ಸ್ಯಾನ್ ಫ್ರಾನ್ಸಿಸ್ಕೋ: ಆರು ದಿನಗಳ ಅಮೆರಿಕ ಪ್ರವಾಸದಲ್ಲಿರುವ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಮತ್ತೊಮ್ಮೆ ಜಾತಿ ಆಧಾರಿತ ಜನಗಣತಿಗಾಗಿ ತಮ್ಮ ಬೇಡಿಕೆಯನ್ನು ಪುನರುಚ್ಚರಿಸಿದ್ದಾರೆ. ಅಲ್ಲದೆ ಬಿಜೆಪಿ ಮತ್ತು ಆರ್‌ಎಸ್‌ಎಸ್ ಭಾರತದ ಸಂವಿಧಾನಿಕ ಸಂಸ್ಥೆಗಳ ಮೇಲೆ ದಾಳಿ ನಡೆಸುತ್ತಿವೆ ಎಂದು ಆರೋಪಿಸಿದ್ದಾರೆ.
ಭಾರತದ ಸೌಂದರ್ಯ ಅದರ ವೈವಿಧ್ಯತೆಯಲ್ಲಿದೆ. ಯಾವುದೇ ಭಾಷೆಯ ಮೇಲಿನ ಆಕ್ರಮಣವು ದೇಶದ ಸಂವಿಧಾನದ ಮೇಲಿನ ದಾಳಿಯಾಗಿದೆ ಆದರೆ ಕಾಂಗ್ರೆಸ್ ಭಾಷೆಯ ಮೇಲಿನ ದಾಳಿಗೆ ಅವಕಾಶ ನೀಡುವುದಿಲ್ಲ ಎಂದರು.
ಆರು ದಿನಗಳ ಅಮೆರಿಕ ಪ್ರವಾಸದಲ್ಲಿರುವ ಭಾರತೀಯ ವಲಸಿಗರೊಂದಿಗೆ ಇಲ್ಲಿ ಸಂವಾದ ನಡೆಸಿದ ರಾಹುಲ್ ಗಾಂಧಿ, “ಭಾರತವು ವೈವಿಧ್ಯಮಯ ದೇಶ. ಇಲ್ಲಿ ಎಲ್ಲ ಭಾಷೆ., ಧರ್ಮ, ಆಚಾರ ವಿಚಾರಗಳಿಗೆ ಅವಕಾಶವಿದೆ ಎಂದರು.
ಅಮೇರಿಕಾದಲ್ಲಿ ನೆಲೆಸಿರುವ ಭಾರತೀಯರನ್ನು ಭಾರತೀಯ ಸಂಸ್ಕೃತಿಯ ರಾಯಭಾರಿಗಳು ಎಂದು ಕರೆದ ಅವರು, “ನೀವೆಲ್ಲರೂ ಇಲ್ಲಿಗೆ ಬರಲು ಸಾಂಸ್ಕೃತಿಕ ವೈವಿಧ್ಯವೇ ಕಾರಣ” ಎಂದು ಹೇಳಿದರು.
