ಹೊಸದಿಲ್ಲಿ: ಮೇಘಾಲಯದ ಮಾಜಿ ಸಿಎಂ, ಲೋಕಸಭೆ ಮಾಜಿ ಸ್ಪೀಕರ್‌ ಪಿ.ಎ ಸಂಗ್ಮಾ ಇಂದು ದೆಹಲಿಯ ನಿವಾಸದಲ್ಲಿ ಹೃದಯಾಘಾತದಿಂದ ನಿಧನ ಹೊಂದಿದ್ದಾರೆ.
ತೀವ್ರ ಹೃದಯಾಘಾತದಿಂದ ಬಳುಲುತ್ತಿದ್ದ ಅವರು ಇಂದು ಕೊನೆಯುಸಿರೆಳೆದಿದ್ದಾರೆ. ಸಂಗ್ಮಾ ನಿಧನ ಹಿನ್ನಲೆಯಲ್ಲಿ ಲೋಕಸಭಾ ಕಲಾಪ ಮಂಗಳವಾರಕ್ಕೆ ಮುಂದೂಡಿಕೆಯಾಗಿದೆ. ಕಲಾಪ ಆರಂಭವಾಗುತ್ತಿದ್ದಂತೆ ಸದನ ಸದಸ್ಯರು ಸಂಗ್ಮಾ ಅವರ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ.
2013 ರಲ್ಲಿ ಎನ್‌ಸಿಪಿಯಿಂದ ಹೊರಬಂದ ಸಂಗ್ಮಾ ಅವರು ನ್ಯಾಷನಲ್‌ ಪೀಪಲ್ಸ್‌ ಪಾರ್ಟಿ ಎಂಬ ಹೊಸ ಪಕ್ಷ ಕಟ್ಟಿದ್ದರಲ್ಲದೆ ಮೇಘಾಲಯದ ವೆಸ್ಟ್‌ ಗಾರೋ ಹಿಲ್ಸ್‌ ಕ್ಷೇತ್ರದಿಂದ ಸಂಸದರಾಗಿ 16 ನೇ ಲೋಕಸಭೆಗೆ ಆಯ್ಕೆಯಾಗಿದ್ದರು. 2012 ರಲ್ಲಿ ಪ್ರಣವ್‌ ಮುಖರ್ಜಿ ಅವರ ವಿರುದ್ದ ರಾಷ್ಟ್ರಪತಿ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲದೊಂದಿಗೆ ಸ್ಪರ್ಧಿಸಿ ಸೋಲನ್ನಪ್ಪಿದ್ದರು.
