News Kannada
Friday, December 02 2022

ಮಂಗಳೂರು

ಬಂಟ್ವಾಳ : ಗಣಿ ಇಲಾಖೆ ಸಚಿವರ ಜತೆ ಕೂತು ಮರಳು ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲಾಗುವುದು

We will sit with the Minister of Mines and find a solution to the sand problem.
Photo Credit : Facebook

ಬಂಟ್ವಾಳ : ಕರಾವಳಿ ಮರಳು ನೀತಿ ಅನುಷ್ಠಾನ ಸರಿಯಾಗಿಲ್ಲ ಎಂಬ ವಿಚಾರ ಗಮನಕ್ಕೆ ಬಂದಿದೆ, ಈ ಕುರಿತು ಗಣಿ ಇಲಾಖೆ ಸಚಿವರ ಜತೆ ಕೂತು ಮರಳು ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲಾಗುವುದು ಎಂದು ರಾಜ್ಯ ಕಾನೂನು, ಸಂಸದೀಯ ಮತ್ತು ಸಣ್ಣ ನೀರಾವರಿ ಇಲಾಖೆ ಸಚಿವ ಜೆ.ಸಿ.ಮಾಧುಸ್ವಾಮಿ ಹೇಳಿದ್ದಾರೆ.

ಅವರು ಶುಕ್ರವಾರ ಬಂಟ್ವಾಳದ ನಿರೀಕ್ಷಣಾ ಮಂದಿರದಲ್ಲಿ ಪತ್ರಕರ್ತರ ಜತೆ ಮಾತನಾಡಿದರು. ಬೆಂಗಳೂರು ವೋಟರ್ ಹಗರಣ‌ ಎಂಬ ಕಾಂಗ್ರೇಸ್ ಆರೋಪ ಕ್ಕೆ ಪ್ರತಿಕ್ರಿಯಿಸಿದ ಅವರು, ಚುನಾವಣೆಗೆ ೬ ತಿಂಗಳು ಮೊದಲು ಚುನಾವಣಾ ಆಯೋಗವೇ ಮತದಾರರ ಪಟ್ಟಿ ಪರಿಷ್ಕರಣೆ ಮಾಡುತ್ತದೆ. ಇದರಲ್ಲಿ ಯಾವ ಸರಕಾರವೂ ಬಾಯಿ ಹಾಕುವುದಿಲ್ಲ. ಅದನ್ನು ಬಿಟ್ಟು ಸರಕಾರ ಏನಾದರೂ ಮಾಡುತ್ತಿದೆ ಎನ್ನುವುದರಲ್ಲಿ ಅರ್ಥವಿಲ್ಲ. ಚುನಾವಣಾ ಆಯೋಗವೇ ಸ್ವತಂತ್ರವಾಗಿ ಕೆಲಸ ಮಾಡುತ್ತಿದೆ ಎಂದರು.

40 ಪರ್ಸೆಂಟ್ ಕಮಿಷನ್ ಎಂಬ ಕಾಂಗ್ರೇಸ್ ಆರೋಪವೂ ಸುಳ್ಳು ಎಂದ‌ಅವರು,ಯಾರೋ ಗುತ್ತಿಗೆದಾರ ಹೇಳಿದ ಎಂದು ಕಾಂಗ್ರೆಸ್ ಯಾವುದೇ ದಾಖಲೆಗಳಿಲ್ಲದೆ ೪೦ ಪರ್ಸೆಂಟ್ ಆರೋಪ ಮಾಡುತ್ತಿದೆ. ಒಂದಾದರೂ ದಾಖಲೆ ನೀಡಿದರೆ ೪೦ ಪರ್ಸೆಂಟ್ ಕೊಟ್ಟವರು ಯಾರು, ತೆಗೆದುಕೊಂಡವರು ಯಾರು ಎಂದು ತನಿಖೆ ಮಾಡಬಹುದಿತ್ತು. ಇವತ್ತು ೪೦ ಎಂದವರು ನಾಳೆ ೮೦ ಪರ್ಸೆಂಟ್ ಅಂತ ಹೇಳುತ್ತಾರೆ ಅದನ್ನು ನಂಬಲು ಸಾಧ್ಯವೇ ಎಂದವರು ಪ್ರಶ್ನಿಸಿದರು. ವಿರೋಧ ಪಕ್ಷದ ನಾಯಕರಾಗಿರುವ ಸಿದ್ಧರಾಮಯ್ಯ ಅವರು ಮುಖ್ಯಮಂತ್ರಿಯಾಗಿ, ಹಣಕಾಸು ಸಚಿವರಾಗಿ ಕೆಲಸ ಮಾಡಿದವರು. ಅವರಿಗೆ ಇದರಲ್ಲಿ ಎಷ್ಟು ಸತ್ಯವಿದೆ ಎಂಬುದು ಗೊತ್ತಿಲ್ಲವೇ. ಸುಳ್ಳನ್ನೇ ಹೇಳಿ ಹೇಳಿ ನಂಬಿಸಲು ಹೊರಟರೆ ಹೇಗೆ, ನಮ್ಮ ಮತದಾರರು ಯಾರು ಕೂಡ ಪ್ರಶ್ನೆ ಮಾಡಿಲ್ಲ. ಅವರಿಗೆ ನಮ್ಮ ಮೇಲೆ ವಿಶ್ವಾಸ ಇದೆ ಎಂದರು.

ಸಿದ್ಧರಾಮಯ್ಯ ಅವರು ಚಿಕ್ಕನಾಯಕನಹಳ್ಳಿ ಸ್ಪರ್ಧಿಸುತ್ತಾರೆಯೇ ಎಂಬ ಪ್ರಶ್ನೆಗೆ ಸಚಿವರು ಪ್ರತಿಕ್ರಿಯಿಸಿ ಅವರು, ಬಂದರೆ ಬಹಳ ಸಂತೋಷ ಪಡುತ್ತೇನೆ ಎಂದರು. ಬಿಜೆಪಿಯು ಪಕ್ಷದ ವರಿಷ್ಠರ ಸಲಹೆ-ಸೂಚನೆಯಂತೆ ಕೆಲಸ ಮಾಡುತ್ತಿದ್ದು, ಇಲ್ಲಿ ಯಾರೂ ಕೂಡ ಸಿಎಂ ನಾನೇ ಎಂದು ಹೇಳಲು ಸಾಧ್ಯವಿಲ್ಲ ಎಂದವರು ಪತ್ರಕರ್ತರ ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.

ನ್ಯಾಯಾಲಯಗಳಲ್ಲಿ ಸಾಕಷ್ಟು ಕೇಸ್‌ಗಳು ಬಾಕಿ ಇದ್ದು, ಒತ್ತಡದಲ್ಲಿ ಕೆಲಸ ಮಾಡಬೇಕಾದ ಸ್ಥಿತಿ ಇದೆ. ಈ ಹಿನ್ನೆಲೆಯಲ್ಲಿ ಕಳೆದ ತಿಂಗಳು ಗುಜರಾತಿನಲ್ಲಿ ನಡೆದ ಕಾನೂನು ಸಚಿವರುಗಳ ಸಮ್ಮೇಳನದಲ್ಲಿ ನ್ಯಾಯಾಲಯ ಹೊರಗೆ ಕೇಸ್ ಇತ್ಯರ್ಥ ಪಡಿಸಲು ಅವಕಾಶಗಳು ಇದೆಯಾ ಎಂಬುದರ ಕುರಿತು ಚರ್ಚೆ ನಡೆದಿದೆ. ಪಂಚಾಯತ್ ಮಟ್ಟದಲ್ಲಿ ಸಣ್ಣ ಪುಟ್ಟ ಕೇಸ್‌ಗಳನ್ನು ಇತ್ಯರ್ಥಪಡಿಸಿ ನ್ಯಾಯಲಯದ ಒತ್ತಡ ಕಡಿಮೆ ಮಾಡಬೇಕು ಎಂಬುದರ ಕುರಿತು ರಾಷ್ಟ್ರ ಮಟ್ಟದಲ್ಲೇ ಚರ್ಚೆ ಮಾಡಿದ್ದೇವೆ. ಹಿಂದೆ ಇಡೀ ಕರ್ನಾಟಕದ ಭೂ ಅತಿಕ್ರಮಣ(ಲ್ಯಾಂಡ್ ಗ್ರಾಬಿಂಗ್)ದ ಪ್ರಕರಣಗಳು ಬೆಂಗಳೂರಿನ ವಿಶೇಷ ನ್ಯಾಯಾಲಯಕ್ಕೆ ಬರುತ್ತಿತ್ತು. ನಾವು ಅದಕ್ಕೆ ಕಾನೂನು ತಿದ್ದುಪಡಿ ಮಾಡಿ ಸಣ್ಣ ಪುಟ್ಟ ಒತ್ತುವರಿಯನ್ನು ಗ್ರಾಬಿಂಗ್ ಅಂತ ಕರೆಯದೆ ಒತ್ತುವರಿ ಪದ ಬಳಕೆ ಮಾಡಿ ಸ್ಥಳೀಯ ಕಂದಾಯ ಇಲಾಖೆಯೇ ತೀರ್ಮಾನ ಕೈಗೊಳ್ಳುವ ರೀತಿಯಲ್ಲಿ ತೀರ್ಮಾನ ಕೈಗೊಂಡಿದ್ದೇವೆ ಎಂದು ಸಚಿವ ಮಾಧುಸ್ವಾಮಿ ವಿವರಿಸಿದರು.

See also  ಸಾಹಸಿ ರೈತ ಅಮೈ ಮಹಾಲಿಂಗ ನಾಯ್ಕರ ತೋಟಕ್ಕೆ ಪೇಜಾವರ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದರು ಭೇಟಿ

ಈ ವೇಳೆ ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪಾಡಿಗುತ್ತು, ಮಾಜಿ ಶಾಸಕ ಪದ್ಮನಾಭ ಕೊಟ್ಟಾರಿ, ಕಿಯೋನಿಕ್ಸ್ ಅಧ್ಯಕ್ಷ ಕೆ.ಹರಿಕೃಷ್ಣ ಬಂಟ್ವಾಳ್ ಈ ವೇಳೆ ಉಪಸ್ಥಿತರಿದ್ದರು.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

153
Mounesh V

Read More Articles

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು