ಬೆಳ್ತಂಗಡಿ: ತಾಲೂಕಿನ ಕಕ್ಕಿಂಜೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕರ್ನಾಟಕ ಬ್ಯಾಂಕ್ ಎಟಿಎಂ ನಿಂದ ಮೂರು ಬ್ಯಾಟರಿಗಳು ಫೆ.10ರಂದು ಕಳವಾಗಿರುವ ಕುರಿತು ತಿಳಿದುಬಂದಿದೆ.
ರಾಷ್ಟ್ರೀಯ ಹೆದ್ದಾರಿಯ ಸಮೀಪವಿರುವ ಎಟಿಎಂಗೆ ಸಂಬಂಧಪಟ್ಟ ಬ್ಯಾಟರಿಗಳನ್ನು, ಎಟಿಎಂ ಯಂತ್ರ ಇರುವ ಪಕ್ಕದ ಕೋಣೆಯಿಂದ,ರಾತ್ರಿ 8.30 ರಿಂದ 9.30ರ ಅವಧಿಯಲ್ಲಿ ಕಳ್ಳತನ ಮಾಡಲಾಗಿದೆ.
ಸಾಮಾನ್ಯವಾಗಿ ರಾತ್ರಿ 9:30 ರತನಕವು ಕಕ್ಕಿಂಜೆ ಪೇಟೆಯಲ್ಲಿ ಜನ,ವಾಹನ ಸಂಚಾರವಿರುತ್ತದೆ.ಅದೇ ಸಮಯದಲ್ಲಿ ಕಳ್ಳತನ ನಡೆದಿರುವುದು ಪರಿಸರದ ಜನರಲ್ಲಿ ಆತಂಕವನ್ನು ಹೆಚ್ಚಿಸಿದೆ.
ಸೆಕ್ಯೂರಿಟಿ ಗಾರ್ಡ್ ವ್ಯವಸ್ಥೆಯಿಲ್ಲದ,ಎಟಿಎಂನ ಬ್ಯಾಟರಿ ಕಳವು ಮಾಡಿರುವ ಕೃತ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.ಎಟಿಎಂ ಗೆ ಯಾವುದೇ ಹಾನಿಯಾಗಿರುವುದಿಲ್ಲ ಎಂದು ಬ್ಯಾಂಕ್ ಅಧಿಕಾರಿಗಳು ತಿಳಿಸಿದ್ದಾರೆ.