ಮೈಸೂರು: ಮೈಸೂರಿನಲ್ಲಿ ಡಿಜಿಟಲ್ ಯೋಗ ಕೇಂದ್ರವನ್ನು ಉದ್ಘಾಟಿಸಿದ ಪ್ರಧಾನಿ ನರೇಂದ್ರ ಮೋದಿ, ವಸ್ತುಪ್ರದರ್ಶನ ಸಂಗ್ರಹಾಲಯದಲ್ಲಿ ನಿರ್ಮಿಸಲಾಗಿರುವ ಡಿಜಿಟಲ್ ಯೋಗ ಕೇಂದ್ರವನ್ನು ವೀಕ್ಷಿಸಿ, ಅತ್ಯದ್ಭುತವಾಗಿದೆ ಎಂದು ಬಣ್ಣಿಸಿದರು. ರಾಜ್ಯಪಾಲ ಥಾವರ್ಚಂದ್ ಗೆಲ್ಹೋಟ್, ಸಿಎಂ ಬಸವರಾಜ ಬೊಮ್ಮಾಯಿ ಉಪಸ್ಥಿತರಿದ್ದರು.
ಅರಮನೆಗೆ ತೆರಳಿರುವ ಪ್ರಧಾನಿ ಮೋದಿ ಅವರು ಮೈಸೂರು ರಾಜವಂಶಸ್ಥರ ಜತೆ ಮಾತುಕತೆ ನಡೆಸುವ ಜತೆಗೆ, ಅವರ ನಿವಾಸದಲ್ಲಿಯೇ ಉಪಹಾರ ಸೇವಿಸಲಿದ್ದಾರೆ. ಪ್ರಧಾನಮಂತ್ರಿ ಜತೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕೇಂದ್ರ ಆಯುಷ್ ಸಚಿವರು ಭಾಗವಹಿಸಲಿದ್ದಾರೆ. ಬೆ.9.30ರ ನಂತರ ಮೈಸೂರು ವಿಮಾನ ನಿಲ್ದಾಣದಿಂದ ಕೇರಳಕ್ಕೆ ಪ್ರಯಾಣ ಮಾಡಲಿದ್ದಾರೆ.
ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಪ್ರಯುಕ್ತ ಮಾನವೀಯತೆಗಾಗಿ ಯೋಗ, ಜೀವನ ಶೈಲಿ, ಆರೋಗ್ಯಯುತ ಬದುಕು, ವಿಶ್ರಾಂತಿ, ವ್ಯಾಯಾಮ ಹೀಗೆ ಹಲವು ಮಾಹಿತಿ, ಹಾಗೆಯೇ ಮಹಾವೀರ, ಗೌತಮ ಬುದ್ಧ, ಆದಿ ಶಂಕರಾಚಾರ್ಯ, ಮಹರ್ಷಿ ಪತಂಜಲಿ ಇತರರ ಕೊಡುಗೆ ಹೀಗೆ ಆಯುಷ್ ಯೋಗಕ್ಕೆ ಸಂಬಂಧಿಸಿದಂತೆ ಡಿಜಿಟಲ್ ಮಳಿಗೆಗಳು ಗಮನ ಸೆಳೆಯುತ್ತಿವೆ.
