ಉಡುಪಿ: ತೂಫಾನ್ ವಾಹನವೊಂದರಲ್ಲಿ ಪ್ರವಾಸಿಗರು ನೇತಾಡಿಕೊಂಡು ಪ್ರಯಾಣಿಸುತ್ತಿರುವ ಘಟನೆ ಕಾಪುವಿನ ಮುಳೂರು ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ನಡೆದಿದೆ.
ಚಾಲಕನು ತೂಫಾನ್ ವಾಹನದ ಒಳಗೆ ಭರ್ತಿ ಜನ ತುಂಬಿಸಿಕೊಂಡಿದ್ದು ಮಾತ್ರವಲ್ಲದೆ, ವಾಹನದ ಮೇಲೆ ಹಾಗೂ ಹಿಂಬದಿಯಲ್ಲಿಯೂ ಜನರನ್ನು ತುಂಬಿಸಿಕೊಂಡಿದ್ದಾನೆ. ಜೀವಕ್ಕೆ ಅಪಾಯ ತಂದಿರುವ ಪ್ರವಾಸಿಗರ ಪ್ರಯಾಣದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಪ್ರವಾಸಿಗರ ಬೇಜವಾಬ್ದಾರಿ ವರ್ತನೆಯ ವಿರುದ್ಧ ಪೊಲೀಸರು ಕ್ರಮಕೈಗೊಳ್ಳಬೇಕೆಂದು ಸಾರ್ವಜನಿಕರ ಒತ್ತಾಯಿಸಿದ್ದಾರೆ.
