News Kannada
Monday, January 30 2023

ಹಾಸನ

ಹಾಸನ: ಐದಳ್ಳ ಕಾವಲು ಗ್ರಾಮ ಭೂಸ್ವಾಧೀನ ಪ್ರಕ್ರಿಯೆ ಕುರಿತು ಸಭೆ

Hassan: Meeting on land acquisition process for Aidalla Kavalu village
Photo Credit : News Kannada

ಹಾಸನ: ಎತ್ತಿನಹೊಳೆ ಯೋಜನೆಗೆ ಬೇಲೂರು ತಾಲ್ಲೂಕಿನ ಐದಳ್ಳ ಕಾವಲು ಗ್ರಾಮದಲ್ಲಿ ಭೂಸ್ವಾಧೀನ ಪ್ರಕ್ರಿಯೆಗೆ ಸಂಬಂಧಿಸಿ ದಂತೆ ಜಿಲ್ಲಾಧಿಕಾರಿ ಎಂ. ಎಸ್. ಅರ್ಚನಾ ಅವರ ಅಧ್ಯಕ್ಷತೆಯಲ್ಲಿ ಸಭೆ ನಡೆಸಲಾಯಿತು.

ಎತ್ತಿನಹೊಳೆ ಯೋಜನೆಯ ಮುಖ್ಯ ಇಂಜಿನಿಯರ್ ಮಾಧವ್, ಅಧೀಕ್ಷಿಕ ಇಂಜಿನಿಯರ್ ಅನಂದ್, ಉಪ ಅರಣ್ಯ ಸಂರಕ್ಷಣಾಧಿಕಾರಿ ಬಸವರಾಜ್, ವಿಶೇಷ ಭೂಸ್ವಾಧೀನ ಅಧಿಕಾರಿ ಮಾರುತಿ ಮತ್ತಿತರರು ಈ ಸಭೆಯಲ್ಲಿ ಪಾಲ್ಗೊಂಡಿದ್ದರು.

ಐದಳ್ಳ ಕಾವಲು ಗ್ರಾಮದಲ್ಲಿ ಎತ್ತಿನಹೊಳೆ ಯೋಜನೆ ಹಾದು ಹೋಗುವ ಜಾಗವು ಜನವಸತಿ ಪ್ರದೇಶವಾಗಿದ್ದು ಭೂಮಿ ಮಂಜು ರಾತಿಯಾಗಿ ಕೃಷಿ ಚಟುವಟಿಕೆಗಳು ನಡೆಸುತ್ತಿರುವುದರಿಂದ ಹಾಗೂ ಸರ್ಕಾರಿ ಅಧಿಸೂಚನೆಯಂತೆ ಇದೇ ಜಮೀನು ತನ್ನ ವ್ಯಾಪ್ತಿಗೆ ಸೇರಬೇಕೆಂದು ಅರಣ್ಯ ಇಲಾಖೆಯೂ ಸಹ ಪ್ರತಿವಾದಿಸುತ್ತಿರುವುದರಿಂದ ಕಾಮಗಾರಿ ಮುಂದುವರೆಸುವ ಕುರಿತು ಹಾಗೂ ಪರಿಹಾರ ವಿತರಣೆ ಬಗ್ಗೆ ಸರ್ಕಾರಿ ಹಂತದಲ್ಲಿ ನಿರ್ಧಾರ ಕೈಗೊಳ್ಳುವ ಬಗ್ಗೆ ಸೂಕ್ತ ಪ್ರಸ್ತಾವನೆ ನಿಗಧಿಪಡಿಸಿ ಸಲ್ಲಿಸುವಂತೆ ಜಿಲ್ಲಾಧಿಕಾರಿ ಅರ್ಚನಾ ಅವರು ಸೂಚಿಸಿದರು.

ಐದಳ್ಳ ಕಾವಲು ಗ್ರಾಮದ ಭೂಸ್ವಾಧೀನಕ್ಕೆ ಒಳಪಡುವ ಅಂಕಿ ಅಂಶ:- ಭೂಸ್ವಾಧೀನವಾಗುವ ಒಟ್ಟು ವಿಸ್ತೀರ್ಣ ೧೨೭ ಎ-೩೪ ಗು, ಭೂಸ್ವಾಧಿನವಾಗುವ ಒಟ್ಟು ರೈತರು ೬೯ ಜನ , ಆರ್.ಟಿ.ಸಿ ಪ್ರಕಾರ ಹಿಡುವಳಿ ವಿಸ್ತೀರ್ಣ ೧೧೭ ಎ-೩೨ ಗು, ಆರ್.ಟಿ.ಸಿ ಪ್ರಕಾರ ಸರ್ಕಾರಿ ವಿಸ್ತೀರ್ಣ ೧೦ ಎ-೦೨ ಗುಂಟೆ. ಐದಳ್ಳ ಕಾವಲು ಗ್ರಾಮದಲ್ಲಿರುವಂತ ಒಟ್ಟು ವಿಸ್ತೀರ್ಣ ೩೬೧೮.೩೭ ಎಕರೆ, ಅರಣ್ಯ ಭೂಮಿ ೨೨೫೦ ಎಕರೆ, ಸರ್ಕಾರಿ ಭೂಮಿ ೧೧೯೪.೧೨ ಎಕರೆ ಸ್ವಾಧೀನದಾರರ ಭೂಮಿ ೧೭೪.೨೫ ಎಕರೆಗಳಾಗಿವೆ. ಎತ್ತಿನಹೊಳೆ ಯೋಜನೆ ಕಾಮಗಾರಿ ಪ್ರಗತಿಗೆ ಐದಳ್ಳ ಕಾವಲು ಗ್ರಾಮದ ವ್ಯಾಪ್ತಿಯ ಕಾಮಗಾರಿ ಪೂರ್ಣಗೊಳ್ಳುವುದು ಮುಖ್ಯವಾಗಿದ್ದು, ಜಮೀನಿನ ಮಾಲಿಕತ್ವದ ಬಗ್ಗೆ ಇರುವ ಗೊಂದಲ ಶೀಘ್ರ ಇತ್ಯಾರ್ಥ ಪಡಿಸಿಕೊಡುವಂತೆ ಎತ್ತಿನಹೊಳೆ ಯೋಜನೆಯ ಮುಖ್ಯ ಇಂಜಿನಿಯರ್ ಸಭೆಯಲ್ಲಿ ಮನವಿ ಮಾಡಿದರು.

ಸರ್ಕಾರದ ಹಂತದಲ್ಲಿ ಉನ್ನತ ಮಟ್ಟದ ಸಭೆಯಲ್ಲಿ ತಿರ್ಮಾನ ಅಗತ್ಯವಿರುವುದರಿಂದ ಶೀಘ್ರದಲ್ಲಿ ಪ್ರಸ್ತಾವನೆ ಸಲ್ಲಿಸುವಂತೆ ಜಿಲ್ಲಾಧಿಕಾರಿ ಎತ್ತಿನಹೊಳೆ ಯೋಜನೆ ಭೂಸ್ವಾಧೀನಾಧಿಕಾರಿ ಹಾಗೂ ಇಂಜಿನಿಯರ್‌ಗಳಿಗೆ ನಿರ್ದೇಶನ ನೀಡಿದರು.

See also  ನವದೆಹಲಿ: ಗಾಲ್ವಾನ್ ಬಿಕ್ಕಟ್ಟಿನ ಸಮಯದಲ್ಲಿ ಚೀನಾಕ್ಕೆ ಭಾರತದ ಪ್ರತಿಕ್ರಿಯೆ ಬಲವಾಗಿತ್ತು- ಜೈಶಂಕರ್
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

44
News Kannada

The most exciting, trusted and preferred news websites of Karnataka and Kannadigas around the world.

Read More Articles
Editor's Pick

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು