NewsKarnataka
Friday, January 28 2022

ಚಿಕಮಗಳೂರು

ಶೀಘ್ರವೇ ಕೇರಳದಲ್ಲಿ ಸೆರೆಸಿಕ್ಕ ನಕ್ಸಲರ ವಿಚಾರಣೆ: ಚಿಕ್ಕಮಗಳೂರು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಅಕ್ಷಯ್

ಚಿಕ್ಕಮಗಳೂರು: ಕೇರಳ ಪೊಲೀಸರಿಗೆ ಸೆರೆ ಸಿಕ್ಕಿರುವ ನಕ್ಸಲ್ ಮುಖಂಡ ಶೃಂಗೇರಿ ತಾಲ್ಲೂಕು ಬುಕ್ಕಡಿ ಬೈಲಿನ ಬಿ.ಜಿ.ಕೃಷ್ಣಮೂರ್ತಿ ಮತ್ತು ಪಾರ್ವತಿ ಇಬ್ಬರನ್ನೂ ಸದ್ಯದಲ್ಲೇ ವಶಕ್ಕೆ ಪಡೆದು ವಿಚಾರಣೆ ನಡೆಸಲಾಗುವುದು ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಂ.ಎಚ್.ಅಕ್ಷಯ್ ತಿಳಿಸಿದರು.

ಸೋಮವಾರ ಸುದ್ದಿಗಾರರ ಜೊತೆ ಮಾತನಾಡಿದ ಅವರು, ಇಬ್ಬರೂ ನಕ್ಸಲರನ್ನು ಕೇರಳ ಪೊಲೀಸರು ಅಲ್ಲಿನ ವಯನಾಡು ಜಿಲ್ಲೆಯಲ್ಲಿ ಬಂಧಿಸಿರುವುದು ನಿಜ. ಈ ಬಗ್ಗೆ ನಮಗೂ ಮಾಹಿತಿ ಬಂದಿದೆ ಎಂದರು.

ಬಿ.ಜಿ.ಕೃಷ್ಣ ಮೂರ್ತಿ ವಿರುದ್ಧ ನಮ್ಮ ಜಿಲ್ಲೆಯಲ್ಲಿ ಸುಮಾರು ೩೦ ಪ್ರಕರಣಗಳು. ಹಾಗೂ ಸಾವಿತ್ರಿ ವಿರುದ್ಧ ಐದಾರು ಪ್ರಕರಣಗಳಿವೆ. ಇಲಾಖೆ ಹಿರಿಯ ಅಧಿಕಾರಿಗಳ ಜೊತೆ ಚರ್ಚಿಸಿ ಅವರ ಮಾರ್ಗದರ್ಶನ ಪಡೆದು ಕೇರಳ ರಾಜ್ಯದೊಂದಿಗೆ ನಾವು ಹೊಂದಾಣಿಕೆ ಮಾಡಿ ಅವರಿಬ್ಬರನ್ನೂ ವಶಕ್ಕೆ ಪಡೆಯುವ ಪ್ರಕ್ರಿಯೆ ಮುಂದುವರಿಸುತ್ತೇವೆ. ನಂತರ ನಮ್ಮ ಪ್ರಕರಣಗಳಿಗೆ ಸಂಬಂಧಿಸಿದಂತೆ ವಿಚಾರಣೆ ನಡೆಸಿ ತನಿಖೆ ಮುಂದುವರಿಸುತ್ತೇವೆ ಎಂದರು.

ನಕ್ಸಲರ ಶರಣಾಗತಿ ಸಂಬಂಧಿ ನಮ್ಮ ಬಳಿ ಯಾರೂ ಬಂದು ಮಾತನಾಡಿಲ್ಲ. ನಮ್ಮ ಜಿಲ್ಲೆಯ ಶ್ರೀಮತಿ, ಮುಂಡಗಾರು ಲತಾ, ಜ್ಯೋತಿ ಅಲಿಯಾಸ್ ವನಜಾಕ್ಷಿ, ವಿಕ್ರಂಗೌಡ ಸೇರಿ ಇನ್ನೂ ಸುಮಾರು ಜನರು ಬೇರೆ ರಾಜ್ಯಗಳ ನಕ್ಸಲ್ ಸಂಘಟನೆಯಲ್ಲಿ ಇನ್ನೂ ಸಕ್ರೀಯರಾಗಿದ್ದಾರೆ ಎಂದರು.

ಜಿಲ್ಲೆಯಲ್ಲಿ ಇತ್ತೀಚಿನ ದಿನಗಳಲ್ಲಿ ನಕ್ಸಲೀಯರ ಸಕ್ರೀಯ ಚಟುವಟಿಕೆಗಳು ಕಂಡುಬಂದಿಲ್ಲ. ಶಸ್ತ್ರಸಹಿತ ಚಟುವಟಿಕೆಗಳಾಗಲಿ, ಬ್ಯಾನರ್, ಪೋಸ್ಟರ್ ಹಾಕುವ ಮೂಲಕ ಹೋರಾಟ ನಡೆಸುವಂತಹ ಚಟುವಟಿಕೆಗಳು ಎಲ್ಲೂ ಕಂಡುಬಂದಿಲ್ಲ ಎಂದರು.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

44
News Kannada

The most exciting, trusted and preferred news websites of Karnataka and Kannadigas around the world.

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.