ಹೊಸದಿಲ್ಲಿ: ಹೊಸ ವರ್ಷದ ಪ್ರಯುಕ್ತ ‘ಮೇರಾ ದೇಶ್ ಬದಲ್ ರಹಾ ಹೈ, ಆಗೇ ಬಡ್ ರಹಾ ಹೈ’ ಎಂಬ ಘೋಷವಾಕ್ಯವನ್ನಿಟ್ಟುಕೊಂಡು ಕೇಂದ್ರ ಸರ್ಕಾರ ಹೊಸ ಕ್ಯಾಲೆಂಡರ್ ಅನ್ನು ಬಿಡುಗಡೆ ಮಾಡಿದೆ.
ಈ ಕ್ಯಾಲೆಂಡರ್ ನ ವಿಶೇಷತೆಯೆಂದರೆ ಪ್ರಧಾನಿ ನರೇಂದ್ರ ಮೋದಿಯವರ ಚಿತ್ರ ಕ್ಯಾಲೆಂಡರ್ ನ ಹನ್ನೆರಡು ಪುಟಗಳಲ್ಲಿದೆ.
ಮೋದಿಯವರ ಫೋಟೋ ಜೊತೆ ಅವರ ಮಾತುಗಳನ್ನು ಕ್ಯಾಲೆಂಡರ್ ನ ಪ್ರತೀ ತಿಂಗಳ ಪುಟದಲ್ಲಿ ಮುದ್ರಿಸಲಾಗಿದೆ.
ಕ್ಯಾಲೆಂಡರ್‍ನಲ್ಲಿ ಕೇಂದ್ರ ಸರ್ಕಾರದ ಯೋಜನೆಗಳ ಬಗ್ಗೆ ಉಲ್ಲೇಖ ಮಾಡಲಾಗಿದ್ದು, ಇದರ ಜೊತೆ ಡಿಜಿಟಲ್ ಕ್ಯಾಲೆಂಡರ್ ಆ್ಯಪ್ ಕೂಡಾ ಬಿಡುಗಡೆ ಮಾಡಿದ್ದು, ಮೊಬೈಲ್‍ನಲ್ಲಿ ಈ ಆ್ಯಪ್ ನ್ನು ಡೌನ್ಲೋಡ್ ಮಾಡಿಕೊಳ್ಳಬಹುದು.
ಕೇಂದ್ರ ಸಚಿವ ವೆಂಕಯ್ಯ ನಾಯ್ಡು ಗುರುವಾರ ಕ್ಯಾಲೆಂಡರ್ ನ್ನು ಬಿಡುಗಡೆ ಮಾಡಿದ್ದು, ಇಂಗ್ಲಿಷ್ ಮತ್ತು ಹಿಂದಿ ಭಾಷೆಯಲ್ಲಿ ಕ್ಯಾಲೆಂಡರ್ ಪ್ರಕಟವಾಗಿದೆ.
