News Kannada
Monday, January 30 2023

ಮೈಸೂರು

ದಲ್ಲಾಳಿ ಮುಕ್ತ ಮೂಡ ಸರ್ಕಾರದ ಗುರಿ ; ಸಚಿವ ಸೋಮಶೇಖರ್‌

Photo Credit :

ದಲ್ಲಾಳಿ ಮುಕ್ತ ಮೂಡ ಸರ್ಕಾರದ ಗುರಿ ; ಸಚಿವ ಸೋಮಶೇಖರ್‌

ಮೈಸೂರು: ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರವನ್ನು (ಮುಡಾ) `ದಲ್ಲಾಳಿ ಮುಕ್ತ ಮುಡಾ’ ಮಾಡುವುದು ಸರ್ಕಾರದ ಗುರಿ ಆಗಿದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಎಸ್.ಟಿ.ಸೋಮಶೇಖರ್ ಹೇಳಿದರು.

ಇಂದು ಪ್ರಾಧಿಕಾರದ ಆವರಣದಲ್ಲಿ ಏಕಗವಾಕ್ಷಿ ವ್ಯವಸ್ಥೆ ಮುಖಾಂತರ `ನಿಮ್ಮ ಮನೆ ನಿಮ್ಮ ನಕ್ಷೆಗೆ ಲೈಸೆನ್ಸ್’ ನೀಡುವ ಯೋಜನೆಗೆ ಚಾಲನೆ ನೀಡಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮುಡಾದಲ್ಲಿ ಟಾಸ್ಕ್ ಫೋರ್ಸ್ ಇಲ್ಲ. ಈ ಬಗ್ಗೆ ನಗರಾಭಿವೃದ್ಧಿ ಸಚಿವರ ಗಮನಕ್ಕೆ ಟಾಸ್ಕ್ ಫೋರ್ಸ್ ಮಾಡಿಸಿ ದಲ್ಲಾಳಿ ಮುಕ್ತ ಮುಡಾ ಮಾಡಬೇಕೆಂಬ ಚಿಂತನೆ ಇದ್ದು, ಮುಂದಿನ ದಿನಗಳಲ್ಲಿ ಆ ಕೆಲಸವಾಗಲಿದೆ ಎಂದರು.

 

ಮಧ್ಯವರ್ತಿಗಳ ಹಾವಳಿ ಇಲ್ಲದೆಯೇ ನಿಮ್ಮ ಮನೆಗೆ ಲೈಸನ್ಸ್ ನೀಡಲು ಈ ಯೋಜನೆಗೆ ಚಾಲನೆ ನೀಡಲಾಗಿದೆ. ಅರ್ಜಿ ಸಲ್ಲಿಸಿದ ದಿನದಂದೇ ಮನೆ ನಿರ್ಮಾಣದ ಪ್ರಾರಂಭಿಕ ಲೈಸನ್ಸ್ ನೀಡಲಾಗುವುದು. ಆ ಮೂಲಕ `ದಲ್ಲಾಳಿ ಮುಕ್ತ ಮುಡಾ’ ಮಾಡಲು ಶ್ರಮಿಸಲಾಗುತ್ತಿದೆ. ಸಾರ್ವಜನಿಕರು ಸಹ ದಲ್ಲಾಳಿ ಮುಖಾಂತರ ಹೋಗುವುದನ್ನು ಬಿಟ್ಟು ಸಹಾಯಕ ನಿರ್ದೇಶಕರ ಮೂಲಕ ಕೆಲಸ ಮಾಡಿಸಿಕೊಂಡು ದಲ್ಲಾಳಿ ಮುಕ್ತ ಮಾಡುವಲ್ಲಿ ಸಹಕರಿಸಬೇಕೆಂದು ಹೇಳಿದರು.

ಮುಡಾದಿಂದ ನಿವೇಶನದಾರಿಗೆ ಅನುಕೂಲ ಕಲ್ಪಿಸುವ ವಿನೂತನ ಕಾರ್ಯಕ್ರಮ ಇದ್ದಾಗಿದ್ದು, ಈ ಮೊದಲು ಅರ್ಜಿ ಸಲ್ಲಿಸಿ ಸುಮಾರು 1 ರಿಂದ 2 ತಿಂಗಳು ಮನೆ ಕಟ್ಟಡ ಲೈಸನ್ಸ್ ಗಾಗಿ ಅಲೆದಾಡಬೇಕಿತ್ತು. ಇದೀಗ ಅರ್ಜಿ ಸಲ್ಲಿಸಿದ ದಿನದಂದೇ ಲೈಸೆನ್ಸ್ ಸಿಗಲಿದೆ. ಮಧ್ಯವರ್ತಿಗಳ ಹಾವಳಿ ತಪ್ಪಿಸುವ ಉದ್ದೇಶದಿಂದಲೇ ಸಹಾಯಕ ನಿರ್ದೇಶಕರು, ಟೌನ್‌ ಪ್ಲಾನಿಂಗ್ ಅವರನ್ನು ನೇಮಿಸಿದ್ದಾರೆ. ಅವರನ್ನು ನೇರವಾಗಿ ಭೇಟಿಯಾದರೆ ಅವರು ಪರಿಶೀಲನೆ ಮಾಡುತ್ತಾರೆ. ನಂತರ ಶುಲ್ಕ ಕಟ್ಟಿದರೆ ತಕ್ಷಣ ಲೈಸನ್ಸ್ ಕೊಡುತ್ತಾರೆ. ಎಂದರು.

ಅಧಿಕಾರಿಗಳೇ ದಲ್ಲಾಳಿ ಮುಖಾಂತರ ಬನ್ನಿ ಎಂದು ಹೇಳುತ್ತಾರೆ ಎಂಬ ಆರೋಪಕ್ಕೆ ಪ್ರತಿಕ್ರಿಯಿಸಿದ ಅವರು, ಆ ರೀತಿಯ ದೂರು ಬಂದರೆ ಅಂತಹ ಅಧಿಕಾರಿಯನ್ನು ಕೂಡಲೇ ಎತ್ತಂಗಡಿ ಮಾಡಿ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು. ಅಧಿಕಾರಿಗಳ ಈ ರೀತಿಯ ನಡೆಯನ್ನು ಸರ್ಕಾರ ಸಹಿಸುವುದಿಲ್ಲ ಎಂದರು.

See also  ವಂಶಪಾರಂಪರ್ಯ ಆಡಳಿತಕ್ಕೆ ಬಿಜೆಪಿ ಮಣೆ ಹಾಕಲ್ಲ: ಎಚ್.ರಾಜೀವ್
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

145
Editor's Pick

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು