ಮಂಗಳೂರು : ಎಂಸಿಸಿ ಬ್ಯಾಂಕ್ ಮಂಗಳೂರು ಇದರ ಸಂಸ್ಥಾಪಕರ ದಿನಾಚರಣೆ ಮತ್ತು ನವೀಕೃತ ಬ್ಯಾಂಕ್ ಕಟ್ಟಡದ ಟುಲೆವೆಲ್ ಕಾರ್ ಪಾರ್ಕಿಂಗ್, ಸ್ಟಾಫ್ ಟ್ರೈನಿಂಗ್ ಸೆಂಟರ್, ಪಿಎಫ್ಎಕ್ಸ್ ಸಲ್ಡಾನ್ಹಾ ಮೆಮೋರಿಯಲ್ ಹಾಲ್ ನ ಉದ್ಘಾಟನಾ ಕಾರ್ಯಕ್ರಮ ಮಂಗಳೂರು ಲೈಟ್ ಹೌಸ್ ಹಿಲ್ ರೋಡ್ ನ ಎಂಸಿಸಿ ಬ್ಯಾಂಕ್ ಕೇಂದ್ರ ಕಚೇರಿಯಲ್ಲಿ ನೆರವೇರಿತು.
ನವೀಕೃತ ಟೂಲೆವೆಲ್ ಕಾರ್ ಪಾರ್ಕಿಂಗ್ ಗೆ ಎಂಸಿಸಿ ಬ್ಯಾಂಕ್ ಮಾಜಿ ಅಧ್ಯಕ್ಷ ವೆಲೆನ್ಟೈನ್ ಡಿಸಿಲ್ವ ಚಾಲನೆ ನೀಡಿದರು.
ಬಳಿಕ ಎಂಸಿಸಿ ಬ್ಯಾಂಕ್ ಸಂಸ್ಥಾಪಕ ಪಿಎಫ್ಎಕ್ಸ್ ಸಲ್ಡಾನ್ಹಾ ಭಾವಚಿತ್ರಕ್ಕೆ ಮಿಲಾಗ್ರೀಸ್ ಚರ್ಚ್ ನ ಧರ್ಮ ಗುರು ಫಾ. ಬೊನವೆಂಚರ್ ನಝ್ರತ್ ಪುಷ್ಪಾರ್ಚಣೆ ಮಾಡಿದರು. ನೂತನ ಸ್ಟಾಫ್ ಟ್ರೈನಿಂಗ್ ಸೆಂಟರ್ ಗೆ ಎಂಸಿಸಿ ಬ್ಯಾಂಕ್ ನ ಅಧ್ಯಕ್ಷ ಅನೀಲ್ ಲೋಬೊ ಚಾಲನೆ ನೀಡಿದರು.
ಪಿಎಫ್ಎಕ್ಸ್ ಸಲ್ಡಾನ್ಹಾ ಮೆಮೋರಿಯಲ್ ಹಾಲ್ಅನ್ನು ನ್ಯಾಯವಾದಿ ಎಂಪಿ ನೊರೊನ್ಹಾ ಉದ್ಘಾಟಿಸಿದರು.
ಈ ವೇಳೆ ಎಂಸಿಸಿ ಬ್ಯಾಂಕ್ ನ ಸಂಸ್ಥಾಪಕರ ದಿನಾಚರಣೆ ಲೋಗೊ ಅನಾವರಣ ಹಾಗೂ ಬ್ಯಾಂಕ್ ನ ಬುಲೆಟಿನ್ ಬಿಡುಗಡೆಯನ್ನು ಎಂಸಿಸಿ ಬ್ಯಾಂಕ್ ಸಂಸ್ಥಾಪಕ ಪಿಎಫ್ಎಕ್ಸ್ ಸಲ್ಡಾನ್ಹಾ ಅವರ ಮೊಮ್ಮಗ ಹೆರಾಲ್ಡ್ ಆರ್ಟಿ ಮತ್ತು ಬ್ಯಾಂಕ್ ನ ಉಪಾಧ್ಯಕ್ಷ ಜೆರಾಲ್ಡ್ ಜೂಡ್ ಡಿಸಿಲ್ವ ನೆರವೇರಿಸಿದರು.
ಕಾರ್ಯಕ್ರಮದಲ್ಲಿ ಬ್ಯಾಂಕ್ ಜನರಲ್ ಮ್ಯಾನೇಜರ್ ಸುನಿಲ್ ಮಿನೇಜಸ್ ಮತ್ತಿತರರು ಉಪಸ್ಥಿತರಿದ್ದರು.
