ನವದೆಹಲಿ : ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ಅವರ ಪೋಟೋಗಳನ್ನ ಗೋವಾದಲ್ಲಿ ‘ಬಿಗ್ ಡ್ಯಾಡಿ’ ಎಂಬ ಕ್ಯಾಸಿನೊ ಪ್ರಚಾರ ಮಾಡಲು ಬಳಸಲಾಗಿತ್ತು. ಈ ದುರುಪಯೋಗಕ್ಕಾಗಿ ಕಾನೂನು ಕ್ರಮ ತೆಗೆದುಕೊಳ್ಳುವುದಾಗಿಯೂ ಸಚಿನ್ ಖಚಿತಪಡಿಸಿದ್ದರು.
ಇನ್ನು ‘ಸಾಮಾಜಿಕ ಮಾಧ್ಯಮದಲ್ಲಿ ದಾರಿ ತಪ್ಪಿಸುವ ಚಿತ್ರಗಳ ಬಗ್ಗೆ ಪ್ರತಿಯೊಬ್ಬರೂ ಜಾಗರೂಕರಾಗಿರಬೇಕು ಎಂದು ವಿನಂತಿಸುವುದು. ನನ್ನ ಕಾನೂನು ತಂಡವು ಅಗತ್ಯ ಕ್ರಮ ತೆಗೆದುಕೊಳ್ಳುತ್ತಿರುವಾಗ, ಈ ಮಾಹಿತಿಯನ್ನ ಎಲ್ಲರೊಂದಿಗೂ ಹಂಚಿಕೊಳ್ಳುವುದು ನನಗೆ ಮುಖ್ಯ ಎಂದು ನಾನು ಭಾವಿಸಿದೆ. ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಅನೇಕ ಜಾಹೀರಾತುಗಳನ್ನ ತೋರಿಸಲಾಗುತ್ತಿದೆ, ಮಾರ್ಫ್ ಮಾಡಿದ ಫೋಟೋದೊಂದಿಗೆ ನಾನು ಕ್ಯಾಸಿನೊವನ್ನ ಅನುಮೋದಿಸುತ್ತಿದ್ದೇನೆ ಎನ್ನಲಾಗ್ತರುವುದು ನನ್ನ ಗಮನಕ್ಕೆ ಬಂದಿದೆ’ ಎಂದಿದ್ದಾರೆ.
ಸಧ್ಯ ಈ ಕುರಿತು ನೋವು ವ್ಯಕ್ತ ಪಡಿಸಿದ ಕ್ರಿಕೆಟ್ ದೇವರು, ‘ನಾನು ಜೂಜಾಟ, ತಂಬಾಕು ಅಥವಾ ಮದ್ಯವನ್ನು ಎಂದಿಗೂ ಅನುಮೋದಿಸಿಲ್ಲ – ನೇರವಾಗಿ ಅಥವಾ ಪರೋಕ್ಷವಾಗಿ ಮತ್ತು ವೈಯಕ್ತಿಕವಾಗಿ. ಆದ್ರೆ, ಜನರನ್ನ ದಾರಿ ತಪ್ಪಿಸಲು ನನ್ನ ಚಿತ್ರಗಳನ್ನ ಬಳಸಲಾಗುತ್ತಿರುವುದನ್ನ ನೋಡಿ ನೋವಾಗುತ್ತದೆ’ ಎಂದು ಟ್ವೀಟ್ ಮಾಡಿದ್ದಾರೆ.
ಹೌದು, ಸಾಮಾಜಿಕ ಮಾಧ್ಯಮದಲ್ಲಿ ತೆಂಡೂಲ್ಕರ್ ತಮ್ಮ ಅಭಿಮಾನಿಗಳಿಗಾಗಿ ಸಂದೇಶವನ್ನ ಪೋಸ್ಟ್ ಮಾಡಿದ್ದು, ಜೂಜಾಟ, ತಂಬಾಕು ಅಥವಾ ಆಲ್ಕೋಹಾಲ್ʼನೊಂದಿಗೆ ಯಾವುದೇ ರೀತಿಯ ಸಂಬಂಧವಿಲ್ಲ ಎಂದು ಖಚಿತಪಡಿಸಿದ್ದಾರೆ. ಜನರನ್ನ ದಾರಿ ತಪ್ಪಿಸಲು ತನ್ನ ಚಿತ್ರಗಳನ್ನ ತಪ್ಪು ರೀತಿಯಲ್ಲಿ ಬಳಸುತ್ತಿರುವುದು ನನಗೆ ನೋವನ್ನುಂಟು ಮಾಡ್ತಿದೆ ಎಂದು ಬಹಿರಂಗ ಪಡಿಸಿದರು.
