ಮೈಸೂರು: ಅಪ್ರಾಪ್ತ ಬಾಲಕಿಯನ್ನು ಮದುವೆಯಾಗುವುದಾಗಿ ನಂಬಿಸಿ ವಿವಾಹಿತ ಪುರುಷನೊಬ್ಬ ಅಕೆಯ ಮೇಲೆ ನಿರಂತರ ಅತ್ಯಾಚಾರವೆಸಗಿದ ಪರಿಣಾಮ ಬಾಲಕಿ ಗರ್ಭಿಣಿಯಾಗಿರುವ ಘಟನೆ ತಾಲ್ಲೂಕಿನ ಬೆನಕನಹಳ್ಳಿ ಗ್ರಾಮದಲ್ಲಿ ನಡೆದಿದೆ.
ಗ್ರಾಮದ ಪುಟ್ಟಸ್ವಾಮಿ ಎಂಬವರ ಮಗನಾದ ವಿರೂಪಾಕ್ಷ(೩೫) ಎಂಬಾತನೇ ಬಾಲಕಿ ಮೇಲೆ ನಿರಂತರ ಅತ್ಯಾಚಾರವೆಸಗಿದ ಕಾಮುಕನಾಗಿದ್ದಾನೆ. ಈತ ತನ್ನದೇ ಗ್ರಾಮದ ತನ್ನ ಮನೆಯ ಎದುರಿನ ೧೬ ವರ್ಷದ ಬಾಲಕಿಯೊರ್ವಳೊಂದಿಗೆ ಸಲುಗೆಯಿಂದ ಇದ್ದುಕೊಂಡು ಬಾಲಕಿ ಪೋಷಕರು ಮನೆಯಲ್ಲಿ ಇಲ್ಲದ ಸಂದರ್ಭ ಬಾಲಕಿಯನ್ನ ಮದುವೆಯಾಗುವುದಾಗಿ ಪುಸಲಾಯಿಸಿ ಆಕೆಯ ಜೊತೆ ಕಳೆದ ೧ ವರ್ಷದಿಂದ ದೈಹಿಕ ಸಂಪರ್ಕ ಬೆಳೆಸಿದ್ದು ಪರಿಣಾಮ ಬಾಲಕಿ ಗರ್ಬೀಣಿಯಾಗಿದ್ದಾಳೆ ಎನ್ನಲಾಗಿದೆ.
ಗರ್ಬಿಣಿಯಾದ ಬಾಲಕಿ ಅನಾರೋಗ್ಯಕ್ಕೆ ಒಳಗಾದ ಕಾರಣ ಅಕೆಯನ್ನು ಅಸ್ಪತ್ರೆಗೆ ಕರೆತಂದು ತಪಾಸಣೆ ಮಾಡಲಾಗಿ ಬಾಲಕಿ ಮೇಲೆ ಅತ್ಯಾಚಾರ ನಡೆದಿರುವುದು ಬೆಳಕಿಗೆ ಬಂದಿದೆ. ಈ ಕುರಿತು ಪೋಷಕರು ಬಾಲಕಿಯನ್ನ ವಿಚಾರಿಸಲಾಗಿ ಬಾಲಕಿ ವಿರೂಪಾಕ್ಷ ನನ್ನನ್ನು ಮದುವೆಯಾಗುವುದಾಗಿ ಪುಸಲಾಯಿಸಿ ನನ್ನೊಡನೆ ದೈಹಿಕ ಸಂಪರ್ಕ ನಡೆಸಿದ್ದನೆಂದು ತಿಳಿಸಿದ್ದಾಳೆ.
ಈ ಸಂಬಂಧ ಬಾಲಕಿಯ ತಂದೆ ಸುರೇಶ್ ತಿ.ನರಸೀಪುರ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ನಾಪತ್ತೆಯಾಗಿರುವ ವಿರೂಪಾಕ್ಷನ ಹುಡುಕಾಟ ನಡೆಸಿದ್ದಾರೆ. ವಿರೂಪಾಕ್ಷನಿಗೆ ಮದುವೆಯಾಗಿದ್ದು, ಪತ್ನಿ ಹಾಗೂ ೧ ವರ್ಷದ ಗಂಡು ಮಗು ಕೂಡ ಇದೆ.