ಮೈಸೂರು: ಮೊಬೈಲ್ ಸುಲಿಗೆ ಮತ್ತು ಬೈಕ್ ಕಳ್ಳತನ ಪ್ರಕರಣವನ್ನು ಭೇದಿಸಿರುವ ಪೊಲೀಸರು ಓರ್ವ ಕಳ್ಳನನ್ನು ಬಂಧಿಸಿ ಆತನಿಂದ 70 ಸಾವಿರ ರೂ.ಬೆಲೆಬಾಳುವ 4 ಮೊಬೈಲ್ ಫೋನ್ ಮತ್ತು 60ಸಾವಿರ ರೂ.ಬೆಲೆಬಾಳು ಎರಡು ಬೈಕ್ ಗಳನ್ನು ವಶಕ್ಕೆ ಪಡೆದಿದ್ದಾರೆ.
ಲೀಲಾ ಎಂಬವರು ಕಳೆದ ಡಿ.31ರಂದು ಬೆಳಿಗ್ಗೆ 7.15ಕ್ಕೆ ಹಣ ಡ್ರಾ ಮಾಡಲು ರಮಾವಿಲಾಸ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಕೈನಲ್ಲಿದ್ದ ಮೊಬೈಲ್ ನ್ನು ಹಿಂಬದಿಯಿಂದ ಬಳಿ ಬಣ್ಣದ ಹೋಂಡಾ ಆ್ಯಕ್ಟೀವಾ ಸ್ಕೂಟರ್ ನಲ್ಲಿ ಬಂದ 20ರಿಂದ 25ರವಯಸ್ಸಿನ ಹುಡುಗ ಮೊಬೈಲ್ ಕಿತ್ತುಕೊಂಡು ಪರಾರಿಯಾಗಿದ್ದನೆಂದು ದೂರು ನೀಡಿದ್ದರು.
ಬಲೆ ಬೀಸಿದ ಪೊಲೀಸರಿಗೆ ಜ.3ರಂದು ರಾತ್ರಿ ಮೈಸೂರಿನ ಗೌಸಿಯಾನಗರದ ಉಸ್ಮಾನಿಯಾ ಬ್ಲಾಕ್ ಮಸೀದಿ ಬಳಿ ಸೈಯದ್ ವಾಸೀಂ@ವಾಸೀಂ ಪಾಷ ಬಿನ್ ಸೈಯದ್ ಆರೀಫ್(23) ಎಂಬಾತ ಕೃತ್ಯಕ್ಕೆ ಬಳಸಿದ್ದ ಬಿಳಿ ಬಣ್ಣದ ಹೋಂಡಾ ಆ್ಯಕ್ಟೀವಾ ಸ್ಕೂಟರ್ ಪತ್ತೆಯಾಗಿತ್ತು. ಅರೋಪಿಯು ರಾತ್ರಿ ಮತ್ತು ಬೆಳಗಿನ ವೇಳೆ ಮೊಬೈಲ್ನಲ್ಲಿ ಒಂಟಿಯಾಗಿ ಮಾತನಾಡಿಕೊಂಡು ಹೋಗುವ ಸಾರ್ವಜನಕರ ಮೊಬೈಲ್ ಕಿತ್ತುಕೊಂಡು ಹೋಗುವುದರ ಕುರಿತು ಬಾಯ್ಬಿಟ್ಟಿದ್ದ. ಪಾರ್ಕಿಂಗ್ ನಲ್ಲಿ ನಿಲ್ಲಿಸಿದ್ದ ಬೈಕ್ ಕಳುವು ಮಾಡಿರುವುದಾಗಿ ತಿಳಿಸಿದ್ದು ಈತನಿಂದ ವಿವಿಧ ಕಂಪನಿಗೆ ಸೇರಿದ 70ಸಾವಿರ ರೂ.ಮೌಲ್ಯದ ಒಟ್ಟು ನಾಲ್ಕು ಮೊಬೈಲ್ ಮತ್ತು ಕಳ್ಳತನ ಮಾಡಿದ್ದ 60,000ಮೌಲ್ಯದ 2 ದ್ವಿಚಕ್ರವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ.
ದೇವರಾಜ ಪೊಲೀಸ್ ಠಾಣಾ ವ್ಯಾಪ್ತಿಯ ಎರಡು ದ್ವಿಚಕ್ರವಾಹನ ಕಳುವು ಪ್ರಕರಣ ಮತ್ತು ಒಂದು ಮೊಬೈಲ್ ಸುಲಿಗೆ ಪ್ರಕರಣ ಪತ್ತೆಯಾಗಿದೆ.
