ಮೈಸೂರು: ಸರ್ಕಾರದಿಂದ ಕೋವಿಡ್‌ ಲಸಿಕೆಯನ್ನು ಉಚಿತವಾಗಿ ನೀಡುತ್ತಿದ್ದರೂ, ಲಸಿಕೆ ಹಾಕಿಸಿಕೊಳ್ಳದ ಚಾಮುಂಡೇಶ್ವರಿ ವಿದ್ಯುತ್‌ ಸರಬರಾಜು ನಿಗಮ ನಿಯಮಿತದ ಅಧಿಕಾರಿ/ನೌಕರರು ಹಾಗೂ ಹೊರಗುತ್ತಿಗೆ ಸಿಬ್ಬಂದಿ ವೇತನವನ್ನು ತಡೆಹಿಡಿಯಲಾಗುವುದು ಎಂದು ನಿಗಮ ಎಚ್ಚರಿಸಿದೆ.
ಮೈಸೂರು ವೃತ್ತ ವ್ಯಾಪ್ತಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ 400ಕ್ಕೂ ಹೆಚ್ಚು ಅಧಿಕಾರಿ/ನೌಕರರು ಹಾಗೂ ಹೊರಗುತ್ತಿಗೆ ಸಿಬ್ಬಂದಿ ಕೋವಿಡ್‌ ಲಸಿಕೆಯನ್ನು ಪಡೆಯದಿರುವ ಬಗ್ಗೆ ಮಾಹಿತಿ ಇದೆ. ಕೋವಿಡ್‌ ದೃಢಪಟ್ಟವರು ಹಾಗೂ ಸೋಂಕಿನಿಂದ ಚೇತರಿಸಿರಿಕೊಳ್ಳುತ್ತಿರುವವರನ್ನು ಹೊರತುಪಡಿಸಿ, ಈವರೆಗೆ ಲಸಿಕೆ ಪಡೆಯದವರು ಮೊದಲ ಡೋಸ್‌ ಪಡೆದು ನಂತರ ಕರ್ತವ್ಯಕ್ಕೆ ಹಾಜರಾಗುವಂತೆ ಸೂಚಿಸಿದೆ. ಇಲ್ಲದಿದ್ದರೆ ನಿಗಮ ಕಚೇರಿಯ ಮೌಖಿಕ ಸೂಚನೆಯಂತೆ ಸಿಬ್ಬಂದಿ ವೇತನವನ್ನು ತಡೆಹಿಡಿಯುವ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದೆ.
