News Kannada
Wednesday, February 01 2023

ದೇಶ-ವಿದೇಶ

8 ವಾರದ ಪುಟ್ಟ ಕಂದಮ್ಮನಿಗೆ 16 ಕೋಟಿ ರೂ ಬೆಲೆಬಾಳುವ ದುಬಾರಿ ಇಂಜೆಕ್ಷನ್

Photo Credit :

8 ವಾರದ ಪುಟ್ಟ ಕಂದಮ್ಮನಿಗೆ 16 ಕೋಟಿ ರೂ ಬೆಲೆಬಾಳುವ ದುಬಾರಿ ಇಂಜೆಕ್ಷನ್

ಬ್ರಿಟನ್: ಈ ವಿಷಯವನ್ನು ಯಾರೇ ಕೇಳಿದರು ಒಮ್ಮೆಗೆ ಮೈ ಜುಮ್ ಎನ್ನುತ್ತದೆ. ಆದರೂ ಇದು ಸತ್ಯ. ಏನು ಅರಿಯದ 8 ವಾರದ ಮುಗ್ಧ ಮಗುವಿನ ಜೀವ ಉಳಿಸಲು ವಿಶ್ವದಲ್ಲಿ ಅತಿ ದುಬಾರಿಯಾದ 16 ಕೋಟಿ ರೂ ಬೆಲೆಬಾಳುವ ಇಂಜೆಕ್ಷನ್ ಕೊಡಿಸಲು ಸಿದ್ಧರಾಗಿರುವ ಹೆತ್ತವರ ಪರದಾಟದ ಕಥೆ ಬ್ರಿಟನ್ ನಲ್ಲಿ ನಡೆದಿದೆ.

ಅದೆಂತಹ ಕಾಯಿಲೆ ಇರಬಹುದು ಇಷ್ಟೊಂದು ದುಬಾರಿ ಇಂಜೆಕ್ಷನ್ ಹೇಗೆ ಎನಿಸುವುದು ಸಹಜ. ಆ ಕಾಯಿಲೆಯ ಹೆಸರು ಜೆನೆಟಿಕ್ ಸ್ಪೈನಲ್ ಮಸ್ಕುಲರ್​​ ಆಟ್ರೋಫಿ(SMA). ಇದೊಂದು ಅನುವಂಶೀಯ ಕಾಯಿಲೆ. ದೇಹದಲ್ಲಿ SMN-1 ಜೀನ್​​​ ಕೊರತೆಯಿಂದ ಈ ಕಾಯಿಲೆ ಕಾಣಿಸಿಕೊಳ್ಳುತ್ತದೆ. ಸ್ಪೈನಲ್ ಮಸ್ಕುಲರ್​​ ಆಟ್ರೋಫಿ ರೋಗದಿಂದ ಬಳಲುತ್ತಿರುವ ವ್ಯಕ್ತಿಗೆ ಈ ಪ್ರೋಟೀನ್​​ನ ಕೊರತೆಯಿಂದಾಗಿ ಎದೆಯ ಭಾಗದ ಸ್ನಾಯುಗಳು ದುರ್ಬಲಗೊಂಡು, ಉಸಿರಾಟದ ಸಮಸ್ಯೆ ಉಂಟಾಗುತ್ತದೆ. ಸಾಮಾನ್ಯವಾಗಿ ಇದು ಪುಟ್ಟ ಮಕ್ಕಳಲ್ಲಿ ಕಾಣಿಸುಕೊಳ್ಳುತ್ತದೆ. ಟೈಪ್​​-1 SMA ಕಾಣಿಸಿಕೊಂಡ ಮಗುವಿಗೆ ಕ್ರಮೇಣವಾಗಿ ಸಮಸ್ಯೆ ಉಲ್ಭಣವಾಗಿ ಸ್ನಾಯುಗಳು ಕೆಲಸ ಮಾಡುವುದು ನಿಲ್ಲಿಸುತ್ತವೆ. ಜೊತೆಗೆ ಉಸಿರಾಟದ ಸಮಸ್ಯೆಯಿಂದ ಎರಡು ವರ್ಷ ಒಳಗಾಗಿ ಮಗು ಸಾವನ್ನಪ್ಪುತ್ತದೆ.

ಈ ಕಾಯಿಲೆ ಹೆಚ್ಚಾಗಿ ಬ್ರಿಟನ್ ದೇಶದಲ್ಲಿ ಕಂಡುಬಂದಿದ್ದು ಗಣತಿಯ ಪ್ರಕಾರ ವರ್ಷದಲ್ಲಿ 60 ಮಕ್ಕಳು ಈ ಕಾಯಿಲೆಯಿಂದ ಸಾವನಪ್ಪುತ್ತಿದ್ದಾರೆ. ಇದಕ್ಕೆ ಇತ್ತೀಚಿನ ವರ್ಷಗಳಲ್ಲಿ ಔಷಧಿಯನ್ನು ಕಂಡುಹಿಡಿಯಲಾಗಿದೆ. ಔಷಧಿಯೇ ಈ ದುಬಾರಿ ಇಂಜೆಕ್ಷನ್. 1.7 ಮಿಲಿಯನ್ ಡಾಲರ್ ಅಂದರೆ ಭಾರತೀಯ ರೂಪಾಯಿಯ ಪ್ರಕಾರ 16 ಕೋಟಿ ರೂ ಬೆಲೆಬಾಳುವ ಈ ಒಂದು ಇಂಜೆಕ್ಷನ್ ಮಗುವಿನ ಪ್ರಾಣವನ್ನು ಕಾಪಾಡಬಹುದು ಎಂದು ಡಾಕ್ಟರ್ಗಳು ಅಭಿಪ್ರಾಯಪಟ್ಟಿದ್ದಾರೆ.

See also  ಮಾಜಿ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಇನ್ನಿಲ್ಲ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

205

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು