News Kannada
Sunday, October 02 2022

ದೇಶ-ವಿದೇಶ

ಯುವ ರೋಗಿಗೆ ಹಾಸಿಗೆ ನೀಡಿ ಜೀವ ತೆತ್ತ ಹಿರಿಯ RSS ಸದಸ್ಯ! - 1 min read

Photo Credit :

ಯುವ ರೋಗಿಗೆ ಹಾಸಿಗೆ ನೀಡಿ ಜೀವ ತೆತ್ತ ಹಿರಿಯ RSS ಸದಸ್ಯ!

ನಾಗ್ಪುರ: ದೇಶದಲ್ಲಿ ಹೆಚ್ಚುತ್ತಿರುವ ಕೊರೊನಾ ವೈರಸ್ ಸೋಂಕು ಪ್ರಕರಣಗಳ ಮಧ್ಯೆ, ಜನರು ಸಂತ್ರಸ್ತರಿಗೆ ವಿವಿಧ ರೀತಿಯಲ್ಲಿ ಸಹಾಯ ಮಾಡುತ್ತಿದ್ದಾರೆ. ಕೆಲವರು ಕೊರೊನಾ ವಿರುದ್ಧ ಹೋರಾಡುವ ರೋಗಿಗಳಿಗೆ ಸಾಮಾಜಿಕ ಮಾಧ್ಯಮಗಳ ಮೂಲಕ ಆಮ್ಲಜನಕ ಸಿಲಿಂಡರ್‌ಗಳ ವ್ಯವಸ್ಥೆ ಮಾಡುತ್ತಿದ್ದರೆ, ಮತ್ತೆ ಕೆಲವರು ಹಾಸಿಗೆಗಳ ಲಭ್ಯತೆಯ ಬಗ್ಗೆ ಮಾಹಿತಿ ನೀಡುತ್ತಿದ್ದಾರೆ.ಆದರೆ ಇಲ್ಲೊಬ್ಬ ವಯೋವೃದ್ಧರು ತಮಗೆ ಕೋವಿಡ್ ಪಾಸಿಟಿವ್ ಇದ್ದರೂ, ಕೊರೊನಾದಿಂದ ಬಳಲುತ್ತಿದ್ದ ಯುವಕನೋರ್ವನಿಗೆ ತಮ್ಮ ಹಾಸಿಗೆ ಬಿಟ್ಟುಕೊಟ್ಟು ತಮ್ಮ ಜೀವವನ್ನೇ ಬಲಿದಾನ ಮಾಡಿದ್ದಾರೆ.
ಮಹಾರಾಷ್ಟ್ರದ ನಾಗ್ಪುರ ನಿವಾಸಿ 85 ವರ್ಷದ ನಾರಾಯಣ್ ದಾಬಡ್‌ಕರ್ ಅವರಿಗೆ ಕೊರೊನಾ ವೈರಸ್ ಸೋಂಕು ತಗುಲಿತ್ತು. ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.ಇದೇ ವೇಳೆ ಅದೇ ಆಸ್ಪತ್ರೆಗೆ ದೌಡಾಯಿಸಿದ ಮಹಿಳೆಯೊಬ್ಬಳು, ಕೊರೊನಾ ಪೀಡಿತ ತನ್ನ ಪತಿಯನ್ನು ದಾಖಲಿಸಿಕೊಳ್ಳುವಂತೆ ಮನವಿ ಮಾಡುತ್ತಿದ್ದಳು. ಮಹಿಳೆಯ ಪರದಾಟ ನೋಡಿದ ನಾರಾಯಣ್ ದಾಬಡ್‌ಕರ್, ತಮಗೆ ಮೀಸಲಾಗಿದ್ದ ಹಾಸಿಗೆಯನ್ನು ಮಹಿಳೆಯ ಪತಿಗೆ ಕೊಟ್ಟು ಮನೆಗೆ ಮರಳಿದ್ದಾರೆ.ತಮಗೆ 85 ವರ್ಷ ವಯಸ್ಸಾಗಿದ್ದು, ನಾನು ಜೀವನವನ್ನು ನೋಡಿದ್ದೇನೆ. ಆದರೆ ಈ ಯುವಕ ಮೃತಪಟ್ಟರೆ ಆತನ ಹೆಂಡತಿ ಮತ್ತು ಮಕ್ಕಳು ಅನಾಥರಾಗುತ್ತಾರೆ. ಹೀಗಾಗಿ ನನಗೆ ಮೀಸಲಿಟ್ಟಿರುವ ಹಾಸಿಗೆಯನ್ನು ಕೊರೊನಾಪೀಡಿತ ಆ ಯುವಕನಿಗಕೊಡುವಂತೆ ನಾರಾಯಣ್ ದಾಬಡ್‌ಕರ್ ವೈದ್ಯರಲ್ಲಿ ಮನವಿ ಮಾಡಿಕೊಂಡಿದ್ದರು.ಅದರಂತೆ ಕೊರೊನಾಪೀಡಿತ ಯುವಕನನ್ನು ಆಸ್ಪತ್ರೆಗೆ ದಾಖಲಿಸಿಕೊಂಡ ವೈದ್ಯರು, ಆತನಿಗೆ ಚಿಕಿತ್ಸೆ ನೀಡುತ್ತಿದ್ದಾರೆ. ಇತ್ತ ಚಿಕಿತ್ಸೆ ಪಡೆಯದೇ ಮರಳಿದ ನಾರಾಯಣ್ ದಾಬಡ್‌ಕರ್, ಮೂರು ದಿನಗಳ ಬಳಿಕ ಅಸುನೀಗಿದ್ದಾರೆ. ನಾರರಾಯಣ್ ದಾಬಡ್‌ಕರ್ ರಾಷ್ಟ್ರೀಯ ಸ್ವಯಂ ಸೇವಕ ಸಂಘ(ಆರ್‌ಎಸ್‌ಎಸ್‌)ದ ಕಾರ್ಯಕರ್ತರಾಗಿದ್ದು, ಅವರ ಬಲಿದಾನ ದೇಶದ ಗಮನ ಸೆಳೆದಿದೆ.
ಈ ಕುರಿತು ಟ್ವೀಟ್ ಮಾಡಿರುವ ಮಧ್ಯಪ್ರದೇಶ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್, ಸಮಾಜ ಮತ್ತು ರಾಷ್ಟ್ರದ ನಿಜವಾದ ಸೇವಕರು ಮಾತ್ರ ಇಂತಹ ಶ್ರೇಷ್ಠ ಬಲಿದಾನಕ್ಕೆ ಮುಂದಾಗುತ್ತಾರೆ. ನಾರಾಯಣ್ ದಾಬಡ್‌ಕರ್ ಅವರ ಬಲಿದಾನಕ್ಕೆ ನನ್ನ ಶತಕೋಟಿ ನಮನ ಎಂದು ಹೇಳಿದ್ದಾರೆ.ಒಟ್ಟಿನಲ್ಲಿ ಮತ್ತೊಬ್ಬರ ಜೀವನ ಉಳಿಸಲು ತಮ್ಮ ಜೀವವನ್ನೇ ಬಲಿದಾನ ಮಾಡಿದ 85 ವರ್ಷದ ಆರ್‌ಎಸ್‌ಎಸ್‌ ಕಾರ್ಯಕರ್ತ ನಾರಾಯಣ್ ದಾಬಡ್‌ಕರ್ ಇಡೀ ದೇಶಕ್ಕೆ ಮಾದರಿಯಾಗಿದ್ದಾರೆ.

See also  ಪಟಾಕಿ ಕಾರ್ಖಾನೆಯಲ್ಲಿ ಸ್ಫೋಟ: ಮಾಲಕನ ಸಹಿತ ಏಳು ಮಂದಿ ಸಾವು
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

145
Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು