀಕರು ಖರೀದಿಸಲು ತಯಾರಿದ್ದಾರೆ.

See also  ಬೈಕ್ ಹಾಗೂ ಲಾರಿ ನಡುವೆ ಅಪಘಾತ: ಇಬ್ಬರು ಯುವಕರು ಮೃತ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

1616

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು