ಮೈಸೂರು: ಅರಣ್ಯ ಇಲಾಖೆಯ ಅನುಮತಿ ಪಡೆಯದೆ ಅಭಿವೃದ್ದಿ ಕೆಲಸದ ನೆಪದಲ್ಲಿ ರಸ್ತೆ ಬದಿಯ ಮರ ಕಡಿಯುತ್ತಿದ್ದ ಗುತ್ತಿಗೆದಾರನ ವಿರುದ್ದ ಸ್ಥಳೀಯರು ಪ್ರತಿಭಟನೆ ನಡೆಸಿ ಮರವನ್ನು ರಕ್ಷಿಸಿದ ಘಟನೆ ನಗರದ ಟೆರಿಷಿಯನ್ ಕಾಲೇಜು ಬಳಿ ನಡೆದಿದೆ.
ನಗರದ ಬನ್ನೂರ್ ರಸ್ತೆಯಲ್ಲಿರುವ ಟೆರಿಷಿಯನ್ ಕಾಲೇಜು ಬಳಿ ರಾಜಕಾಲುವೆ ನಿರ್ಮಾಣಕ್ಕಾಗಿ ಟೆಂಡರ್ ಪಡೆದ ಗುತ್ತಿಗೆದಾರ ಅರಣ್ಯ ಇಲಾಖೆಯ ಅನುಮತಿ ಪಡೆಯದೆ ಅನಾವ್ಯಶಕವಾಗಿ ಜೆಸಿಬಿ ಯಲ್ಲಿ ದೊಡ್ಡ ಮರವನ್ನು ಕೆಡುವುತ್ತಿದ್ದನ್ನು ಕಂಡ ಸ್ಥಳೀಯ ನಾಗರಿಕರು ತಕ್ಷಣ ಗುತ್ತಿಗೆದಾರರನ್ನು ಪ್ರಶ್ನಿಸಿದಾಗ ಅವರು ಸರಿಯಾಗಿ ಉತ್ತರ ನೀಡದೆ ಸ್ಥಳದಲ್ಲೇ ಜೆಸಿಬಿ ಬಿಟ್ಟು ಓಡಿ ಹೋಗಿದ್ದು ಈ ಸಂಬಂಧ ಸ್ಥಳೀಯರು ಅರಣ್ಯ ಇಲಾಖೆಗೆ ಈ ಬಗ್ಗೆ ಸುದ್ದಿ ತಿಳಿಸಿದರೂ ಮೂರ್ನಾಕು ಗಂಟೆಯಾದರೂ ಸ್ಥಳಕ್ಕೆ ಆಗಮಿಸದ ಅರಣ್ಯ ಅಧಿಕಾರಿಗಳ ಕ್ರಮವನ್ನು ಖಂಡಿಸಿ ದೀಡಿರ್ ಪ್ರತಿಭಟನೆ ನಡೆಸಿದರು.
ಈ ಬಗ್ಗೆ ಮಾತನಾಡಿದ ಪ್ರತಿಭಟನಕಾರ ರಾಜ ಕಾಲುವೆ ನಿರ್ಮಾಣಕ್ಕೆ ಈ ಮರ ಕಡಿಯುವ ಅವ್ಯಶಕತೆ ಇಲ್ಲ ಏಕೆಂದರೆ ಇದು ರಾಜ ಕಾಲವೆಯಿಂದ ದೂರ ಇದೆ. ಆದರೂ ಗುತ್ತಿಗೆದಾರ ಮರವನ್ನು ಕಡಿಯುತ್ತಿರುವುದರಿಂದ ಪ್ರತಿಭಟನೆ ನಡೆಸಿದ್ದು ಮರ ಕಡಿಯದಂತೆ ತಡೆದಿದ್ದೇವೆ. ಇದೇ ರೀತಿ ಕಳೆದ ವಾರದಿಂದಲೂ ಹತ್ತಕ್ಕೂ ಹೆಚ್ಚು ಮರಗಳನ್ನು ಅನುಮತಿ ಪಡೆಯದೆ ಕಡಿದಿದ್ದು ಈ ಬಗ್ಗೆ ತಕ್ಷಣ ಕ್ರಮಕೈಗೊಳ್ಳಬೇಕೆಂದು ಆಗ್ರಾಹಿಸಿದರು.
