ಬೈಂದೂರು: ಕೆಲವು ದಿವಸದ ಹಿಂದೆ ಬಾಗಲಕೋಟೆಯಲ್ಲಿ ಕೆಲಸ ಮಾಡುತ್ತಿದ್ದ ಸುರೇಶ ಎಂಬಾತನಿಗೆ ಹೋಟೆಲ್ ಮಾಲೀಕರಿಂದ ಕೆಲಸದ ಸಂಬಳ ನೀಡದೆ ಅನ್ಯಾಯ ಮಾಡಿದ್ದಾರೆ ಎಂಬ ಸುದ್ದಿ ವೈರಲ್ ಆಗಿತ್ತು.
ಆ ಸುದ್ದಿಯ ಬೆನ್ನತ್ತಿದ ಹೋಟೆಲ್ ಕಾರ್ಮಿಕ ಸಂಘಟನೆ ನಾನಾ ರೀತಿಯ ಪ್ರಯತ್ನ ಪಟ್ಟರು ಸಂಬಳ ಕ್ಲಿಯರ್ ಆಗುವ ಪ್ರಮೇಯ ಕಾಣಲಿಲ್ಲ,
ಕೊನೆಯ ಪ್ರಯತ್ನವೆಂಬಂತೆ ದೂರುದಾರರ ಸುರೇಶನ ಮಡದಿಯ ಮುಖಾಂತರ ಇವತ್ತು ಬೈಂದೂರು ಆರಕ್ಷರ ಠಾಣೆಯಲ್ಲಿ ದೂರು ದಾಖಲಿಸಲಾಯಿತು,
ದೂರು ನೀಡಿದ ತಕ್ಷಣ ವಿಚಾರಣೆ ನಡೆಸಿದ ಬೈಂದೂರು ಠಾಣಾ ಪೊಲೀಸರು ಹೋಟೆಲ್ ಮಾಲೀಕರನ್ನು ಪೊಲೀಸ್ ಸ್ಟೇಷನ್ ಗೆ ಕರೆದು ವಿಚಾರಿಸಿದಾಗ, ಮಾಲಿಕ ನಾವು ಹೋಟೆಲ್ ಅನ್ನು ಲೀಸಿಗೆ ಕೊಟ್ಟಿದ್ದೇವೆ,ಸಂಬಳ ಬಾಕಿ ಇರುವ ವಿಷಯ ನನ್ನ ಗಮನಕ್ಕೆ ಬಾರದೆ ಇದ್ದುದರಿಂದ ಸಂಬಳ ಕ್ಲಿಯರ್ ಮಾಡ್ಲಿಕ್ಕೆ ಆಗಲಿಲ್ಲ ಎಂದು ವಿಷಾದ ವ್ಯಕ್ತಪಡಿಸಿದರು,
ಹೋಟೆಲ್ ಮಾಲೀಕ ಪೊಲೀಸರ ಸಮ್ಮುಖದಲ್ಲಿ ದೂರುದಾರರಿಗೆ ಬರಬೇಕಾಗಿದ್ದ 25,000 ರೂ. ನೀಡಿ ಪ್ರಕರಣ ಇತ್ಯರ್ಥ ಗೊಳಿಸಿದರು
ಈ ಸಂದರ್ಭದಲ್ಲಿ ಕರ್ನಾಟಕ ಹೋಟೆಲ್ ಕಾರ್ಮಿಕ ಸಂಘಟನೆಯ ಪ್ರತಿನಿಧಿಯಾಗಿ ಪುರುಷೋತ್ತಮ್ ಪೂಜಾರಿ ಉಡುಪಿ ಉಪಸ್ಥಿತರಿದ್ದರು.ಈ ಪ್ರಕರಣವನ್ನು ಸುಖಾಂತ್ಯ ಆಗುವುದರಲ್ಲಿ ಶ್ರಮಿಸಿದ ಪೊಲೀಸ್ ಅಧಿಕಾರಿಗಳಿಗೂ ಹಾಗೂ ಹೋಟೆಲ್ ಮಾಲೀಕರಿಗೂ ಹೋಟೆಲ್ ಕಾರ್ಮಿಕ ಸಂಘದ ಪರವಾಗಿ ಅಭಿನಂದನೆ ಹೇಳಿದರು
