NewsKarnataka
Sunday, November 28 2021

ದೇಶ-ವಿದೇಶ

ಭಾರತ ಮೂಲದ ಮಹಿಳೆ ವಂದಿತ ವರ್ಮ ಮಂಗಳ ಗ್ರಹದ ಮೇಲಿನ ರೋವರ್​ ಚಾಲಕಿ

ಕ್ಯಾಲಿಫೋರ್ನಿಯ : ಮಂಗಳ ಗ್ರಹದ ಮೇಲೆ ಚಲಿಸುತ್ತಾ ಅಧ್ಯಯನ ನಡೆಸುತ್ತಿರುವ ‘ಪರ್ಸಿವರೆನ್ಸ್​’ ರೋವರ್​ಅನ್ನು ಚಾಲನೆ ಮಾಡುತ್ತಿರುವುದು ಭಾರತೀಯ ಮೂಲದ ಇಂಜಿನಿಯರ್ ವಂದಿ ವರ್ಮಾ. ಈಕೆ ಅಮೆರಿಕದ ನಾಸಾದ ಜೆಟ್​ ಪ್ರೊಪಲ್ಷನ್ ಲ್ಯಾಬೋರೇಟರಿ(ಜೆಪಿಎಲ್​)ನಲ್ಲಿ ರೋಬೋಟಿಕ್ಸ್​ ಆಪರೇಷನ್ಸ್​ನ ಚೀಫ್ ಇಂಜಿನಿಯರ್​ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.
ಬಹುಕಾಲದ ಹಿಂದೆ ನೀರಿನ ಕೊಳ ಹೊಂದಿತ್ತು ಎಂದು ಭಾವಿಸಲಾದ ‘ಜೆಜೆರೋ’ ಎಂಬ ಕ್ರೇಟರ್​ನ ಮೇಲೆ ಸದ್ಯಕ್ಕೆ ಪರ್ಸಿವರೆನ್ಸ್​ ಸಂಚಾರ ನಡೆಸುತ್ತಿದೆ. ಅಲ್ಲಿನ 15 ಕಿಲೋಮೀಟರ್​ನಷ್ಟು ನೆಲದ ಮೇಲೆ ಓಡಾಡಿ ಪ್ರಾಚೀನ ಸೂಕ್ಷ್ಮಜೀವಿಗಳ ಇರುವಿಕೆಯನ್ನು ಹುಡುಕುವ ಕೆಲಸ ಮಾಡುತ್ತಿದೆ. “ಜೆಜೆರೋ ವಿಸ್ಮಯಕಾರಿಯಾಗಿದೆ” ಎಂದಿರುವ ವಂದಿ ವರ್ಮಾ, ತಮ್ಮ ಕೆಲಸದ ಬಗ್ಗೆ ಉತ್ಸಾಹ ಹೊಂದಿದ್ದಾರೆ. ಪಂಜಾಬಿನ ಹಲ್ವಾರದ ಮೂಲದವರಾದ ವರ್ಮಾರ ತಂದೆ, ಇಂಡಿಯನ್ ಏರ್​ ಫೋರ್ಸ್​ ಪೈಲೆಟ್​ ಆಗಿದ್ದರಂತೆ. ಕಾರ್ನೆಗಿ ಮೆಲ್ಲಾನ್ ಯೂನಿವರ್ಸಿಟಿಯಲ್ಲಿ ರೋಬೋಟಿಕ್ಸ್​ನಲ್ಲಿ ಪಿಎಚ್​.ಡಿ. ಮಾಡಿರುವ ವಂದಿ ವರ್ಮಾ, 2008 ರಿಂದ ಮಂಗಳ ಗ್ರಹದ ಮೇಲೆ ಅನ್ಯಾನ್ಯ ರೋವರ್​ಗಳ ಚಾಲಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಸ್ಪಿರಿಟ್​, ಆಪರ್ಚುನಿಟಿ ಮತ್ತು ಕ್ಯೂರಿಯಾಸಿಟಿ ರೋವರ್​ಗಳನ್ನು ಅವರು ಯಶಸ್ವಿಯಾಗಿ ನಿರ್ವಹಿಸಿದ್ದಾರೆ.
ಸುಮಾರು 300 ಮಿಲಿಯನ್ ಕಿಲೋಮೀಟರ್​ಗಳ ದೂರದಲ್ಲಿ ಮಂಗಳದ ಮೇಲೆ, ಎಸ್‌ಯುವಿ ಗಾತ್ರದ ರೋವರ್​, ತನ್ನ ಪ್ರಯಾಣ ಆರಂಭಿಸಿದರೆ, ವರ್ಮ ಮತ್ತು ಇತರ ಇಂಜಿನಿಯರುಗಳ ತಂಡ ನಾಸಾದ ಲ್ಯಾಬಲ್ಲಿ ಬಹುಎಚ್ಚರಿಕೆಯಿಂದ ಕಾರ್ಯನಿರ್ವಹಿಸುತ್ತಾರೆ. ತನ್ನ ಚಕ್ರಗಳ ಮೇಲೆ ವಿಜ್ಞಾನ ಪ್ರಯೋಗಾಲಯವನ್ನು ಹೊತ್ತಿರುವ ರೋವರ್​, ಹಳ್ಳಕೊಳ್ಳಗಳ ಮೇಲೆ ಚಲಿಸಿ ಅಪಾಯಕ್ಕೀಡಾಗದಂತೆ ಇಲ್ಲಿನ ರೋವರ್​​ ಚಾಲಕರು ಮತ್ತು ಯೋಜಕರು ಅದರ ನ್ಯಾವಿಗೇಷನ್ನಿನ ಮಾರ್ಗವನ್ನು ನಿಖರವಾಗಿ ತಯಾರಿಸುತ್ತಾರೆ. ಸಾಟಲೈಟ್ ಇಮೇಜುಗಳನ್ನು ಬಳಸಿ 3ಡಿ ಗ್ಲಾಸಸ್​ ತೊಟ್ಟು ರೋವರ್​ನ ಸುತ್ತಣ ಜಾಗವನ್ನು ನೋಡಿ ಅದರ ಮಾರ್ಗವನ್ನು ತಯಾರಿಸಿ, ಸೂಚನೆಗಳನ್ನು ಮಂಗಳ ಗ್ರಹಕ್ಕೆ ಕಳುಹಿಸುತ್ತಾರೆ. ಮರುದಿನ ಆ ಸೂಚನೆಗಳಂತೆ ಮಾರ್ಗವನ್ನು ರೋವರ್ ಕ್ರಮಿಸುತ್ತದೆ. ಹೀಗೆ ಚಲಿಸುವಾಗ ಸಹಾಯ ಮಾಡಲು, ಪರ್ಸಿವರೆನ್ಸ್​ ರೋವರ್​ನಲ್ಲಿ ಕಂಪ್ಯೂಟರುಗಳು ಅಳವಡಿಸಲ್ಪಟ್ಟಿವೆ​ ಎನ್ನಲಾಗಿದೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Leave a Reply

Your email address will not be published. Required fields are marked *

C Indresh

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.

error: Content is protected !!