ಮೂಡುಬಿದಿರೆ: ಹೋಂ ನರ್ಸ್ ಆಗಿ ಸೇವೆ ಮಾಡಲು ಬಂದು ವೃದ್ಧೆಗೆ ಅಸಹಜ ಲೈಂಗಿಕ ಕ್ರಿಯೆಗೆ ಪೀಡಿಸುತ್ತಿದ್ದ ಯುವಕನನ್ನು ಮೂಡುಬಿದಿರೆ ಪೊಲೀಸರು ಬಂಧಿಸಿದ ಘಟನೆ ಗುರುವಾರ ನಡೆದಿದೆ.
ಕೊಡಂಗಲ್ಲು ಬಳಿಯ ಹುಡ್ಕೊ ಕಾಲನಿಯ ನಿವಾಸಿ 68ರ ಹರೆಯದ ವೃದ್ಧೆಗೆ ಹೋಂ ನರ್ಸ್ ಆಗಿ ಗದಗದ 19 ರ ಯುವಕ ಶಿವಾನಂದ ಎಂಬಾತ ಕೆಲವು ಸಮಯದಿಂದ ನೋಡಿಕೊಳ್ಳುತ್ತಿದ್ದ. ವೃದ್ಧೆ ಕೆಲವು ದಿನಗಳಿಂದ ಮಂಕಾಗಿದ್ದರಿಂದ ಅವರಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿತ್ತು. ಪದೇ ಪದೇ ವೃದ್ಧೆ ಹುಷಾರು ತಪ್ಪುತ್ತಿದ್ದರಿಂದ ಸಂಶಯಗೊಂಡ ಮನೆಯವರು ಯುವಕನ ಗಮನಕ್ಕೆ ಬಾರದಂತೆ ಕೋಣೆಗೆ ಸಿಸಿ ಕೆಮರಾವನ್ನು ಅಳವಡಿಸಿದ್ದು ಅದರಲ್ಲಿ ಯುವಕ ವೃದ್ಧೆಗೆ ಹೊಡೆದು ಅಸಹಜ ಲೈಂಗಿಕ ಕ್ರಿಯೆಗೆ ಒತ್ತಾಯಿಸುತ್ತಿರುವುದು ವೀಡಿಯೋ ಚಿತ್ರೀಕರಣಗೊಂಡಿದೆ.
ವೃದ್ಧೆಯ ಮಕ್ಕಳು ಹೋಂ ನರ್ಸ್ ಶಿವಾನಂದನ ಬಗ್ಗೆ ಮೂಡುಬಿದಿರೆ ಪೊಲೀಸರಿಗೆ ದೂರು ನೀಡಿದ್ದು ತಕ್ಷಣ ಪೊಲೀಸರು ಯುವಕನನ್ನು ಬಂಧಿಸಿದ್ದಾರೆ. ಯುವಕ ಏಜೆನ್ಸಿ ಮೂಲಕ ಹೋಂ ನರ್ಸ್ ಆಗಿ ಬಂದಿದ್ದ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
